Yelemiya 49:1 - IBAYIBOLO 2024

¹ Pakunena nizya luko ulwa Amoni, u Mwene ukulalusya akuti, “Nkimba aba Izilayeli bate na bana abalumendo? Nkimba bate naba mpyana? Po nkimba choni chicho abantu, babo bakumwiputa u Moleki bafyulite ichisu icha Gadi? Nkimba choni chicho abantu bache bakwikala mutwaya twache utukulu?

Yelemiya 49:1 Iomraidhean Croise

Ubwandilo 19:38

Wepe nu munandi akapapa umwana umulumendo nukumwita ukuti we Benami. U Benami we munyenya uwa aba Amoni.

2 Abamwene 10:33

ukwandila kubufumilo bwizuba ubwa Yolodani muchisu chosi icha Giliyadi kokuti ichigaba icha Gadi nicha Lubeni sona nicha Manase. Ukwandila ku Aloyeli papipi nu lusoko ulwa Alinoni nukudumusannya mu Giliyadi mupaka ku Bashani.

2 Abamwene 24:2

U Mwene akatuma amavyondongo agha mu Babiloni nagha mu Siliya nagha mu Mowabu sona nagha mu Amoni pakuchinangannya ichisu icha Yuda, ukuyana namumo u Mwene akababuzizya ababombi bache abalaghuzi.

2 Imbili 20:1

Pakabalilo kamo aba Mowabu naba Amoni poka naba Mebuni bamo, bakiza pakulwa ubwite nu Yehoshafati.

2 Imbili 20:23

Aba Amoni, naba Mowabu bakabasambukila abantu aba kwighamba ilya Seyili pakubaghogha bosi. Bo bamala pakubaghogha abantu aba mu Seyili, bakanda pakughoghana benebene.

Nehemiya 2:19

Loli bo u Sanibalati uwamu Holoni nu Tobiya umu Amoni, sona nu Geshemu umu Alabu bivwa zinizi, bakatuseka nukutobezya ukuti, “Nkimba mukubomba ichoni? Nkimba mumusambukiye u mwene?”

Nehemiya 4:7

Loli bo u Sanibalati nu Tobiya naba Alabu naba Amoni sona naba Ashidodi bivwa ukuti imbombo iyakuzenga sona ulupaso mu Yelusalemu yikendagha akiza nkani sona nukuti twazenga mosi mumo mukamongonkana, bakakalala nkani.

Masalimo 83:7

naba Gebala naba Amoni naba Amaleki naba Filisiti poka na bantu aba mu Tile.

Masalimo 9:6

Abalwani bitu bazimila, watumongolannya utwaya twabo utukulu nkani, umwakuti tutakwiza pakukumbukiliwa sona.

Yelemiya 12:14

U Mwene akuti, “Nizya bapalamani bane bosi ababibi babo bakufyula ichilingo chicho nkabapa abantu bane aba Izilayeli, nkwiza pakubefyamo muchisu chilachila sona nkwiza pakubanyunkulannya aba muchisu icha Yuda mukasi mumwabo.

Yelemiya 25:21

ku bantu bosi aba mu Edomu naba mu Mowabu naba mu Amoni,

Yelemiya 25:9

nkwiza pakubitizya abantu aba kumitu poka nu mubombi wane u Nebukadineza u mwene uwa ku Babiloni sona nkwiza pakuchitumila ubwite ichisu ichi poka na bantu babo bakwikala mulamula sona ninko izya bantu babo babazyunguliye. Nkwiza pakubanangannya nukubapela pakuba chintu ichakoghofya nichakusekiwa sona ichisu chila chikwiza pakwipela chisami icha bwila na bwila.

Yelemiya 27:3

Ubatumile amazyu abamwene aba mu Edomu naba mu Mowabu na mu Amoni na mu Tile sona na mu Sidoni, ukwendela muntumi zizyo zyizite mu Yelusalemu kwa Zedekiya u mwene uwa Yuda.

Yelemiya 48:1

Pakunena nizya chisu icha Mowabu, u Mwene Uwamaka Ghosi, u Chala uwa Izilayeli akuti, “Chighune kukaya aka Nebo, pakuti kaba chisami. Akaya aka Kiliyatayimu kakoziwa isoni sona kafyuliwa ilinga lyache ilya maka lyakoziwa isoni nukumongoka.

Yelemiya 49:23

Pakunena nizya Damasika akati, “Abantu aba Hamati naba Alipadi bali nubogha nkani, pachifukwa ichakuti bivwa amazyu amabibi. Amoyo ghabo ghali mumwanya bulo, ngati nyanja sona bate nu mutende naghumoghumo.

Yelemiya 49:28

Pakunena nizya Kedali sona nizya bumwene ubwa Hazoli, bubo u Nebukadineza u mwene uwa Babiloni akabupota. U Mwene akati, “Nyamuka nukulwa nu Kedali, sona mubanangannye abantu abakubufumilo bwizuba.

Yelemiya 49:7

Pakunena nizya Edomu, U Mwene Uwamaka Ghosi akuti, “Nkimba mutalimo amahala mu Temani? Nkimba abantu abamahala ubulongozi bwabo bwamala? Nkimba amahala ghabo ghabamaliye?

Ezekiyeli 21:25

“ ‘Nawe bulo we mwene uwa Izilayeli, we mubibi sona we munyazu isiku lyakukwanila, kope akabalilo aka lufundo kakufikila.

Ezekiyeli 25:1

U Mwene akambuzya akati,

Zefaniya 1:5

Nkwiza pakubanangannya babo bakukwela pavisonje ivya nyumba pakwiputa izuba nu mwezi sona ni ntondwa. Nkwiza pakubazimizya babo bakufughama pasi, nukulapila mwitabwa ilya Mwene sona pakabalilo kanako bakulapila mwitabwa ilya chala u Moleki.

Ukubelengiwa 1:24

Mu baluko ulwa Gadi mukasimbiwa abanavuli bosi abamaka 20 pamo ukuchilapo, babo bangalwa ubwite, ukuyana ni nyumba zyabo, sona na matabwa agha banyenya babo.

Ukukumbusya Amalamulo 2:19

Bo mwapalamila ni chisu icha ba Amoni, mutakabatamyanje, pamo ukulwa nabo ubwite, pakuti ntakwiza pakubapa ichisu icha ba Mowabu ukuti chibanje chinyu. Ane nabapa abaluko ulwa Loti ichisu chilachila ukuti chibanje chabo.”

Ukukumbusya Amalamulo 23:3

Nayumoyumo umu Amoni pamo umu Mowabu, pamo uwa weka uwa baluko lwabo mupaka inkulilo iya 10, atakabanjepo palukomano ulwa bantu aba Mwene.

Ukukumbusya Amalamulo 23:4

Pakuti abantu banaba batakabapa ivyakulya pamo amizi pabulendo bwinyu, bo mukwepamo mu Ijiputi. Bakamwitizya u Balamu, umwana uwa Bewoli uwamu Petoli muchisu icha Mesopotamiya ukuti abaghune.