Yelemiya 48:8 - IBAYIBOLO 2024

⁸ Uwakunangannya akwiza pakukizila akaya kosi akakulu, sona katalipo nakaya nakamokamo kako kakwiza pakupona. Ikombe likwiza pakuba chisami, sona akaghamba kakwiza pakunanganika, pakuti Ane ne Mwene nanena.

Yelemiya 48:8 Iomraidhean Croise

Yelemiya 15:8

Nkwiza pakonjelezya ubwinji ubwa bakolo abafwilwe, ukuchila nu musesenga uwa munyanja. Nkwiza pakubasendela uwakubanangannya, abamayi na bana babo pakasi pamusanya, Umwakuchenusya bulo nkwiza pakubizila nintamyo ni vyakoghofya.

Yelemiya 25:9

nkwiza pakubitizya abantu aba kumitu poka nu mubombi wane u Nebukadineza u mwene uwa ku Babiloni sona nkwiza pakuchitumila ubwite ichisu ichi poka na bantu babo bakwikala mulamula sona ninko izya bantu babo babazyunguliye. Nkwiza pakubanangannya nukubapela pakuba chintu ichakoghofya nichakusekiwa sona ichisu chila chikwiza pakwipela chisami icha bwila na bwila.

Yelemiya 48:18

“Mwee bantu aba ku Diboni, ikapo pabuchindamu bwinyu, nukwikala pachisu ichumizu. Pakuti yuyo akunangannya ichisu icha Mowabu, akwiza pakulwa namwe, nukughamongolannya amalinga ghako.

Yelemiya 51:56

Abakumunangannya u Babiloni bafika, abasilikali bache balemiwa sona ubwele bwabo bwapyoliwa. Pakuti ane ne Chala yuyo akutanizya imbibi pa mbibi, naloliloli nkwiza pakubatanizya imbibi pa mbibi,

Yelemiya 6:26

Mwee bantu bane, vwala amasaka sona mughalaghataye mwitoyi, mulilaye umwakukolomoka, ngati mumo umuntu akumulilila u mwana wache weka naweka, pakuti umwakuchenusya bulo uwakutunangannya akwiza pakutwizila.

Ezekiyeli 25:9

polelo nkwiza pakubwitikizya ubwite mutwaya tuto tubazyunguliye, babo bali kumpaka iya chisu icha Mowabu poka nutwaya utu: Beti Yeshimoti, Baala Meyoni nu Kiliyatayimu, bubo buchindamu ubwa chisu chila.

Yoshwa 13:17

mupaka ku Heshiboni poka nutwaya twache tosi utwa mwikombe kokuti akaya aka Diboni naka Bamoti Baala naka Beti Baala Meyoni

Yoshwa 13:21

kokuti utwaya tosi utwa tukwezya, sona nutwaya tosi utwa mwene u Sihoni uwamu Amoli, yuyo akalaghilagha mu Heshiboni. U Mozesi akamupota u Sihoni, poka na balongozi aba mu Midiyani. Abamwene banaba bo aba: U Evi nu Lekemu nu Zuli nu Huli, sona nu Leba kokuti abamwene bosi babo bakalaghilagha muchisu chilachila.

Yoshwa 13:9

Ichigaba chabo chikandila ku Aloyeli, sona nakaya akakulu nkani pakasi pikombe ilya Alinoni, nukonjelezyapo ichisu chosi icha mumaghamba icha Medeba mupaka ku Diboni,