Yelemiya 48:44 - IBAYIBOLO 2024

⁴⁴ “Umuntu wesi yuyo akuchimbila ichakoghofya, akwiza pakuwila muchiliba, wesi yuyo akwepamo muchiliba, akwiza pakulemiwa muchipingo, pakuti zinizi nkwiza pakumuwisizya u Mowabu, pakabalilo aka lufundo lwache. Ane ne Mwene nanena.

Yelemiya 48:44 Iomraidhean Croise

1 Abamwene 19:17

U Yehu akwiza pakubaghogha abantu bosi babo batakaghoghiwa nu Hazayeli, sona u Elisha akwiza pakubaghogha abantu bosi babo batakaghoghiwa nu Yehu.

1 Abamwene 20:30

Abasilikali abanji babo bakasyala bumi bakachimbilila mukaya akakulu nkani aka Afeki, kuko ulubumba lukabawila abantu 27,000. Loli u mwene u Beni Hadadi akachimbilila kukaya akakulu nkani nukuvwama mukasi muchipinda.

Yesaya 10:3

Nkimba mukwiza pakubomba ichoni pisiku ilya lufundo, bo ukunanganika kukwiza ukufuma kubutali? Nkimba mukwiza ukuchimbilila kwa wenu ukuti mubwaghe ubwavwilizi? Nkimba mukwiza pakumulekela uwenu ubukabi bwinyu?

Yesaya 24:17

Ivyakoghofya, ivibwina nivitegho vikulindiliye awe, mwee bantu ba pachisu chosi ichapasi.

Yesaya 24:18

Wesi yuyo akuchimbila ivyakoghofya, akwiza pakuwila muchibwina, wesi yuyo akufumamo muchibwina, akwiza pakulemiwa muchitegho. Imilyango iya kumwanya yighukite, ulwalo ulwa pachisu ichapasi lukuneng'ena.

Yelemiya 10:15

Vite nimbombo nayimoyimo, pakuti imbombo yabo yabuzimbuli mpela, sona pakabalilo aka lufundo lwabo bakwiza pakuzimila.

Yelemiya 11:23

Atakwiza pakuponapo nayumoyumo pachifukwa ichakuti nkwiza pakubawisizya intamyo abantu aba ku Anatoti, mumwaka wabo uwa lufundo.”

Yelemiya 16:16

U Mwene akuti, “Loli ilelo nkwiza pakubatumila abaloba iswi abinji nkani, babo bakwiza pakubaloba abantu banaba. Pisinda pache nkwiza pakubatumila ababingi abinji nkani, po bakwiza pakubabinga mumaghamba ghosi na mutughamba tosi sona na mumpako izya mabwe.

Yelemiya 23:12

“Polelo izila zyabo zizyo bakwendamo zikwiza pakuba zya butyelele, bakwiza pakuchimbiziwa ku chisi, sona bakwiza pakuwila kulakula. Nkwiza pakubizila nintamyo, sona akabalilo aka lufundo kakwiza. Ane ne Mwene nanena.

Yelemiya 46:21

Abasilikali abaganyu babo bali nabo, bali ngati ngwata inyine. Bope bulo bakwiza pakunyokela mwisinda nukuchimbila poka, pakuti isiku lyabo ilya lufundo likubizila, batakwiza pakujimba, pakuti isiku ilya lufundo likubizila, ko kabalilo akakunanganikila

Yelemiya 49:8

Mwee bantu aba mu Dedani, nyokela nukuchimbila, muvwamaye muviliba ivyibizu, pakuti nkwiza pakumunangannya u Esabu, pakabalilo akakumufundila.

Yelemiya 50:24

Wee Babiloni, nkakutegha ichipingo po ukawilamo, bo utazimenye napo panandi, ukaghiwa nukulemiwa, pachifukwa ichakuti ukasusannya nu Mwene.

Yelemiya 50:27

Mubaghoghe abasilikali abalumendo bache bosi, baghoghe bosi, chighune kukwabo! Pakuti isiku lyabo lyabafikila, sona akabalilo kabo aka lufundo kakwana.

Yelemiya 51:18

Vite nimbombo nayimoyimo, pakuti imbombo yabo yabuzimbuli mpela, sona pakabalilo aka lufundo lwabo bakwiza pakuzimila.

Yelemiya 8:12

Nkimba bate ni soni pakubomba ivinyazu vinivi? Awe, bate ni soni nazimozimo sona batakuwisya ivyeni vyabo pasi. Pakuti bakwiza pakuwila poka na bamwabo babo bakawa kale. Bakwiza pakuwila zila bo nabafunda. Ane ne Mwene nanena.’

Nkuto 3:47

Aswe tuli nubogha, sona twawila muchiliba, twananganika sona twazimila.

Hoseya 9:7

Amasiku aghakufundiliwa ghafikila, ghope amasiku agha muvwalo ghafikila. Aba Izilayeli bazimanye zinizi. Pachifukwa ichakuti imbibi zyinyu nyinji nkani, sona lope ulubengo lwinyu lukulu, po mukuti umulaghuzi mupunganu, wepe umuntu yuyo akulongoziwa nu muzimu apenite.

Amosi 5:19

Likwiza pakuba ngati po umuntu akuchimbila inkalamu, nukukomana nu labwe. Likwiza pakuba ngati po umuntu injiye munyumba yache nukweghamizya inyobe zyache palubumba, nukulumiwa ni njoka.

Mika 7:4

Umuntu umwiza nkani mumwabo ali ngati we ntolovu, umugholosu nkani ukuchilapo mumwabo ali ngati lupaso ulwa mivwa. Isiku ilyakufundiwa abalindilili bako lyafika lilyo u Chala akubendela. Ilelo kanaka ko kabalilo akakuvulungana.