Yelemiya 48:42 - IBAYIBOLO 2024

⁴² U Mowabu pakuba luko akwiza pakunanganika, pachifukwa ichakuti akamusambukila u Mwene.

Yelemiya 48:42 Iomraidhean Croise

Ivyili 16:18

Amituvyo ghakumunanga umuntu, sona ukwitutumula kukumuwisya umuntu.

Yesaya 16:14

Loli ilelo u Mwene akuti, “Mumaka matatu, ghali ngati maka agha kumusimba uwa mbombo, ubuchindamu ubwa Mowabu na bantu bache abinji bakwiza pakusamuliwa, napapo ali na bantu abinji nkani, abakupona bache bakwiza pakuba banandi bulo sona na badedebazu.”

Yesaya 37:23

Nkimba wewenu yuyo ukumutuka nukumusamula? Nkimba wewenu yuyo ukumukwezezya izyu, nukwinusya amaso ghako umwakwituvya? Ku Muzelu uwa Izilayeli!

Yesaya 7:8

Akaya akakulu nkani aka Damasika we mutu uwa Siliya, u mwene u Lezini yo akulaghila mwene mu Damasika. Ichene ichisu icha Efulayimu chikwiza pakunanganika, sona mutakwiza pakubamo abantu bo amaka 65 ghatamalite.

Yelemiya 30:11

Indi poka namwe sona nkwiza pakubapoka. Nkwiza pakuzinangannya inko zyosi, kuko nabanyampanizizya, loli amwe ntakwiza pakubananganizizya zila. Nkwiza pakubapa amafundwe nubwanaloli, ntakwiza pakubaleka bulo ukusita pakubafunda.”

Yelemiya 48:2

U Mowabu atakwiza pakupaliwa sona, abalwani bakabatika pakukafyula akaya akakulu aka Heshiboni bakati, ‘Zagha tulumale uluko ulwa bantu.’ Namwe bulo, mwe bantu aba Madimeni, mukwiza pakwighaliliwa imilomo, ubwite bukwiza pakubakonka.

Ezekiyeli 35:13

Pakunena bunubo, mukituvya nkani umwakususannya nane sona mwantuka nivintu ivyinji nkani, amazyu ghosi ghanagha naghivwa.

Daniyeli 11:36

“U mwene uwa chisu icha kumitu akwiza pakubombagha ukuyana namumo akulondela. Akwiza pakwitutumula ukuti wapamwanya nkani ukubachila abachala abanji, sona ukuti wapamwanya nkani ukumuchila u Chala uwa bachala. Akwiza pakubombagha zinizi mupaka pakabalilo kako u Chala akwiza pakumufundila. U Chala akwiza pakuzibomba zilazila zizyo akabatika.

Matayi 7:2

Pakuti mumo mukubalongela abantu abanji, momumo u Chala akwiza pakubalongela. Ichipimilo chicho mukubombezya pabantu abanji, cho chicho u Chala akwiza pakubombezya papinyu.

2 Aba Tesalonika 2:4

Akwiza pakususya nukwikwezya mwene pamwanya pa bachala bosi sona na pamwanya pa vintu vyosi vivyo abantu bakuvyiputa. Akwiza pakwinjila nukwikala mu Nyumba iya Chala nukwiyitizya mwene ukuti we Chala.

Ubuvumbuli 13:6

Chikanda pakumusamula u Chala, pakulituka itabwa lyache, pakubutuka ubuzilo bwache bubo akwikalapo, sona nukubatuka abantu bosi babo bakwikala kumwanya.