Yelemiya 48:26 - IBAYIBOLO 2024

²⁶ U Mwene akuti, “Mumupele ukuti akolwe, pachifukwa icha kumusambukila u Mwene. Mumuleke u Mowabu aghalaghataye mumatapisi ghache, muleke abe chakusekiwa.

Yelemiya 48:26 Iomraidhean Croise

Yobu 15:25

pachifukwa ichakumusambukila u Chala sona akulonda pakulwana nu Wamaka ghosi,

Yobu 9:4

U Chala we wamahala, sona wamaka nkani. Nkimba wenu yuyo angiminkana nawe, umwakusita ukuvulaziwa?

Masalimo 2:4

Yuyo ikaye kumwanya akubaseka, sona u Mwene akubobezya.

Masalimo 59:8

Wee Mwene, loli ukubaseka, sona ukubobezya abantu aba inko zyosi.

Masalimo 60:3

Wabitikizya abantu bako ukuti bakomane nintamyo impalapala, sona watung'wesya uvinyo, po tukutantalila nawe.

Masalimo 75:8

U Mwene alemite ulubako munyobe, lulo lwizuye nu vinyo uwa itatafula umongannye ni vyakunonezya ichakulya. Akumupungula, po abantu ababibi bosi aba muchisu ichapasi bakung'wela, bakung'wela wesi mupaka pamasika.

Ukufuma 5:2

Po u Falabo akamula akati, “Nkimba u Mwene yunuyu wewenu? Nkimba choni chicho imwivwilaye pakubitikizya aba Izilayeli ukuti babukaye? Ntamumenye u Mwene yunuyu, po ntakwiza pakubitikizya aba Izilayeli ukuti babukaye.”

Ukufuma 9:17

Loli pope bulo uchili ukwituvya nukukana pakubitikizya abantu bane ukuti babukaye.

Yesaya 10:15

Nkimba intemo yingikwezya ukuti yapamwanya, ukuchila yuyo akuyibombezya, pamo ichakubolela amatabwa chingituvya ukuti chapamwanya, ukuchila yuyo akuchibombezya? Chinichi chiyanite bulo ni ndisa pakumulema yuyo ayinyamuye, pamo intughu yikulonda pakumunyamula mumwanya yuyo te likwi ilyumizu!

Yesaya 19:14

U Mwene abikamo mumwabo umoyo uwakuvulungannya, zikumupelela u Ijiputi ukuti atantalilaye pazyosi zizyo akubomba, ngati mumo umuntu yuyo akolizwe akutantalila bo akutapika.

Yesaya 28:8

Amatebulo ghosi ghali na matapisi ghene, patalipo napamo papo pate ubunyazu.

Yesaya 29:9

Mwipelaye bapunganu sona muswighaye, mwipelaye bafwamaso, sona mutakennyanje, mukolwanje, loli mutakakolwanje nuvinyo, mutantalilaye loli mutakatantalilaye pachifukwa icha bwalwa.

Yesaya 51:17

Wee Yelusalemu, vundumuka, vundumuka! Nyamuka! Wang'wela ulubako ulwa lufundo, lulo u Mwene mubukali bwache akabapa, lwabapela ukuti mutantalilaye.

Yesaya 63:6

Mubukalale bwane nkazikanyankila inko, mubukali bwane nkabapela ukuti bang'wele, nukukupula ibanda lyabo pasi.”

Yelemiya 48:39

“Mwennye u Mowabu namumo apyoleliwa! Bennye abantu bache namumo bakulilila! Mwennye u Mowabu namumo isoni zimulemeye! U Mowabu aba chintu ichakusekiwa, ichintu ichakoghofya ku bantu babo bamuzyunguliye.”

Yelemiya 48:42

U Mowabu pakuba luko akwiza pakunanganika, pachifukwa ichakuti akamusambukila u Mwene.

Yelemiya 50:29

“Mubitizye bosi abafundi aba bwele, ukuti balwe ubwite naba mu Babiloni. Babazyungulile sona atakabepo nayumoyumo uwakupona. Mubatanizye pachifukwa icha mbombo zyabo, Mubabombele zizyo bakababombela abanji, Pakuti bakamusamula u Mwene Umuzelu uwa Izilayeli.

Yelemiya 51:39

Loli nanti bakalala, nkwiza pakubayanizizya ulusekelo, nukubapela ukuti bakolwe, umwakuti basekaye umwakukolomoka, po bakwiza pakughona utulo utwakufwa nato, nukuti batakwiza pakunyamuka sona. Ane ne Mwene nanena.

Yelemiya 51:57

Nkwiza pakughapela amakambala ghache na bantu abamahala pakuba bachakolwa, poka na balaghili na balongozi sona na basilikali bulo. Bakwiza pakughona utulo utwakufwa nato sona batakwiza pakulamusya. Ane ne Mwene Uwamaka Ghosi nanena.”

Yelemiya 51:7

U Babiloni akaba ngati lo lubako ulwa golide munyobe izya Mwene, lulo lukapela ichisu chosi ichapasi ukuti chikolwe. Inko zyosi zikang'wela u vinyo wache, polelo, ilelo zyapena.

Nkuto 1:21

“Abantu bivwa ukukoloma kwane, loli atalipo nayumoyumo uwakunsangalusya. Abalwani bane bosi bazyivwa intamyo zyane, sona bakusekela pazizyo wabomba. Isiku lilyo ukalifumusya ulikwanilisyanje, umwakuti bope babanje ngati mumo imbeleye.

Nkuto 3:15

U Mwene ampiye intamyo impalapala, pakuba chakulya chane sona ni chakung'wela chane.

Nkuto 4:21

Mwee bantu ba mu Edomu, mwe mukwikala muchisu icha Uzi, sekelagha sona hobokagha, Namwe bulo ulubako lunulu lukwiza pakubizilagha, po mukwiza pakukolwa nalo nukuvula amenda.

Daniyeli 11:36

“U mwene uwa chisu icha kumitu akwiza pakubombagha ukuyana namumo akulondela. Akwiza pakwitutumula ukuti wapamwanya nkani ukubachila abachala abanji, sona ukuti wapamwanya nkani ukumuchila u Chala uwa bachala. Akwiza pakubombagha zinizi mupaka pakabalilo kako u Chala akwiza pakumufundila. U Chala akwiza pakuzibomba zilazila zizyo akabatika.

Daniyeli 5:23

Loli ukamusambukila u Mwene uwakumwanya pakubalamula abantu ukuti bize ni mbako ni mbale pamaso papako zizyo zikaba mu Nyumba iya Chala. Po awe na makambala ghako, na bachi bako sona na bachi bako abazya mukang'welelaghamo uvinyo. Mukabapala abachala aba siliva naba golide naba mukuba na bachela naba makwi sona naba mabwe abachala babo batakwennya pamo ukwivwa pamo ukumanya ivintu. Loli utakamuchindika u Chala, yuyo akubusungilila ubumi bwako, sona yuyo ivintu vyosi vili munyobe zyache.

Daniyeli 8:10

Ulupembe lula lukakula nkani, umwakuti lukapalamasyanga utubukatila ni ntondwa na basilikali aba kumwanya, po lukabasumbila pasi abasilikali bamo aba kumwanya nukubakanyankila.

Nahumu 3:11

Nawe bulo Ninive ukwiza pakukolwa, sona ukwiza pakubavwama abalwani bako.

Habakuku 2:16

Ukwiza pakukoziwa isoni mubuzilo ubwa buchindamu. Polelo chili papako, ng'welagha umwakuti ulanjizye ukusita kusilimuliwa kwako. Ubukali ubwa lubako ulwa Mwene bukwiza papako, ubuchindamu bwako bukwiza pakusamuliwa.

2 Aba Tesalonika 2:4

Akwiza pakususya nukwikwezya mwene pamwanya pa bachala bosi sona na pamwanya pa vintu vyosi vivyo abantu bakuvyiputa. Akwiza pakwinjila nukwikala mu Nyumba iya Chala nukwiyitizya mwene ukuti we Chala.

Ubuvumbuli 16:19

Akaya akakulu nkani aka Babiloni kakagabinkana patatu, sona nutwaya utukulu nkani utwa vyisu vyosi tukamongoliwa. U Chala akamung'wesya u Babiloni umukulu nkani yula uvinyo uwa mulubako lwache, lulo lukizula nu bukali bwache ubukulu.