Yelemiya 48:19 - IBAYIBOLO 2024

¹⁹ Amwe mwe mukwikala mu Aloyeli, imilila mulubazu ulwa musebo nukwenelezya. Mumulalusye umwanavuli yuyo akuchimbila nu mukolo yuyo apona mumulalusye muti, ‘Nkimba choni chicho chabombiwa?’

Yelemiya 48:19 Iomraidhean Croise

2 Samuweli 24:5

Bakaloboka ulusoko ulwa Yolodani, nukuzenga ivisakasa vyabo mukaya aka Aloyeli, kuntende mwikombe. Po bakabuka ku Gadi mupaka ku Yazeli.

1 Imbili 5:8

sona nu Bela umwana uwa Azazi, umwizukulu uwa Shema uwaluko ulwa Yoweli. Ichisu chabo chicho bakikalaghamo chikandila ku Aloyeli mupaka ku Nebo nukufika ku Baala Meyoni.

Ukubelengiwa 32:34

Po aba Gadi bakazenga akaya akakulu aka Diboni naka Ataloti sona naka Aloyeli.

Ukukumbusya Amalamulo 2:36

U Mwene u Chala witu akatwitikizya ukuti tufyule utwaya tosi utukulu ukwandila ku Aloyeli, mulubazu ulwa ulusoko ulwa Alinoni, mupaka ku Giliyadi. Katakabapo nakamokamo akaya akakulu aka malinga aghamaka nkani kako kakatupota.

Yoshwa 12:2

U Sihoni u mwene uwa ba Amoli, yuyo akalaghilagha mu Heshiboni. U Sihoni akalaghilagha ukwandila ku Aloyeli, akaya aka papipi nu lusoko ulwa Alinoni, mupaka kulusoko ulwa Yaboki kumpaka iya chisu icha Amoni, sona ni chigaba chimo icha Giliyadi.

Abalongi 11:26

Aba Izilayeli bakikalagha mu Heshiboni na mu Aloweli na mutwaya utupalamani sona na mutwaya tosi utukulu tuto tuli mulubazu lwalusoko ulwa Alinoni amaka 300. Nkimba choni chicho mutakabufyula ubuzilo bula pakabalilo kalakala?

1 Samuweli 4:16

Umuntu yula akamubuzya u Eli akati, “Nafuma kubwite, umwakuti natoloka bulo umusanya ughu.” U Eli akamulalusya akati, “Wee mwana wane, kwawachi?”