Yelemiya 48:15 - IBAYIBOLO 2024

¹⁵ Umu momumo u Mwene Uwamaka Ghosi akunenela: Uwakumunangannya u Mowabu nutwaya twache utukulu nkani afika, abalumendo bache abiza bika pakughoghiwa.

Yelemiya 48:15 Iomraidhean Croise

Masalimo 47:2

Pakuti u Chala Uwakumwanya Nkani wakuswighisya, we Mwene umukulu nkani pachisu chosi ichapasi.

Yelemiya 46:18

“U Mwene Uwamaka Ghosi akuti: Nkulapa ukuti weka akwiza yuyo ali ngati lighamba ilya Taboli, pakasi pamaghamba, ngati lighamba ilya Kalimeli, lilyo lili mulubazu ulwa nyanja.

Yelemiya 48:4

U Mowabu akwiza pakunanganika abana bache bakwiza pakulila nkani.

Yelemiya 50:27

Mubaghoghe abasilikali abalumendo bache bosi, baghoghe bosi, chighune kukwabo! Pakuti isiku lyabo lyabafikila, sona akabalilo kabo aka lufundo kakwana.

Yelemiya 50:34

Loli pope bulo Umutabuli wabo ali na maka nkani, itabwa lyache we Mwene Uwamaka Ghosi. Akwiza pakubimila pa nongwa, umwakuti abike umutende pachisu chosi ichapasi, loli abantu aba ku Babiloni batakwiza pakuba nu mutende naghumoghumo.

Yelemiya 51:40

“Nkwiza pakubuka nabo ukuti baghoghiwe, ngati twana utwa ng'ozi, ngati boba dubi ni mbuzi.”

Yelemiya 51:57

Nkwiza pakughapela amakambala ghache na bantu abamahala pakuba bachakolwa, poka na balaghili na balongozi sona na basilikali bulo. Bakwiza pakughona utulo utwakufwa nato sona batakwiza pakulamusya. Ane ne Mwene Uwamaka Ghosi nanena.”

Daniyeli 4:37

Ilelo ane ne Nebukadineza, nkumupala, nkumukwezya, sona nkumuchindika u Mwene uwakumwanya pachifukwa ichakuti vyosi vivyo akubomba vyiza sona vigholosu. Sona amenye pakubisya abantu bosi babo bakwikwezya bene.

Amosi 4:10

“Nkabawisizya iviwaya ngati mumo nkabombela mu Ijiputi. Nkabaghogha abalumendo binyu nupanga, poka ni falasi zyinyu zizyo mukazifyula. Nkazipela impuno zyinyu pakunusya umunusi uwa mivimba iyakufuma muvisakasa ivya basilikali, loli pope bulo mutakanyokela kukwane.” U Mwene anena.

Zekaliya 14:9

U Mwene akwiza pakuba we mwene uwa chisu chosi ichapasi. Pisiku lilalila akwiza pakubako u Mwene weka, sona akwiza pakumanyikwa ni tabwa lyoka mpela.

Malaki 1:14

“Aghuniwanje umuntu yuyo muzimbuli, ali ni chitekwa ichanavuli ichiza mumudimo wache, akufinga pakubika, loli akwiyipa chicho chili ni chilema kwa Mwene. Pakuti ane ne mwene umukulu nkani.” U Mwene Uwamaka Ghosi anena, “Sona itabwa lyane libaghiye pakuchindikiwa pakasi pa inko.”

Yakobo 5:4

Abambombo babo bakinulagha mumaghunda ghinyu mutabalipiye. Teghelezya amilumbusyo ghabo. Inkuta iya binuli bala yivwika mumakutu agha Chala u Mwene Uwamaka Ghosi.

Ubuvumbuli 19:16

Pa nkazo yache sona na pantapatapa pakasimbiwapo itabwa ilyakuti, “Umwene uwa bamwene, sona Umulaghili uwa balaghili.”