Yelemiya 48:12 - IBAYIBOLO 2024

¹² Loli amasiku ghakwiza, papo nkwiza pakubatuma abanavuli, babo bakupungula ukufuma musonta nukupungulila kuzi, bakwiza pakupungulamo musonta nukuzifwantannya. Ane ne Mwene nanena.

Yelemiya 48:12 Iomraidhean Croise

Masalimo 2:9

Ukwiza pakubakoma ni ndisa iya chela, sona ukwiza pakubafwantannya ngati yo sonta.”

Yesaya 16:2

Ngati mumo utuyuni tukubulukila ukwepa pachivulumbo, momumo babeleye abakolo aba mu Mowabu, piloboko ilya lusoko ulwa Alinoni.

Yesaya 30:14

Po akazepukile kache kali ngati kufwantika ukwa sonta, yiyo yikafwantika akabibi, katakwiza pakwaghiwapo akamenyu kamo akakupalila umoto, pamo akakusembela amizi muchiziba.”

Yelemiya 14:3

Abachindikiwa bakubatuma abambombo pakusemba amizi, bakubuka ku viziba, loli batakughaghako amizi. Bakunyokela ni sonta zizyo zite na mizi naghamoghamo, bali ni soni sona bitwikite inyobe zyabo pamitu yabo.

Yelemiya 19:10

“Fwantannya isonta bo abantu bosi babo ukubuka nabo bakwennya.

Yelemiya 25:34

Mwee badimi, mulilaye nukufwifwitila nkani. Mwee balongozi aba bantu bane, mughalaghataye mulufumbi. Pakuti akabalilo kinyu akakughogheliwa kafika, sona mukwiza pakughoghiwa ngati bo badubi.

Yelemiya 25:9

nkwiza pakubitizya abantu aba kumitu poka nu mubombi wane u Nebukadineza u mwene uwa ku Babiloni sona nkwiza pakuchitumila ubwite ichisu ichi poka na bantu babo bakwikala mulamula sona ninko izya bantu babo babazyunguliye. Nkwiza pakubanangannya nukubapela pakuba chintu ichakoghofya nichakusekiwa sona ichisu chila chikwiza pakwipela chisami icha bwila na bwila.

Yelemiya 48:11

U Mwene akuti, “U Mowabu ame pamutende ukwanda pabulumendo bwache, ngati bwalwa bubo butikaye nkani mumasika ghache, bubo butapunguliwe musonta yimo nukwinjila musonta iyinji, atabukiteko kubuzya. Po inkalo yache yili ngati mumo yikabela, sona umunusi wache ghuli ngati mumo ghukabela.

Yelemiya 48:13

“Po u Mowabu akwiza pakuba ni soni nu chala wabo u Kemoshi, ngati mumo isoni zikabalemela aba Izilayeli, ichifwani chicho bakachisubila mu Beteli.

Yelemiya 48:15

Umu momumo u Mwene Uwamaka Ghosi akunenela: Uwakumunangannya u Mowabu nutwaya twache utukulu nkani afika, abalumendo bache abiza bika pakughoghiwa.

Yelemiya 48:38

Pavisonje vyosi ivya ku Mowabu sona na mumisebo yache, mutalimo nachimochimo loli ko kulila kwene, pakuti namupyola u Mowabu ngati yo sonta yiyo yitakulondiwa nu muntu nayumoyumo. Ane ne Mwene nanena.

Yelemiya 48:8

Uwakunangannya akwiza pakukizila akaya kosi akakulu, sona katalipo nakaya nakamokamo kako kakwiza pakupona. Ikombe likwiza pakuba chisami, sona akaghamba kakwiza pakunanganika, pakuti Ane ne Mwene nanena.

Nahumu 2:2

U Mwene akwiza pakumunyosezya u Yakobo ubuchindamu bwache ngati bo buchindamu ubwa Izilayeli, napapo abalwani bamupela pakuba chisami, sona baghanangannya amampesya ghache.