Yelemiya 48:11 - IBAYIBOLO 2024

¹¹ U Mwene akuti, “U Mowabu ame pamutende ukwanda pabulumendo bwache, ngati bwalwa bubo butikaye nkani mumasika ghache, bubo butapunguliwe musonta yimo nukwinjila musonta iyinji, atabukiteko kubuzya. Po inkalo yache yili ngati mumo yikabela, sona umunusi wache ghuli ngati mumo ghukabela.

Yelemiya 48:11 Iomraidhean Croise

Masalimo 123:4

Abantu abakwituvya bakutuseka akabalilo akatali nkani, sona bope abantu abakwitutumula bakutobezya nkani.

Masalimo 55:19

U Chala yuyo ikaye pachitengo icha bumwene bwila na bwila akwiza pakubivwa nukubafunda. Pakuti bakukana pakwanduka, po batakumunyila.

Ivyili 1:32

Pakuti abapunganu bakunangika pachifukwa ichakuti bakunkana, sona bakwighogha bene pachifukwa icha mituvyo ghabo.

Yesaya 16:6

Twivwa nizya kwituvya ukwa Mowabu namumo akwikwezya nkani, ukwitutumula sona na madinko ghache loli ukwitutumula kwache kwa bulo.

Yesaya 24:3

Ichisu chosi chikwiza pakunanganika nukufyuliwa. Pakuti u Mwene anena amazyu ghanagha.

Yesaya 25:6

Pighamba linili po papo u Mwene Uwamaka Ghosi, akwiza pakuyannya ichakulya icha palusekelo ulwa inko zyosi, ulusekelo ulwa vinyo sona ni nyama inonu.

Yelemiya 22:21

Nkakusoka bo ufwasite, loli ukati, ‘Intakwivwa napo panandi!’ Momumo wabeleye bo uchili we mulumendo, utakaghivwila amalamulo ghane.

Yelemiya 48:12

Loli amasiku ghakwiza, papo nkwiza pakubatuma abanavuli, babo bakupungula ukufuma musonta nukupungulila kuzi, bakwiza pakupungulamo musonta nukuzifwantannya. Ane ne Mwene nanena.

Yelemiya 48:29

“Twivuye nizya mituvyo agha Mowabu, bakwitutumula naloli, bamituvyo sona bamatata, bakwiyennya sona bamadinko.

Yelemiya 51:34

U Yelusalemu akuti, “U mwene Nebukadineza uwamu Babiloni atulya, atufwantannya, nukutupela ngati sonta yiyo mutalimo nakamokamo. Atumila ngati nyivwila, sona izuzya ulwanda lwache ni vyakulya ivinonu, pisinda pache akutufwina.”

Nahumu 2:10

Akaya aka Ninive kananganika, kaba chisami sona abantu bepamo, amoyo ghabo ghasunguluka, ivimpevu vyabo vyawa ubwazi, amabili ghabo ghakutetema, ivyeni vyosi vili nichitima.

Nahumu 2:2

U Mwene akwiza pakumunyosezya u Yakobo ubuchindamu bwache ngati bo buchindamu ubwa Izilayeli, napapo abalwani bamupela pakuba chisami, sona baghanangannya amampesya ghache.

Zefaniya 1:12

“Pakabalilo kalakala, nkwiza pakumulondelezya u Yelusalemu ni nyale nukubafunda babo bakwituvya, sona abantu babo bali navyo vyosi nukwisubila. U Mwene anena. “Abantu banaba bakwinong'ona ukuti, ‘U Mwene atakwiza pakubombapo chimo, ichiza pamo ichibibi.’

Zekaliya 1:15

loli inzikalaliye nkani inko zizyo zili pamutende. Nazikalaliye panandi bulo, loli ilelo babafunda nkani abantu bane.’