Yelemiya 48:10 - IBAYIBOLO 2024

¹⁰ “Chighune ku muntu yuyo mukata pakubomba imbombo iya Mwene! Chighune ku muntu yuyo akukanizya u panga wache pakukupula ibanda!”

Yelemiya 48:10 Iomraidhean Croise

1 Abamwene 20:39

Bo mwene yula adumusannya bulo, umulaghuzi akakolomoka akati, “Wee mwene ane ne wambombo wako name pakulwa ubwite, po umusilikali yumo akiza nu mukayidi nukuti, ‘Umusungilile akiza umuntu uyu, nanti asobela, ukwiza pakughoghiwa pamo ukwiza pakulipala indalama izya siliva.’

1 Abamwene 20:40

Loli bo nikolanizye ni mbombo, umukayidi yula akazyebeluka!” U mwene yula akamula akati, “Ubaghiye ufwanje. Wadumula wemwene inongwa yako.”

1 Abamwene 20:42

Po umulaghuzi akamubuzya u mwene akati, “U Mwene ati, ‘Pachifukwa ichakuti wamuleka bulo ukuti achimbile umuntu yuyo nkatinji aghoghiwe, po awe ukwiza pakufwa mubuzilo bwache, sona abantu bako bakwiza pakufwa mubuzilo ubwa bantu bache.’ ”

2 Abamwene 13:19

Po umuntu uwa Chala yula akamukalalila nkani u Yehowashi nukumubuzya ukuti, “Nanti walasagha aka fayivi pamo aka sikisi ngali wabapota aba Siliya nukubazimizya bosi. Loli ilelo ukwiza pakubapota katatu bulo mpela.”

Yelemiya 11:3

Ubabuzye ukuti umu momumo u Mwene, u Chala uwa Izilayeli akunenela: Mughuniwa umuntu yuyo atakwivwila amazyu agha lufingo ulu,

Yelemiya 47:6

“Amwe mukumulila mukuti, ‘Wee panga uwa Mwene, nkimba ukwiza pakutuzya liyi? Nyokela munyambi yako, ikala munumo nukutuzya.’

Yelemiya 47:7

Nkimba angatuzya bulibuli bo u Mwene amulamula ukuti alwe ubwite nu Ashikeloni, mulubazu ulwa munyanja?”

Yelemiya 50:25

U Mwene ighula inyumba iyakusungilamo ivilwilo, sona avyefyamo nubukali bwache. Pakuti u Mwene Uwamaka Ghosi ali ni mbombo, iyakuti abombe muchisu icha Babiloni.

Yelemiya 50:27

Mubaghoghe abasilikali abalumendo bache bosi, baghoghe bosi, chighune kukwabo! Pakuti isiku lyabo lyabafikila, sona akabalilo kabo aka lufundo kakwana.

Yoshwa 10:19

Loli mwe banji mwendelele pakubachimbizya abalwani binyu, sona mubaghoghe bo muli kwisinda. Mutakabitikizye ukuti banyokele mutwaya twabo utukulu nkani, pachifukwa ichakuti u Mwene u Chala winyu ababikite munyobe zyinyu.”

Abalongi 5:23

“Uwantumi uwa Mwene akati, ‘Umughune u Melozi. Ubaghune nkani abantu babo bakwikala mulamula. Abene batakiza pakumwavwa u Mwene, pakumwavwa u Mwene pakulwa ubwite na basilikali abamaka.’

1 Samuweli 15:3

Losi ulu, buka pakulwa ubwite naba Amaleki, sona muvinangannye ivintu vyabo vyosi. Patakabepo nayumoyumo umuntu uwakupona. Mubaghoghe abanavuli na bakolo na bana na babonda ni ng'ombe ni ng'ozi ni ngamila sona ni mpunda zyabo.’ ”

1 Samuweli 15:9

Loli u Sabuli na basilikali bache bakamuleka mumi u Agagi sona batakazighogha ing'ozi ni ng'ombe ni ngwata inyine nkani sona na bana abang'ozi. Batakachighogha ichintu chosi chicho chikaba chiza. Batakalondagha pakuvinangannya ivintu vinivi loli bakavinangannya ivintu vyosi vivyo vikaba vibibi sona vitakaba ni mbombo.