Yelemiya 47:6 - IBAYIBOLO 2024

⁶ “Amwe mukumulila mukuti, ‘Wee panga uwa Mwene, nkimba ukwiza pakutuzya liyi? Nyokela munyambi yako, ikala munumo nukutuzya.’

Yelemiya 47:6 Iomraidhean Croise

2 Samuweli 2:26

U Abinala akamwitizya u Yowabu akati, “Nkimba twendelelaye pakulwa bwila na bwila? Fwandi utakuzyaghannya ukuti ubumalilo bwache bukwiza pakuba bwakubaba? Nkimba ukwiza pakubakanizya liyi abantu bako ukuti baleke pakutuchimbizya?”

1 Imbili 21:27

Po u Mwene akamulamula uwantumi yula ukuti amunyosezye upanga mubuzilo bwache.

Masalimo 17:13

Wee Mwene vundumuka, ubapotaye nukubawisya pasi, sona bombezya upanga wako umpokaye munyobe izya bantu ababibi.

Yesaya 10:15

Nkimba intemo yingikwezya ukuti yapamwanya, ukuchila yuyo akuyibombezya, pamo ichakubolela amatabwa chingituvya ukuti chapamwanya, ukuchila yuyo akuchibombezya? Chinichi chiyanite bulo ni ndisa pakumulema yuyo ayinyamuye, pamo intughu yikulonda pakumunyamula mumwanya yuyo te likwi ilyumizu!

Yesaya 10:5

U Mwene akuti, “Chighune kuba Asiliya, indisa iya ukukalala kwane, munyobe zyabo muli intughu iya ubukali bwane!

Yelemiya 12:12

Abakunangannya bakwiza mubuzilo bosi ubwapamwanya bubo buli munkolongo. Pakuti ubwite ubwa Mwene bukwiza pakuchinangannya ichisu ukwandila kubwandilo mupaka kubumalilo, sona atalipo nayumoyumo uwakupona.

Yelemiya 12:4

Nkimba ichisu chikwiza pakubanga chisanya mupaka liyi? Nkimba isote likwiza pakubanga lyumizu mupaka liyi? Pachifukwa ichakuti abantu babo bakwikala mulamula babibi, ivinyamana ni viyuni vikufwa. Loli pope bulo abantu bakwituvya bakuti, “U Chala atakuzyennya zizyo tukubomba.”

Yelemiya 15:3

U Mwene akuti, “Nkwiza pakubatumila ivintu folo ivyakubanangannya, upanga uwakubaghoghela, imbwa izyakubaluma, ni viyuni, sona ni vinyamana ukuti vibalye nukubanangannya.

Yelemiya 25:27

Po u Mwene ambuzya ati imbabuzye abantu ukuti, “U Mwene Uwamaka Ghosi, u Chala uwa Izilayeli akuti, ‘Ng'wela, mukolwe nkani nukutapika, muwanje pasi po mutakanyamuke sona, pachifukwa icha bwite bubo nkwiza pakutuma pakasi papinyu.’ ”

Yelemiya 4:21

Nkimba imbaghiye pakwennya indembela iya bwite mupaka liyi? Nkimba imbaghiye pakwivwa ukulila ukwa ipati mupaka liyi?

Yelemiya 48:10

“Chighune ku muntu yuyo mukata pakubomba imbombo iya Mwene! Chighune ku muntu yuyo akukanizya u panga wache pakukupula ibanda!”

Yelemiya 50:35

“Nizite nu bwite pachisu icha Babiloni, napa bantu babo bakwikala mulamula, sona napa makambala napa bantu abamahala! Ane ne Mwene nanena.

Ezekiyeli 14:17

“Pamo nanti ni ngiza nu bwite muchisu chila nukuti, ‘Leka ubwite busate ichisu chosi,’ nukubaghoghamo abantu ni vinyamana,

Ezekiyeli 21:30

“ ‘Unyosezye u panga munyambi yache. Mubuzilo bubo ukapeliwamo, muchisu chicho ukapapiliwamo, momumo nkwiza pakubalongelamo.

Zekaliya 13:7

U Mwene Uwamaka Ghosi akuti, “Wee panga, nyamuka! Lwanga nu mudimi wane! Lwanga nu muntu yuyo ali papipi nane! Ghogha umudimi, po ing'ozi zikwiza pakunyampana. Nkwiza pakulwa ubwite na bantu bane.”

Yohani 18:11

U Yesu akamubuzya u Pitala akati, “Nyosezya upanga wako mubuzilo bwache. Nkimba ukwinong'ona ukuti ntakwiza pakung'wela ulubako ulwa ntamyo lulo Utata ampiye?”

Abalongi 7:20

Utubukatila tosi tutatu tula tukalizya amapati nukuzifwantannya isonta zila. Bakalema ivikoka kunyobe zyabo izyamongo, sona kunyobe zyabo indilo bakalema amapati ghagho bakalizyanga, nukukolomoka ukuti, “Tukumulwila ubwite u Mwene sona nu Gidiyoni!”