Yelemiya 47:3 - IBAYIBOLO 2024

³ Bakwiza pakwivwa ichongo icha falasi bo zikuchimbila bakwiza pakwivwa ukuchimbila ukwa ngolo izya balwani sona nukulila ukwa vingelengele vyabo. Abawise batakwiza pakwennya sona kwisinda ukuti babavwe abana babo, inyobe zyabo zitakwiza pakuba namaka naghamoghamo.

Yelemiya 47:3 Iomraidhean Croise

Yesaya 5:28

Utulasilo twabo tukwete nkani, sona ubwele bwabo bosi bwayaniziwa, inyayo izya falasi zyabo zili ngati lipangazibwe, ivingelengele ivya ngolo ivya bwite, vikuzyungulila ngati we kankungu.

Yelemiya 46:9

Wee falasi, chimbilila muntazi! Mwee ngolo, chimbilila muntazi! Mwee bantu ababwite aba mu Etiyopiya, naba mu Puti mwe munyamuye ingulu, mwee bantu aba mu Lidiya abafundi aba bwele.

Yelemiya 50:42

Banyamuye ubwele ni mpalala, bakali sona bate ni chisa nachimochimo. Bakwivwika ngati kupoma ukwa nyanja bo bakwelite pafalasi zyabo. Bakwiza ngati bantu babo biyanizye pakulwa ubwite, ukuti balwe nawe, wee Babiloni.

Yelemiya 8:16

Abalwani bitu binjiye kale mukaya akakulu nkani aka Dani, Bo ifalasi zyabo zikulila, ichisu chosi chikutetema. Abalwani bizite pakunangannya ichisu chitu, poka na vyosi vivyo vili mumo, akaya akakulu nkani sona na bantu babo bakwikala mulamula.”

Ezekiyeli 23:24

Po bakwiza pakwiza ni vilwilo ni ngolo izya bwite ni ngolo izya katundu ni chiludilo icha bantu ukufumila kumbazu zyosi, bo balemite ingulu inkulu ni nandi ni visote. Nkwiza pakukubika munyobe zyabo ukuti bakufunde, po bakwiza pakukufunda ukuyana ni ndaghilo zyabo.

Nahumu 2:4

Ingolo izya bwite zikuchimbilachimbila mumisebo, zikuchimbila uku na uku ukwendela pakasi pamunalo. Zikulama ngati vikoka ivya moto, sona zikwaka lubilolubilo ngati kamesya.

Nahumu 2:8

Akaya aka Ninive kali ngati chiziba, sona amizi ghache ghakukamuka. Bakukolomoka bakuti, “Imilila! Imilila!” Loli atalipo nayumo uwa kunyokela.

Ubuvumbuli 9:9

Pavifuba vyabo bakavwala ichela, sona ichongo icha vipapande vyabo chikaba ngati cho chongo icha falasi ni ngolo izya bwite inyinji nkani izyakuchimbilila kubwite.

Abalongi 5:22

“Po inyayo izya falasi zikivwika nu mulinto umukulu nkani. Ifalasi zila zikaba palubilo nkani, zikachimbilagha nkani.