Yelemiya 47:2 - IBAYIBOLO 2024

² “Umu momumo u Mwene akunenela: Ennya namumo amizi agha kumitu ghakwizulila, ghakwiza pakuba ngati zyo soko zizyo zyizuye nukusata. Ghakwiza pakusata muchisu chosi nukuchibizya chosi chicho chilimo, nutwaya utukulu sona na bantu bosi babo bakwikalamo. Abantu bakwiza pakulila, sona bosi babo bakwikala mulamula bakwiza pakufwifwitila.

Yelemiya 47:2 Iomraidhean Croise

Masalimo 24:1

Ichisu ichapasi ni vintu vivyo vili mumo vya Mwene, ichisu chosi ichapasi poka na bantu babo bakwikala mulamula.

Masalimo 50:12

Nanti nkabanga nizala ngali intakakubuzya, pakuti ichisu ichapasi chane, poka na vivyo vili mulamula.

Masalimo 96:11

Kumwanya kusekelaye, chope ichisu ichapasi chihobokaye. Inyanja yipomaye poka na vyosi vivyo vili mumo.

Masalimo 98:7

Inyanja yipomaye, poka na vyosi vivyo vili mumo, sona ichisu ichapasi, poka na bosi babo bakwikalamo.

Yesaya 14:31

Mwee, milyango lilagha! Wee kaya akakulu nkani lilagha! Mwe ba Filisiti mwebosi mutetemaye nubogha, ibingu ilya lyosi ilya kumitu likwiza, po atalipo nayumo pababwite bache yuyo akuleghuka.

Yesaya 15:8

Ukulila kwabo kwivwika mupaka kumpaka iya Mowabu, Ukufwifwitila kwabo kwivwika mupaka ku Egilayimu, Inkuta yabo yivwika mupaka ku Beyele Elimu.

Yesaya 22:1

Agha gho mazyu aghabulaghuzi ghagho ghakunena nizya ikombe ilya chisetuka: Nkimba choni chicho chikubombiwa ilelo, ukuti mwebosi mukwele patusonje?

Yesaya 28:17

Nkwiza pakubupela ubwanaloli pakuba lukusa ulwakupimila, bope ubugholosu pakuba lukusa ulwa kugholosezya, ivula iya mabwe yikwiza pakupyela chicho ubumyasi bukuvwamamo, po amizi ghakwiza pakwizula mosi umwakuvwamamo.

Yesaya 59:19

Ukwanda kubwinjililo bwizuba, abantu bakwiza pakulinyila itabwa ilya Mwene, sona kubufumilo bwizuba, bakwiza pakubuchindika ubuchindamu bwache. Pakuti u Mwene akwiza ngati lusoko lulo lwizuye, lulo umuyi uwa Mwene ghukuluchimbizya.

Yelemiya 1:14

U Mwene akambuzya akati, “Ichintu ichibibi nkani icha kumitu chikwiza pakubawila abantu bosi aba muchisu ichi.

Yelemiya 46:12

Inko zikwiza pakwivwa ni nkozyasoni zyako, ukulila kwako kwivwika pachisu chosi ichapasi. Umusilikali weka akwiza pakwipunula pawamwabo, po bosi bakwiza pakuwila poka.”

Yelemiya 46:13

Agha gho mazyu ghagho u Mwene akamubuzya u Yelemiya umulaghuzi nizya kwiza ukwa Nebukadineza u mwene uwa chisu icha Babiloni, pakulwa ubwite ni chisu icha Ijiputi akati,

Yelemiya 46:20

“Ichisu icha Ijiputi mpampali iyakuboneka akiza nkani loli amasasi agha kumitu ghakwiza pakuyiluma impampali yila.

Yelemiya 46:24

“Abantu aba mu Ijiputi isoni zikwiza pakubalema bakwiza pakubikiwa munyobe izya bantu aba kumitu.”

Yelemiya 48:39

“Mwennye u Mowabu namumo apyoleliwa! Bennye abantu bache namumo bakulilila! Mwennye u Mowabu namumo isoni zimulemeye! U Mowabu aba chintu ichakusekiwa, ichintu ichakoghofya ku bantu babo bamuzyunguliye.”

Yelemiya 6:22

U Mwene akuti, “Ennya, abasilikali aba kumitu bakwiza, uluko ulwamaka na bamwene abinji bakwiyannya pakulwa ubwite.

Yelemiya 8:16

Abalwani bitu binjiye kale mukaya akakulu nkani aka Dani, Bo ifalasi zyabo zikulila, ichisu chosi chikutetema. Abalwani bizite pakunangannya ichisu chitu, poka na vyosi vivyo vili mumo, akaya akakulu nkani sona na bantu babo bakwikala mulamula.”

Daniyeli 11:22

Akwiza pakubamala abasilikali pamaso papache poka ni kambala ilya lufingo.

Nahumu 1:8

loli na mizi aghakwizula, akwiza pakumunangannya u Ninive, sona akwiza pakubachimbizizya abalwani bache muchisi.

1 Aba Kolinti 10:26

Pakuti Amasimbo ghakuti, “Ichisu ichapasi, ni vintu vivyo vili mumo vya Mwene.”

1 Aba Kolinti 10:28

Loli nanti yumo akukubuzya ukuti, “Ichakulya ichi chikabikiwa ku vifwani ukuti chibanje chakwiyipa,” po utakalyanje ichakulya chilachila pachifukwa icha yuyo akakubuzya, sona na pachifukwa icha mabyebye.

Yakobo 5:1

Ilelo teghelezya, mwe bantu abakabi. Lilagha nukukolomoka pachifukwa icha ntamyo zizyo zikwiza pakubawila.

Ubuvumbuli 17:1

Po weka uwa bantumi seveni, babo bakakupula vivyo vikaba mumbako seveni bala bakiza nukunena nane ukuti, “Zagha, nkwiza pakukulanjizya namumo umalaya umumanyikwe, yuyo ikaye pamizi aminji nkani, akwiza pakufundiliwa.

Ubuvumbuli 17:15

Po uwantumi akanena sona kukwane akati, “Amizi ghagho ukaghennya papo umukolo umalaya yula akikalaghapo bo abantu aba inko zyosi na bavikolo vyosi sona na baneno izyakulekanalekana.