Yelemiya 44:7 - IBAYIBOLO 2024

⁷ Po u Mwene, u Chala u Uwamaka Ghosi u Chala uwa Izilayeli akubalalusya akuti, “Nkimba choni chicho mukulonda pakwinangannya mwebene ni vintu vivyo mubombite mwebene. Nkimba mukulonda pakubanangannya aba Yuda abanavuli na bakolo na bana abanandi sona na babonda, umwakuti atalipo nayumoyumo uwakusyalako?

Yelemiya 44:7 Iomraidhean Croise

Ivyili 1:18

Abantu banaba bakuvwamilila ibanda lyabo sona bakwivwamilila bene.

Ivyili 15:32

Umuntu yuyo akughasulannya amafundwe akwisamula mwene, loli wesi yuyo akwivwila nanti akuchemeliwa, akuba wakwivwisya ivintu.

Ivyili 5:22

Imbombo imbibi izya muntu umubibi zikuba chipingo chache, inkusa izya mbibi zyache zikumupinya mwene.

Ivyili 8:36

Loli yuyo atakunyagha, kokuti akwivulazya mwene, bosi babo bambengite, babughanite ubufwe.”

Yelemiya 25:6

Mutakabakonkaye abachala abanji nukubabombela sona mutakabiputaye, mutakankalalizyanje ni mbombo izya nyobe zyinyu. Po ntakwiza pakubanangannya.”

Yelemiya 25:7

Loli u Mwene akuti, “Mutakanyivwila, sona mwankalalizya ni mbombo izya nyobe zyinyu, sona mwivulazya mwebene.”

Yelemiya 26:19

“Nkimba u Hezekiya u mwene uwa chisu icha Yuda na bantu bosi bakamughogha u Mika? Nkimba u Hezekiya atakamunyila u Mwene nukulaba uluhobokelo? Nkimba u Mwene atakabahobokela, umwakuti atakabapa ulufundo lulo akati akwiza pakubafunda nalo? Loli aswe twebene tuli papipi pakwisendela intamyo impalapala nkani!”

Yelemiya 3:24

Loli ukwandila ku bulumendo bwitu, abachala abakozya isoni batupela aswe ukuti tutaghe vyosi, vivyo abanyenya bitu bakatubombela, kokuti imidimo iya ng'ozi niya ng'ombe, abana babo abalumendo na balindu ukwanda kale.

Yelemiya 38:17

Po u Yelemiya akamubuzya u Zedekiya akati, “U Mwene Uwamaka Ghosi, u Chala uwa ba Izilayeli akuti: Nanti ukwiyipa kumakambala agha mwene uwa ku Babiloni, ukwiza pakuba mumi sona akaya akakulu nkani aka katakwiza pakochiwa numoto. Awe poka naba munyumba yako mukwiza pakuba bumi.

Yelemiya 42:20

ukuti mukananga nkani bo mukuntuma kwa Mwene u Chala winyu nukunena ukuti, ‘Utwiputileko kwa Mwene u Chala witu, utubuzye chosi chicho akunena, po tukwiza pakuchibomba.’

Yelemiya 44:14

Atalipo nayumoyumo uwakusyalako mu Yuda yuyo akwikala mu Ijiputi akwiza pakuchimbila pamo ukuba nubumi pamo pakunyokela ku Yuda, kuko bakukusamba pakunyokela nukwikala kulakula, atalipo nayumoyumo yuyo akwiza pakunyokela, loli bene abanandi bulo babo bakachimbila kubwite.”

Yelemiya 44:8

Nkimba choni chicho mukunkalalizya ni mbombo zyinyu izya kubiputa abachala abanji sona mukubika ivyakwiyipa vyinyu ku bachala aba mukaya aka Ijiputi mumo mukwikala? Nkimba mukubomba zinizi ukuti mwinangannye mwebene, umwakuti inko izya muchisu ichapasi zibapele pakuba bantu abakusekiwa sona naba kughuniwa?

Yelemiya 51:22

wewe nkukubombezya pakubatizannya abanavuli na bakolo, wewe nkukubombezya pakubatizannya abasongo na bachilumendo, wewe nkukubombezya pakubatizannya abalumendo na balindu,

Yelemiya 7:19

Nkimba batakunkalalizya nene? Nkimba batakwivulazya bene umwakuti bakoziwanje isoni?”

Yelemiya 9:21

Imfwa yatwizila ukwendela mumabwindo ghitu, yinjila munyumba izya bumwene. Yatughoghela abana bitu mumisebo, sona yatumalila abalumendo bitu muminalo.

Nkuto 2:11

Amaso ghane ghizuye pachifukwa icha kulila, sona mukasi muli ubwite. Ghope umoyo wane wavulala, pachifukwa ichakunanganika ukwa bantu bane. Pakuti abana na babonda bakuzililika mumisebo iya kaya akakulu nkani.

Nkuto 2:22

“Ukabitizya abalwani bane kunkuto zyosi ngati mumo ukubitizizya abantu kulusekelo. Pisiku lilyo u Mwene akakalala, atakabapo nayumoyumo uwakupona pamo uwakusyala mumi. Bosi babo nkabapakatapo nukubalela, abalwani bakabaghogha.”

Ezekiyeli 33:11

Ubabuzye ukuti, ‘U Mwene Uwamaka Ghosi ati: Naloliloli nkulapa, intakuhoboka nimfwa iya muntu umubibi, loli nkuhoboka nanti akuzileka imbibi nukuba nubumi. Mwee ba Izilayeli nyokako nukuzileka izila zyinyu imbibi! Nkimba mukufwilachi?’

Ezekiyeli 9:6

Mubaghoghe abaghosi na balumendo na balindu na bakolo sona na bana loli utakamupalamasye yuyo ali ni chimanyilo. Anda pabuzilo bwane ubuzelu.” Po bakanda na baghosi babo bakaba pantazi pa Nyumba iya Chala.

Habakuku 2:10

Wabatika nizya kubanangannya abantu abinji, nukubakozya isoni abanyumba yako, sona wabutagha ubumi bwako.

Ukubelengiwa 16:38

Ivyakufukizizya utwakununkila ivya bantu babo bakaghoghiwa pachifukwa icha kunanga kwabo vyaba vizelu. Uvisyane pakuba vikupikizyo ivipapate ivya pachighemo, pakuti vikabikiwa kwa Mwene, sona vyaba vizelu. Po vinivi vikwiza pakuba chimanyilo ichakubasoka aba Izilayeli.”

Ukukumbusya Amalamulo 32:25

Abantu bakwiza pakufwa nubwite mumisebo, sona bakwiza pakufwa nubogha munyumba zyabo. Abalumendo na balindu bakwiza pakufwa, bope ababonda na baghosi bakwiza pakufwa.

Yoshwa 6:21

Bakakanangannya akaya kosi kala, nukubaghogha abanavuli na bakolo na bana abanandi na baghosi bulo ni ng'ombe ni ng'ozi sona ni mpunda.

Abalongi 21:11

Bakanena bakati, “Izi zyo zizyo mubaghiye pakubomba, ‘Mubaghoghe abanavuli na bakolo bosi, babo baghonitepo na banavuli.’ ”

1 Samuweli 15:3

Losi ulu, buka pakulwa ubwite naba Amaleki, sona muvinangannye ivintu vyabo vyosi. Patakabepo nayumoyumo umuntu uwakupona. Mubaghoghe abanavuli na bakolo na bana na babonda ni ng'ombe ni ng'ozi ni ngamila sona ni mpunda zyabo.’ ”

1 Samuweli 22:19

U Sabuli akalamula sona ukuti abantu bosi aba mukaya akakulu nkani aka Nobu baghoghiwe poka na baputi na banavuli na bakolo na bana na babonda ni ng'ombe ni mpunda sona ni ng'ozi.