Yelemiya 44:6 - IBAYIBOLO 2024

⁶ Polelo, ubukali bwane ubwakoghofya bukaka ngati moto uwa muvuno pa twaya utukulu utwa Yuda sona napa misebo iya mu Yelusalemu. Utwaya tula tukaba visami ngati mumo tubeleye ilelo.”

Yelemiya 44:6 Iomraidhean Croise

Yesaya 1:7

Ichisu chinyu chaba chisami, sona utwaya twinyu utukulu nkani tochiwe numoto. Abayeni bakubafyula amaghunda ghinyu bo mukubennya. Ichisu chinyu chaba bulo ngati nkolongo, sona abendazila bakuchinangannya.

Yesaya 51:17

Wee Yelusalemu, vundumuka, vundumuka! Nyamuka! Wang'wela ulubako ulwa lufundo, lulo u Mwene mubukali bwache akabapa, lwabapela ukuti mutantalilaye.

Yesaya 51:20

Abana bako abalumendo bazilika, bali bulo lambalala munkuto izya misebo, ngati swela alemiwa muchipingo. Bizuye nu bukali ubwa Mwene, sona nukuchemeliwa ukwa Chala wako.

Yesaya 6:11

Nkalalusya nkati, “Wee Mwene, nkimba zinizi zikwiza pakubangako mupaka liyi?” Akamula akati, “Mupaka utwaya tosi utukulu twaba visami sona nayumoyumo umuntu akwiza pakwikalamo, inyumba zitakwiza pakuba na bantu sona chope ichisu chikwiza pakuba nkolongo.

Yelemiya 21:12

Wee nyumba iya Devedi! Ulongelaye inongwa mubugholosu indabindabi yosi, yuyo ali muntamyo mumupokaye munyobe iya muyinvyi, yuyo afyuliwa, pamo ubukali bwane bungaka ngati moto, pachifukwa icha bubibi bwinyu, sona nukuti atalipo nayumoyumo uwakughuzimya.

Yelemiya 21:5

Ane nemwene nkwiza pakulwa namwe namaka ghane ghosi, nukukalala kwane kosi sona nu bukali bwane bosi.

Yelemiya 34:22

“Nkwiza pakulamula nukubanyosezya sona mukaya akakulu nkani aka. Bakwiza pakulwa nako nukukafyula sona bakwiza pakukocha numoto. Nkwiza pakutupela utwaya utukulu utwa Yuda pakuba nkolongo nukuti mutakwiza pakwikalaghamo sona umuntu nayumoyumo. Ane ne Mwene nanena.”

Yelemiya 36:7

Lumo inyiputo zyabo zingafika pamaso agha Mwene nukuti wesi akwiza pakunyokako kumbombo zyache imbibi, pakuti ubukalale nu bukali ubwa Mwene bwaba bukulu nkani.”

Yelemiya 4:27

U Mwene akuti, “Ichisu chosi chikwiza pakuba chisami, napapo ntakwiza pakuchinangannya zila.

Yelemiya 4:4

Mwisilimule mwebene kwa Mwene sona mughasilimule amoyo ghinyu, mwe bantu aba mu Yuda na mwe bantu aba mu Yelusalemu, nanti mutakubomba bunubu ubukali ubwa Mwene bukwiza pakwaka ngati moto, pachifukwa icha bubibi bwinyu bubo mwabomba, sona atalipo nayumoyumo uwakughuzimya.

Yelemiya 42:18

U Mwene Uwamaka Ghosi, u Chala uwa Izilayeli akuti, ‘Ngati mumo ubukali bwane sona nukoghofya kwapunguliliwa ku bantu babo bakwikala mu Yelusalemu, momumo ubukali bwane bukwiza pakupunguliliwa papinyu bo mukubuka ku Ijiputi. Mukwiza pakuba chintu chicho abantu bakuchighuna sona nichakoghofya, ni chamusamu pamo ichakusekiwa, mutakwiza pakubwennya sona ubuzilo bula.’ ”

Yelemiya 44:22

Bo u Mwene akupotwa pakwilema pachifukwa icha mbombo zyinyu imbibi sona ni vintu ivinyazu vivyo mukabombagha, ichisu chinyu chikaghuniwa nukuba chisami, chicho abantu batakwikalamo nabamobamo, ngati mumo chibeleye ilelo.

Yelemiya 7:17

Nkimba utakuzyennya zizyo bakubomba mutwaya utukulu nkani utwa Yuda sona na mumisebo iya mu Yelusalemu?

Yelemiya 7:20

U Mwene Uwamaka Ghosi akunena akuti, “Ukukalala kwane nu bukali bwane vikwiza pakupunguliwa pabuzilo bunubu, pa muntu napa chinyamana, pa makwi agha munkolongo napa seke izya mumughunda, sona bukwiza pakwaka ngati moto ghugho ghutakuzima.”

Yelemiya 7:34

Nkwiza pakukanizya ivyongo ivya lusekelo nivya buhobosu mutwaya utukulu nkani utwa Yuda sona na mumisebo iya mu Yelusalemu naku mazyu agha yuyo akusendiwa sona nu mwenesendwa pakuti ichisu chila chikwiza pakwipela chisami.’

Yelemiya 8:3

Kosi kuko nkabachimbizizyako, abantu bosi babo bakapona abaluko ulubibi aba bakwiza pakubulonda ubufwe ukuchila ubumi. Ane ne Mwene Uwamaka Ghosi nanena.’

Nkuto 1:1

Mwee, akaya akakulu nkani aka Yelusalemu, kako kale kakizula na bantu ilelo kaba chisami. Ali ngati mukolo umufwilwe, yuyo kale akachindikiwanga muchisu ichapasi. Akaba we mwene umukolo uwa inko izinji zyosi, loli ilelo aba muzya.

Nkuto 1:13

U Mwene akangwisizya umoto uwakumwanya, nukughusumbila mumafupa ghane. Akakuzula ichilepa pakundema po nkawa pasi, sona akandeka nemwene bo indi mububavu ubukulu nkani.

Nkuto 5:18

Pakuti akaya akakulu nkani aka Yelusalemu kaba chisami, sona abakabila bakunyelanyelamo mulamula.

Ezekiyeli 20:33

“ ‘U Mwene Uwamaka Ghosi akuti: Naloli nkulapa nkuti nkwiza pakubalaghila ninyobe iyamaka nukuyigholosya inyobe yane bo nkalaye.

Ezekiyeli 20:34

Nkwiza pakubefyamo mu inko nukubabungannya ukufuma muvyisu vivyo mukanyampanilako pakulanjizya amaka ghane nubukali bwane.

Ezekiyeli 24:13

“ ‘Po ilelo ivinyonywa vyako ko kwinyazya kwako. Pachifukwa ichakuti nayezya nkani pakukuswefya loli utaswepite kubunyazu bwako, mupaka ubukali bwane bukuwile.

Ezekiyeli 24:8

Ukuti libunyamusye ubukali bwane nukubatanizya, nkabika ibanda lyache pilyabwe, umwakuti litakafukiliwe.

Ezekiyeli 5:13

“Po ukukalala kwane kukwiza pakuleka sona ubukali bwane bukwiza pakutozoka, bakwiza pakubatanizya. Po nanti nabakalalila, bakwiza pakumanya ukuti ane ne Mwene nanena na kabini.

Ezekiyeli 6:12

Umuntu yuyo ali kubutali akwiza pakufwa ni chiwaya, sona umuntu wesi yuyo ali papipi akwiza pakufwila kubwite, umuntu wesi yuyo aponite sona mumi akwiza pakufwa nizala. Po ubukali bwane bukwiza pakuwila papabo.

Ezekiyeli 8:18

Polelo, ntakwiza pakubaleka bulo, ntakwiza pakubapelela ichisa pamo ukubaleka bumi. Napapo bakukolomoka mumakutu ghane, ntakwiza pakubateghelezya.”

Daniyeli 9:12

Wazikwanilisya zizyo ukatubuzya sona zizyo ukababuzya abanyenya bitu pakutuwisizya intamyo. Zinizi zitabombiwepo nalumo ukuyana namumo chikabombiwa mu Yelusalemu.

Aba Levi 26:28

nane nkwiza pakubasula mubukali bwane, sona nkwiza pakubafunda umwakonjelezyapo akaseveni pachifukwa icha mbibi zyinyu.

Aba Levi 26:31

Nkwiza pakutunangannya utwaya twinyu utukulu nkani nukutupela visami, sona nkwiza pakubunangannya ubuzilo bwinyu ubwakwiputilamo, ntakwiza pakupokela umunusi uwa vyakwiyipa vyinyu ivyakununkila.

Nahumu 1:2

U Mwene wabuzuba sona we Chala uwakutanizya. U Mwene akutanizya sona izuye nu bukali. U Mwene akubatanizya abalwani bache sona mukali pa balwani bache.

Zekaliya 1:2

“U Mwene akabakalalila nkani abanyenya binyu.

Zekaliya 1:6

Loli abantu batakaghivwila amazyu ghane ni ndaghilo zyane, zizyo nkabapa ababombi bane abalaghuzi.’ “Po bakapinduka nukuti, ‘U Mwene Uwamaka Ghosi atubombela ukuyana ni zila zyitu sona ni mbombo zyitu.’ ”

Zekaliya 7:14

Nkabanyampannya nu kankungu pakasi pa inko zyosi, kuko bakaba bayeni. Ichisu chabo chikaba chisami umwakuti nayumoyumo umuntu angikalamo. Umu momumo bakachipelela ichisu ichiza pakuba chisami.’ ”