Yelemiya 44:4 - IBAYIBOLO 2024

⁴ Kabilikabili nkabatumila ababombi bane abalaghuzi, babo bakababuzya ukuti, ‘Mutakabombaye ichintu ichamwiko chicho inchibengite.’

Yelemiya 44:4 Iomraidhean Croise

2 Imbili 36:15

U Mwene, u Chala uwa banyenya babo, akabatumila amazyu ukwendela muntumi zyache, pachifukwa ichakuti akabapelela ichisa abantu bache sona ni Nyumba yache.

Nehemiya 9:30

Awe ukabafisila ilyoyo amaka aminji nkani. Ukababuzya abalaghuzi bako ukwendela mu Muzimu wako ukuti babasokaye. Pope bulo abantu bako bakaba na mapuli, po ukababika munyobe izya bantu aba inko izinji.

Nehemiya 9:34

Abamwene bitu na balongozi bitu na baputi bitu sona na banyenya bitu batakazikonkagha indaghilo zyako. Bakaghasulannya amalamulo ghako napapo ukabasokagha.

Yelemiya 16:18

Nkwiza pakubanyosezya ulufundo kabili pachifukwa icha mbibi zyabo, pachifukwa ichakuti bachinyazya ichisu chane na bachala abanji abafwe sona bachizuzya ichilingo chane ni vifwani ivyamwiko.”

Yelemiya 26:5

sona nanti mutakughivwila amazyu agha babombi bane abalaghuzi babo nkabatumila akabalilo na kabalilo, loli mutakivwila,

Yelemiya 29:19

Pachifukwa ichakuti batakaghivwila amazyu ghagho nkababuzya akabalilo na kabalilo, amazyu ghagho nkatuma na babombi bane abalaghuzi, loli amwe mwe bazya mukaghakana.

Yelemiya 32:33

Bampa inkonto mubuzilo ubwakumpa ivyeni vyabo, napapo nkatamiwa nkani pakubamanyisya loli pope bakakana amafundwe.

Yelemiya 32:34

Bakabika ivifwani munyumba yane iyakwiputilamo nukuyinyazya.

Yelemiya 32:35

Bakamuzengela u Baala ubuzilo ubwapamwanya mwi Kombe ilya Beni Hinomu ukuti babikayepo abana babo abalumendo na balindu pakuba chakwiyipa kwa Moleki, napapo intakabalamulapo sona intakinong'onelapo ukuti bangabomba inyazu ngati zinizi nukubapela aba Yuda ukuti babombe imbibi.”

Yelemiya 35:15

Kabilikabili nkabatumilagha ababombi bane abalaghuzi ukuti bize bababuzye ukuti, “Umuntu wesi mumwinyu azileke imbombo zyache imbibi. Yannya inkalo zyinyu, sona mutakabakonkaye abachala abanji nukubabombela. Po mukwiza pakwikala muchisu chicho imbapiye amwe na baghuso.” Loli pope bulo mutakanteghelezya sona mutakanyivwila.

Yelemiya 35:17

“Polelo, u Mwene u Chala Uwamaka Ghosi, u Chala uwa Izilayeli akuti, ‘Teghelezya! Nkwiza pakubanangannya aba Yuda na bantu bosi babo bakwikala mu Yelusalemu, pachifukwa ichakuti batakanyivwila bo nkunena nabo, batakanyamula bo nkubitizya.’ ”

Yelemiya 7:13

U Mwene akuti bo mukubomba ivintu vyosi vinivi, sona bo nkunena namwe kabilikabili, mutakateghelezya, bo nkubitizya mutakanyamula.

Yelemiya 7:17

Nkimba utakuzyennya zizyo bakubomba mutwaya utukulu nkani utwa Yuda sona na mumisebo iya mu Yelusalemu?

Yelemiya 7:18

Abana abanandi bakutenya inkwi, abanavuli bakupemba u moto, po abakolo bakukantannya ubusu ukuti bapiyile utuvibama utwakwiyipila kwa Mwene Umukolo Uwakumwanya. Bakupungula u vinyo wabo pakuba chakwiyipa ku bachala abanji ukuti bankalalizye.

Yelemiya 7:25

Ukwandila mwisiku lilyo abanyenya bakepaghamo mu Ijiputi mupaka nilelo, isiku ni siku, kabilikabili, nkabatumila ababombi bane na balaghuzi bane.

Ezekiyeli 16:36

U Mwene Uwamaka Ghosi akuti: Pachifukwa ichakuti ukatagha ubukabi bwako nukuyilanjizya inkule yako kuvighane vyako, pachifukwa icha vifwani vyako ivyamwiko, sona na pachifukwa icha libanda ilya bana bako lilyo ukuvipa ivifwani vyako,

Ezekiyeli 16:47

Pope bulo utakakonka inkalo zyabo, nukubomba ivyamwiko, loli pakabalilo akapimpa bulo ukaba mubibi nkani ukubachila abene.

Ezekiyeli 18:31

Efyamo ukunanga kosi kuko mwabomba, nukusenda umoyo umupya nu muzimu umupya. Mwee ba Izilayeli, nkimba choni chicho mu kufwa?

Ezekiyeli 8:10

Po nkinjila nukutalankannya, nkennya ivituzituzi palubumba ivyakwavula ivyakulekanalekana, ivinyamana ivinyazu ni vifwani vyosi ivya ba Izilayeli.

Daniyeli 9:6

Tutakabateghelezya ababombi bako abalaghuzi, babo bakanenela mwitabwa lyako ku bamwene bitu, na balongozi bitu, na banyenya bitu, sona na bantu bosi aba muchisu.

Zekaliya 7:7

Nkimba te mazyu ghagho u Mwene akalumbilila ukwendela mubalaghuzi abavula intazi bala, bo akaya aka Yelusalemu poka nutwaya utukulu tuto tukazyunguliye tuli pamutende sona, kuchigaba icha kuntende sona na mumaghamba, kuko bakikalagha?’ ”

1 Pitala 4:3

Pakuti kale mukatagha akabalilo kinyu pakubomba ivintu vivyo abantu abakuzi bakabombagha. Amwe mukabombagha ubwamalaya, ni vinyonywa nu bwaching'wela nu bupafu, sona nukwiputa ivifwani.