Yelemiya 44:3 - IBAYIBOLO 2024

³ pachifukwa ichakuti abantu bakankalalizya sona bakabomba ububibi. Bakocha utwakununkila sona bakabiputa abachala abanji, babo amwe mwebenecho pamo abanyenya binyu mutakabamanyamo nalumolumo.

Yelemiya 44:3 Iomraidhean Croise

Nehemiya 9:33

Awe wame we mugholosu bulo, napapo ivintu vyosi ivibibi vinivi vyatuwilagha. Awe wame we musubiliwa, loli aswe tukananga.

Yesaya 3:8

U Yelusalemu akutantalila bulo sona u Yuda akuwa pasi, pakuti amazyu ghabo ni mbombo zyabo zikumusamula, u Mwene pakunyazya ubuchindamu bwache.

Yelemiya 11:17

U Mwene Uwamaka Ghosi yuyo akababika muchisu, alamula ukuti, intamyo yikwiza pakubawila pachifukwa icha mbibi zizyo mwabomba mweba Izilayeli naba Yuda. Mwamukalalizya pakubika ichakwiyipa icha kocha kwa Baala.

Yelemiya 16:10

“Bo ukubabuzya abantu banaba amazyu ghosi ghanagha po bakukulalusya bakuti, ‘Nkimba choni chicho u Mwene alamula ukuti ichintu ichipalapala ngati chinichi chituwile? Nkimba twananga ichoni? Fwandi twamubombela mbibi yoni u Mwene u Chala witu?’

Yelemiya 22:9

Ilyamulo likwiza pakuba lyakuti, ‘Chifukwa chakuti balulekite ulufingo ulwa Mwene u Chala wabo sona bakubiputa nukubabombela abachala abanji.’ ”

Yelemiya 29:19

Pachifukwa ichakuti batakaghivwila amazyu ghagho nkababuzya akabalilo na kabalilo, amazyu ghagho nkatuma na babombi bane abalaghuzi, loli amwe mwe bazya mukaghakana.

Yelemiya 32:30

“Pakuti ukwandila po pa bwana bwabo, aba Izilayeli naba Yuda batabombitepo nazimozimo inyiza loli bo bubibi bwene pamaso papane, imbombo yabo yakunkalalizya ni mbombo zyabo imbibi.

Yelemiya 44:23

Pachifukwa ichakuti amwe mukamochela utwakununkila nukumunangila u Mwene sona mutakamwivwila pamo mutakaghakonka amalamulo ghache pamo indaghilo zyache zizyo akababuzya, po ilelo mutakaswighaye bo mukuzyennya intamyo izi.”

Yelemiya 44:8

Nkimba choni chicho mukunkalalizya ni mbombo zyinyu izya kubiputa abachala abanji sona mukubika ivyakwiyipa vyinyu ku bachala aba mukaya aka Ijiputi mumo mukwikala? Nkimba mukubomba zinizi ukuti mwinangannye mwebene, umwakuti inko izya muchisu ichapasi zibapele pakuba bantu abakusekiwa sona naba kughuniwa?

Yelemiya 5:19

Sona nanti abantu bakukulalusya bakuti, ‘Nkimba choni chicho u Mwene u Chala witu atubombela zyosi zinizi?’ awe Yelemiya, ubamule uti, ‘Ngati mumo mukamulekela u Mwene, nukubabombela abachala abayeni muchisu chinyu, momumo mukwiza pakubabombela abayeni muchisu chicho te chinyu.’ ”

Yelemiya 5:29

Nkimba ningaleka pakubafunda pa vintu vinivi? Nkimba ningaleka bulibuli pakulutanizya uluko ngati lunulu?” U Mwene anena.

Yelemiya 7:19

Nkimba batakunkalalizya nene? Nkimba batakwivulazya bene umwakuti bakoziwanje isoni?”

Nkuto 1:8

U Yelusalemu abomba imbibi, sona inyazya mwene. Bosi babo bakamuchindikagha, ilelo bakumusamula, pakuti bamwennya namumo abeleye nkule. Akukoloma nukuvwinka icheni chache.

Nkuto 4:13

Loli chikabombiwa pachifukwa icha mbibi izya balaghuzi bache, sona pachifukwa icha kunanga ukwa baputi bache, babo bakabaghogha abantu abagholosu mulamula.

Ezekiyeli 9:9

Akanyamula akati, “Imbibi izya aba Izilayeli sona nizya Yuda nkulu nkani, ichisu chizuye nukukupula ibanda sona mutwaya mute ubwanaloli nabumobumo. Bakuti, ‘U Mwene achileka chene ichisu sona atakwennya.’

Daniyeli 9:5

Twananga sona twabomba ububibi. Twabombela mu bubibi sona twasambuka. Twaghasulannya amalamulo sona ni ndaghilo zyako.

Ukukumbusya Amalamulo 13:6

Nanti uwamwinyu pamo umwana wako umulumendo pamo umulindu pamo umuchi wako umughaniwa pamo umumanyani wako uwa pamoyo akukuzimbula ukuti, “Wee zagha tubiputaye abachala abanji.” Abachala banaba bangaba bo babo awe pamo abanyenya bako mutabiputitepo nalumo,

Ukukumbusya Amalamulo 29:25

Ilyamulo lyache likwiza pakuba lyakuti, “Pachifukwa ichakuti abantu banaba bakalusulannya ulufingo, lulo bakafingana nu Mwene u Chala uwa banyenya babo, bo akubefyamo mu Ijiputi.

Ukukumbusya Amalamulo 29:26

Abantu banaba bakabiputa nukubabombela abachala abanji, babo batabamenyepo nalumolumo, sona babo u Mwene akabakanizya pakubiputa.

Ukukumbusya Amalamulo 32:17

Bakabika ivyakwiyipa ku mizimu imibibi, yiyo atakaba we Chala umwenecho. Bakaba bachala babo, abanyenya babo batabamenyepo nalumo, abachala babo aba Izilayeli batabiputitepo nalumo.

Aba Hebeli 3:16

Nkimba bo bawenu babo bakivwa izyu lyache nukumusambukila? Nkimba batakaba bantu babo u Mozesi akabefya muchisu icha mu Ijiputi?