Yelemiya 44:25 - IBAYIBOLO 2024

²⁵ U Mwene Uwamaka Ghosi, u Chala uwa Izilayeli akuti: Amwe poka na bachi binyu mwanena ukuti, ‘Tukwiza pakubomba zizyo tukafinga. Tukwiza pakocha utwakufukizya utwakununkila nukubika ichakwiyipa icha vinyo kwa Mwene Umukolo Uwakumwanya.’ “Po endelela, bomba chicho mukalayizya! Sunga ifingo zyinyu!

Yelemiya 44:25 Iomraidhean Croise

Yobu 34:22

Kutaliko ichisi ichakoghofya, kuko ababomba mbibi bangavwamako.

Yesaya 28:15

Mukwituvya mukuti, “Aswe twafinga ulufingo nubufwe, sona twivwana nipumpa, Bo ulufundo ulwakoghofya lukwenda, lutakatupalamasyanje, pakuti twabupela umbumyasi pakuba chakuponelamo, sona bope ubuzimbuli pakuba chakuvwamilamo.”

Yelemiya 32:29

Abantu aba ku Babiloni babo bakulwa nakaya akakulu nkani aka bakwiza pakukocha numoto poka ni nyumba zyosi kuko abantu bakankalalizya bo bakumochela u Baala utwakununkila pamwanya pachisonje sona nukupungulila ichakwiyipa icha vinyo ku bachala abanji.

Ezekiyeli 20:39

“Loli amwe mwe ba Izilayeli, u Mwene Uwamaka Ghosi akuti, ‘Buka pakwiputa ivifwani vyinyu, loli pisinda pache mukwiza pakunteghelezya mutakwiza pakulinyazya itabwa lyane izelu ni vyabupi vyinyu ni vifwani vyinyu.’

Matayi 14:9

U mwene u Helodi ichitima chikamulema, pachifukwa icha layizyo lilyo akalayizya pamaso pa bayeni bache bosi, po akalamula ukuti bamupe chicho umulindu yula akalaba.

Yuda 1:13

Bayanite bulo na mayigha aghakoghofya agha panyanja ghagho ghakufumya itatafulu ilya mbibi zyabo. Bayanite bulo ni ntondwa zizyo zikwendakwenda bulo. U Chala abasungiye ubuzilo ubwa chisi ichakoghofya nkani icha bwila na bwila.