Yelemiya 44:2 - IBAYIBOLO 2024

² U Mwene Uwamaka Ghosi, u Chala uwa Izilayeli akati, “Amwe mwebene mukakwennya ukunanganika kuko nkakawisizya akaya aka Yelusalemu sona nutwaya tosi utukulu utwa Yuda. Ilelo utwaya tula twaba visami sona atalimo nayumoyumo umuntu uwakwikalamo

Yelemiya 44:2 Iomraidhean Croise

2 Abamwene 21:13

Nkwiza pakukafunda akaya akakulu nkani aka Yelusalemu ngati mumo nkakafundila akaya akakulu nkani aka Samaliya, sona na bamunyumba iya mwene u Ahabu. Nkwiza pakubapuputa abantu aba mu Yelusalemu ngati mumo umuntu akupuputila imbale nukuyikupikila.

Ukufuma 19:4

Amwe mwebene muvyenizye vivyo nkababombela aba Ijiputi, sona namumo nkabanyamulila nukwiza namwe kukwane ngati mumo izwanga likunyamulila abana bache pavipapande.

Yesaya 24:12

Akaya akakulu nkani kasyala bulo chisami, imilyango yache yope yighuye.

Yesaya 6:11

Nkalalusya nkati, “Wee Mwene, nkimba zinizi zikwiza pakubangako mupaka liyi?” Akamula akati, “Mupaka utwaya tosi utukulu twaba visami sona nayumoyumo umuntu akwiza pakwikalamo, inyumba zitakwiza pakuba na bantu sona chope ichisu chikwiza pakuba nkolongo.

Yelemiya 25:11

Ichisu chosi ichi chikwiza pakuba nkolongo ni chisami, sona inko zinizi zikwiza pakumubombela u mwene uwa Babiloni amaka 70.

Yelemiya 34:22

“Nkwiza pakulamula nukubanyosezya sona mukaya akakulu nkani aka. Bakwiza pakulwa nako nukukafyula sona bakwiza pakukocha numoto. Nkwiza pakutupela utwaya utukulu utwa Yuda pakuba nkolongo nukuti mutakwiza pakwikalaghamo sona umuntu nayumoyumo. Ane ne Mwene nanena.”

Yelemiya 4:7

Inkalamu yafumila mumusitu, wepe uwakunangannya ivyisu anyamuka. Abulekite ubuzilo bwache umwakuti achinangannye ichisu chinyu. Utwaya twinyu utukulu tukwiza pakuba visami mumo mutakwikalamo abantu.

Yelemiya 44:22

Bo u Mwene akupotwa pakwilema pachifukwa icha mbombo zyinyu imbibi sona ni vintu ivinyazu vivyo mukabombagha, ichisu chinyu chikaghuniwa nukuba chisami, chicho abantu batakwikalamo nabamobamo, ngati mumo chibeleye ilelo.

Yelemiya 44:23

Pachifukwa ichakuti amwe mukamochela utwakununkila nukumunangila u Mwene sona mutakamwivwila pamo mutakaghakonka amalamulo ghache pamo indaghilo zyache zizyo akababuzya, po ilelo mutakaswighaye bo mukuzyennya intamyo izi.”

Yelemiya 7:34

Nkwiza pakukanizya ivyongo ivya lusekelo nivya buhobosu mutwaya utukulu nkani utwa Yuda sona na mumisebo iya mu Yelusalemu naku mazyu agha yuyo akusendiwa sona nu mwenesendwa pakuti ichisu chila chikwiza pakwipela chisami.’

Yelemiya 8:3

Kosi kuko nkabachimbizizyako, abantu bosi babo bakapona abaluko ulubibi aba bakwiza pakubulonda ubufwe ukuchila ubumi. Ane ne Mwene Uwamaka Ghosi nanena.’

Yelemiya 9:11

U Mwene akuti, “Nkwiza pakumupela u Yelusalemu pakuba chisami, numwakughonamo abakambwe, sona utwaya utwa Yuda utukulu nkani tukwiza pakumongoliwa, umwakuti nayumoyumo u muntu akwiza pakwikalaghamo.”

Nkuto 1:1

Mwee, akaya akakulu nkani aka Yelusalemu, kako kale kakizula na bantu ilelo kaba chisami. Ali ngati mukolo umufwilwe, yuyo kale akachindikiwanga muchisu ichapasi. Akaba we mwene umukolo uwa inko izinji zyosi, loli ilelo aba muzya.

Nkuto 1:16

“Ichi cho chifukwa nkulila sona amasozi ghatakukamuka mumaso ghane. Atalipo nayumoyumo uwakunsangalusya, sona nayumo umuntu uwakunkazya. Abana bane baba balanda, pachifukwa ichakuti abalwani bitu batupota.”

Nkuto 5:18

Pakuti akaya akakulu nkani aka Yelusalemu kaba chisami, sona abakabila bakunyelanyelamo mulamula.

Daniyeli 9:12

Wazikwanilisya zizyo ukatubuzya sona zizyo ukababuzya abanyenya bitu pakutuwisizya intamyo. Zinizi zitabombiwepo nalumo ukuyana namumo chikabombiwa mu Yelusalemu.

Aba Levi 26:31

Nkwiza pakutunangannya utwaya twinyu utukulu nkani nukutupela visami, sona nkwiza pakubunangannya ubuzilo bwinyu ubwakwiputilamo, ntakwiza pakupokela umunusi uwa vyakwiyipa vyinyu ivyakununkila.

Aba Levi 26:43

Pakuti abantu babaghiye pakuchileka tasi ichisu chabo, umwakuti ichisu chibanje na Maka Aghakutuzya. Abantu babaghiye pakufundiwa pachifukwa icha mbibi zyabo, pakuti bakakana indaghilo na malamulo ghane.

Mika 3:12

Polelo pachifukwa icha mwemwe, u Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.

Zekaliya 1:6

Loli abantu batakaghivwila amazyu ghane ni ndaghilo zyane, zizyo nkabapa ababombi bane abalaghuzi.’ “Po bakapinduka nukuti, ‘U Mwene Uwamaka Ghosi atubombela ukuyana ni zila zyitu sona ni mbombo zyitu.’ ”

Ukukumbusya Amalamulo 29:2

U Mozesi akabitizya aba Izilayeli bosi ku lukomano, nukubabuzya ukuti: Amwe mukiyenezya mwebene na maso ghinyu zizyo u Mwene akamubombela u Falabo uwaku Ijiputi, poka na makambala ghache ghosi, sona ni chisu chache chosi.

Yoshwa 23:3

Amwe mwiyenezya mwebene ivintu vyosi vivyo u Mwene u Chala winyu azibombela inko zyosi pachifukwa icha mwemwe. Pakuti we Mwene u Chala weyuyo abalwila ubwite.