Yelemiya 44:16 - IBAYIBOLO 2024

¹⁶ “Aswe tutakwiza pakuteghelezya amazyu ghagho watubuzya mwitabwa ilya Mwene!

Yelemiya 44:16 Iomraidhean Croise

Masalimo 2:3

Bakutinji, “Zagha tubudumulaye ubunyololo bwabo, sona zagha tuzisatulaye inkusa zyabo.”

Ukufuma 5:2

Po u Falabo akamula akati, “Nkimba u Mwene yunuyu wewenu? Nkimba choni chicho imwivwilaye pakubitikizya aba Izilayeli ukuti babukaye? Ntamumenye u Mwene yunuyu, po ntakwiza pakubitikizya aba Izilayeli ukuti babukaye.”

Ivyili 1:24

Loli pachifukwa ichakuti mukankana, bo nkubitizya sona mutakanyivwila, bo nagholosya inyobe yane ukuti imbavwe

Yesaya 3:9

Akabonekele aka vyeni vyabo kakubasusya, bakananga pabuzelu ngati mumo bakabombela abantu aba mu Sodomu, batakafisa nachimo. Chighune kukwabo! Bipalaghulila intamyo.

Yelemiya 11:10

Banyokeye kumbibi izya banyenya babo, babo bakaghakana amazyu ghane. Babakonkite abachala abanji nukubabombela. Bosi poka aba Izilayeli naba Yuda balunanganizye ulufingo lulo nkafingana na banyenya babo.

Yelemiya 11:8

Loli bakighalila amakutu ghabo, mubuzilo bwache, umuntu wesi akenda muzila iyache ni yache iya moyo wache umubibi. Po nkabatumila ivighune vyosi ivya lufingo lulo nkabalamula ukuti balukonkaye loli batakalukonka.”

Yelemiya 13:10

Abantu ababibi aba, babo bakukana pakuteghelezya ku mazyu ghane, sona bakukonka ubukafu ubwa moyo ghabo, bakubabombela nukubiputa abachala abanji, bakwiza pakuba ngati we lamba yuyo ate nimbombo nayimoyimo!

Yelemiya 18:18

Po abantu bakati, “Zagha tubatike pakumubombela ububibi u Yelemiya! Pakuti abaputi bakwiza pakuba naswe akabalilo kosi pakutulongozya, abamahala bakwiza pakutulongozya, sona abalaghuzi bakwiza pakulumbilila amazyu agha Chala. Zagha tumupe inongwa, sona tuleke pakuteghelezya zizyo akunena.”

Yelemiya 38:4

Po amakambala ghakamubuzya u mwene ghakati, “Umuntu yunuyu aghoghiwanje. Muntu yumo yuyo akubamala amaka abasilikali ababwite babo balekiwe mukaya akakulu nkani aka poka na bantu bosi, pa vintu vivyo akubabuzya. Umuntu yunuyu atakubalondela abantu ubwiza loli ko kubavulazya.”

Yelemiya 42:13

“Loli nanti mukuti, ‘Aswe tutakulonda pakwikala muchisu chinichi,’ po sona mutakughivwila amazyu agha Mwene u Chala winyu,

Yelemiya 43:2

u Azaliya umwana uwa Hoshaya nu Yohanani umwana uwa Kaleya sona na banavuli bosi abamadinko bakamubuzya u Yelemiya bakati, “We mumyasi! U Mwene u Chala witu atakutumite pakutubuzya ukuti, ‘Mutakabukayeko ku Ijiputi pakwikala kulakula.’

Yelemiya 44:24

Po u Yelemiya akababuzya abantu bosi poka na bakolo akati, “Ivwa amazyu agha Mwene mwe ba Yuda mwe bosi mwe mukwikala mu Ijiputi.

Yelemiya 44:25

U Mwene Uwamaka Ghosi, u Chala uwa Izilayeli akuti: Amwe poka na bachi binyu mwanena ukuti, ‘Tukwiza pakubomba zizyo tukafinga. Tukwiza pakocha utwakufukizya utwakununkila nukubika ichakwiyipa icha vinyo kwa Mwene Umukolo Uwakumwanya.’ “Po endelela, bomba chicho mukalayizya! Sunga ifingo zyinyu!

Yelemiya 6:16

U Mwene akuti, “Imilila mulubazu mumusebo nukutalankannya, lalusya izila izya kale. Lalusya kuko kuli izila inyiza sona nukwendamo mulamula, po imizimu yinyu yikwiza pakubwagha ubutuzyo. Loli amwe mukati, ‘Tutakwiza pakwendamo.’

Yelemiya 8:12

Nkimba bate ni soni pakubomba ivinyazu vinivi? Awe, bate ni soni nazimozimo sona batakuwisya ivyeni vyabo pasi. Pakuti bakwiza pakuwila poka na bamwabo babo bakawa kale. Bakwiza pakuwila zila bo nabafunda. Ane ne Mwene nanena.’

Yelemiya 8:6

Nabateghelezya nkani ku zizyo bakunena loli batakunenapo nazimozimo ingolosu. Atakabapo nayumoyumo uwakuzileka imbibi zyache, nukunena ukuti, “Nkimba nananga choni?” Loli umuntu wesi akubuka ku zila izyache ni zyache, ngati yo falasi yiyo nyengo nkani pakulwa ubwite.

Daniyeli 3:15

Losi ulu nanti mwivwa bulo ukulila ukwa lipati na malongi na mapango ni vinanda ni ng'oma ni visekeseke sona ni vyakwimbila vyosi ivyakulekanalekana, chingaba chiza nkani ukuti mufughamaye pasi pakuchiputa ichifwani chicho nkapanga. Loli nanti mutakuchiputa, mukwiza pakusumbiwa lubilolubilo mumoto uwa muvuno. Po nkimba chala wenu yuyo akwiza pakubapoka munyobe zyane?”

Luka 19:14

Loli abantu aba mukaya kache bakamubenga, po bakatuma intumi ukuti, ‘Aswe tutakumulonda umuntu uyu pakuba we mwene witu.’

Luka 19:27

Loli abalwani bane babo batakandondagha ukuti imbanje ne mwene wabo, mwize nabo kuno nukubaghogha pamaso papane.’ ”

1 Samuweli 8:19

Loli abantu batakamwivwila u Samuweli. Po bakati, “Awe, tukulonda u mwene uwakuti atulaghilaye.