Yelemiya 44:10 - IBAYIBOLO 2024

¹⁰ Loli mupaka nilelo mulekite pakwiyisya mwebene. Mulekite pakunchindika sona mutakuzikonka indaghilo zizyo nkabapa amwe poka na banyenya binyu.”

Yelemiya 44:10 Iomraidhean Croise

1 Abamwene 21:29

“Nkimba wamwennya u Ahabu namumo iyisizye mwene pamaso papane? Pachifukwa ichakuti iyisya mwene, ntakwiza pakumuwisizya intamyo pakabalilo kache, loli nkwiza pakubawisizya abana bache intamyo.”

2 Abamwene 22:19

Pachifukwa ichakuti wapinduka, nukwiyisya wemwene pamaso pa Mwene, bo wivwa amazyu aghakususannya nakaya akakulu nkani kanaka, poka na bantu bache, ukuti kakwiza pakuba chisami, sona kakwiza pakughuniwa. Pakuti ukazepula inkazo yako nukulila pamaso papane, nane nivwa ulwiputo lwako. U Mwene anena.

2 Imbili 32:26

Pisinda pache u Hezekiya akiyisya nukuleka pakwituvya, ukuyana namumo bakabombela abantu aba mu Yelusalemu. Po u Mwene atakabakalalila abantu pakabalilo aka Hezekiya.

2 Imbili 33:12

Pakabalilo akantamyo zyache, akamulabagha u Mwene u Chala wache nukwiyisya nkani pamaso pa Chala uwa banyenya bache.

2 Imbili 33:19

Ulwiputo lwache sona namumo akamulambilizizya u Chala ni mbibi zyache zyosi nukusita kusubiliwa kwache na pakwiputilapo ivifwani ni vifwani ivya Ashela ni vifwani ivinji bo achili pakwiyisya, zyosi zisimbiwe mwibuku ilya Mbili iya balaghuzi.

2 Imbili 34:27

Pachifukwa ichakuti wapinduka nukwiyisya we mwene pamaso pa Chala, bo wivwa amazyu aghakususannya nakaya akakulu nkani kanaka, poka na bantu bache sona nukuti wiyisya pamaso papane pakuzepula inkazo yako nukulila pamaso papane, nane nivwa ulwiputo lwako. Ane ne Mwene nene nanena.

Masalimo 34:18

U Mwene ali papipi na babo bavulaye mumoyo, sona akubapoka babo banyokeye kwisinda.

Masalimo 51:17

Ivyakwiyipa vivyo vikumuhobosya u Chala, gho muzimu uwakwiyisya, po u Chala utakwiza pakughusulannya umoyo uwakwiyisya.

Masalimo 78:10

Batakasunga ulufingo ulwa Chala, loli bakakana pakulwivwila ululaghilo lwache.

Ukufuma 10:3

U Mozesi nu Aloni bakabuka kwa Falabo nukumubuzya ukuti, “U Mwene u Chala uwa ba Hebeli ati, ‘Nkimba uchili ukukana pakwiyisya pamaso papane? Ubitikizye abantu bane ukuti babukaye, umwakuti banganyiputa.

Ukufuma 9:17

Loli pope bulo uchili ukwituvya nukukana pakubitikizya abantu bane ukuti babukaye.

Ukufuma 9:30

Loli pope bulo inzimenye ukuti awe na makambala ghako mutakumunyila u Mwene u Chala.”

Ivyili 14:16

Umuntu uwamahala akumuchindika u Mwene, nukubuleghuka ububibi, loli umupunganu akudebukila bulo ivintu mwalwemwalwe.

Ivyili 16:6

Pachifukwa icha kwiyiyipa nu busubiliwa, imbibi izya muntu zikuhobokeliwanga, sona pachifukwa ichakumuchindika u Mwene umuntu akuzileghukagha imbibi.

Ivyili 28:14

Musayiwa umuntu yuyo akumuchindika u Mwene akabalilo kosi, loli yuyo ali nu moyo umukafu akwinjila muntamyo.

Ivyili 8:13

Ukumunyila u Mwene ko kuzibenga imbibi, loli ukwikwezya na mituvyo ni zila izya bubibi, sona nukunena ubumyasi ivibengite.

Yesaya 42:24

Nkimba wewenu yuyo akamubika u Yakobo, munyobe izya bakuzompola, sona aba Izilayeli munyobe izya bakufyula? Fwandi atakaba we Mwene yuyo tumunangiye? Pakuti batakakonkagha ivimanyisyo vyache, sona batakivwilagha ululaghilo lwache?

Yesaya 57:15

Pakuti umu momumo akunenela uwa pamwanya, yuyo wakupaliwa yuyo akubangako bwila na bwila, itabwa lyache lizelu, “Nkwikala kumwanya nkani, sona na Mubuzilo Ubuzelu, sona nkwikala na bantu abakwiyisya mubuzimu, sona nukughunyamusya umuzimu uwa muntu uwakwiyisya, nukughunyamusya umoyo uwa muntu uwakuwa amaka.

Yesaya 66:2

Ivintu vyosi nene nkavipela, po vyosi vinivi vyane.” U Mwene anena “Loli umuntu yuyo nkumulonda, we muntu yuyo akwiyisya, yuyo apindukite nukuzileka imbibi zyache, sona yuyo akunyila nukughivwila amazyu ghane.

Yelemiya 10:7

Wee Mwene uwa inko zyosi, nkimba wewenu yuyo atangakunyila? Pakuti zikubaghiye ukuti abantu bakunyilaye. Pakasi pa balongozi abamahala bosi aba inko sona mubumwene bwabo bosi, atalipo nayumoyumo yuyo ayanite nawe.

Yelemiya 26:4

Ubabuzye ukuti, ‘Umu momumo u Mwene akunenela: Nanti mutakunyivwila nukukonka ululaghilo lwane lulo nkabapa,

Yelemiya 32:23

Bakinjila nukuchifyula ichisu chila loli batakakwivwila pamo ukukonka indaghilo zyako, batakabomba zizyo ukabalamula ukuti babombaye. Po ukabawisizya intamyo zyosi zinizi.

Yelemiya 36:24

U mwene na babombi bache babo bakivwa amazyu ghanagha, batakaba nubogha nabumobumo, pamo ukuzepulannya amenda ghabo.

Yelemiya 44:23

Pachifukwa ichakuti amwe mukamochela utwakununkila nukumunangila u Mwene sona mutakamwivwila pamo mutakaghakonka amalamulo ghache pamo indaghilo zyache zizyo akababuzya, po ilelo mutakaswighaye bo mukuzyennya intamyo izi.”

Yelemiya 5:3

Wee Mwene nkimba amaso ghako ghatakulonda ubwanaloli? Ukabafunda loli batakivwa ububavu, ukabasyempa loli bakakana pakumanyila. Bakavikazya ivyeni vyabo ngati mabwe, nukukana pakupinduka.

Yelemiya 6:15

Nkimba bate ni soni pakubomba ivinyazu vinivi? Awe, bate ni soni nazimozimo sona batakuwisya ivyeni vyabo pasi. Pakuti bakwiza pakuwila poka na bamwabo babo bakawa kale. Bakwiza pakuwila zila bo nkubafunda. Ane ne Mwene nanena.”

Yelemiya 8:12

Nkimba bate ni soni pakubomba ivinyazu vinivi? Awe, bate ni soni nazimozimo sona batakuwisya ivyeni vyabo pasi. Pakuti bakwiza pakuwila poka na bamwabo babo bakawa kale. Bakwiza pakuwila zila bo nabafunda. Ane ne Mwene nanena.’

Ezekiyeli 9:4

Akamubuzya akati, “Buka mukaya akakulu nkani mosi mu Yelusalemu nukubikapo ichimanyilo pavyeni vyabo bosi babo bali nichitima nukulila, pachifukwa icha vintu ivyamwiko vivyo vikubombiwa mulamula.”

Malaki 4:2

Loli amwe mwe mukunchindika ane, izuba ilya bugholosu likwiza pakubafumila nukubapozya ukwa kulama kwache. Mukwiza pakunyelanyela umwakuhoboka ngati tungwata tuto batwabula muchibagha.

Matayi 27:54

Bo usongo uwa basilikali poka na basilikali babo bakamulindililagha u Yesu, bennya akasenyenta na vyosi vivyo vikabombiwa, bakanyila nkani nukuti, “Naloli uyu akaba Mwana uwa Chala!”

Luka 23:40

Loli ilinji likamuchemela likati, “Nkimba utakumunyila u Chala? Uli pakufundiwa nu lufundo ngati lulo ali pakufundiwa nalo.

Aba Loma 11:20

Momumo, abene bakapalantiwa pachifukwa ichakuti batakasubila, bo amwe mukwikala mubuzilo bwinyu pachifukwa ichakuti mukusubila. Mutakituvyanje, loli munyilaye.

1 Pitala 5:6

Mwiyisyanje mwebene pamaso pa Chala uwamaka, umwakuti abakwezye pakabalilo kache akiza.

Ubuvumbuli 15:4

Wee Mwene, nkimba wewenu atangakunyila nukulichindika itabwa lyako? Pakuti awe wemwene we Muzelu. Abantu abaluko losi bakwiza pakukwiputa, pachifukwa ichakuti imbombo zyako ngolosu zikuboneka pabuzelu na bantu bosi.”