Yelemiya 43:9 - IBAYIBOLO 2024

⁹ “Senda amabwe amakulu nkani nukughafukila mwitope palubinjilo lulo babikitepo amabwe ghala pa lubinjilo ulwa njelwa pamulyango uwa nyumba iya bumwene iya Falabo mu Tapanesi, bo aba Yuda bakukwennya ukubomba zinizyo.

Yelemiya 43:9 Iomraidhean Croise

2 Samuweli 12:31

nukubefyamo abantu aba mukaya kala. Po akababombezya imbombo iyakupala amatabwa na bapiki ni ntemo sona bakababombezya imbombo iyakukoma injelwa. Akatubombela bunubu utwaya tosi utukulu utwa ba Amoni. Po u Devedi na basilikali bache bosi bakabwela ku Yelusalemu.

Ukufuma 1:14

Ubumi ubwa ba Izilayeli bukaba bwakubaba pachifukwa icha mbombo inkafu iyakukoma injelwa ni mbombo izyakulekanalekana izya mumaghunda. Aba Ijiputi bakabafyengagha bulo pakubomba imbombo ukwa kabalilo akatali nkani.

Yelemiya 25:19

kwa Falabo u mwene uwa muchisu icha Ijiputi na babombi bache na makambala ghache, sona na bantu bache bosi,

Yelemiya 43:10

Po ubabuzye ukuti, ‘U Mwene Uwamaka Ghosi, u Chala uwa Izilayeli akwiza pakumusenda umubombi wache u Nebukadineza, u mwene uwa chisu icha Babiloni, nkwiza pakubika ichitengo chache icha bumwene pamabwe ghagho naghafukila pano, sona akwiza pakuchikuzula ichisakasa chache icha bumwene pa mabwe ghala.

Yelemiya 43:8

U Mwene akamubuzya u Yelemiya mu Tapanesi akati,

Yelemiya 44:30

Umu momumo u Mwene akunenela: Nkwiza pakumubika u Falabo u Hofula u mwene uwamu Ijiputi munyobe izya balwani, babo bakubulondelezya ubumi bwache, ngati mumo nkamubikila u Zedekiya u mwene uwa Yuda munyobe izya Nebukadineza u mwene uwamu Babiloni, yuyo akalondagha pakumughogha.’ ”

Ezekiyeli 4:1

Po u Chala akati, “Wee mwana uwa muntu, senda injelwa uyibike pantazi papako nukukajambulapo akaya akakulu nkani aka Yelusalemu.

Hoseya 12:10

Nkanena na balaghuzi, nkabavumbulila ivisetuka nukubabuzya ivyili ukwendela mumwabo.

Nahumu 3:14

Sembela zila amizi aghakukwana, ghagho ungabombezya bo abalwani bakuzyunguliye, bo bachili batakazyunguliye akaya kako. Ulikazye nkani ilinga lyako, sona kanya itope ilyakukomela injelwa, izyakuzengela amalinga ghako.

Imbombo 21:11

Akiza kukwitu nukusenda ulamba uwa Pabuli, akipinya ivinama ni nyobe zyache nukuti, “U Muzimu Umuzelu akuti, ‘Umwenecho uwa lamba yunuyu akwiza pakupinyiwa bunubu naba Yuda aba mu Yelusalemu, po bakwiza pakumubika munyobe izya bantu babo bate ba Yuda.’ ”

Ubuvumbuli 18:21

Po uwantumi uwamaka akanyamula ibwe lilyo ubukulu bwache likayana nu lwala ulukulu nkani, akalisumbila munyanja nukuti, “Umu momumo akaya akakulu nkani aka Babiloni kakwiza pakusumbiliwa. Katakwiza pakubonekapo nalumo.