Yelemiya 43:2 - IBAYIBOLO 2024

² u Azaliya umwana uwa Hoshaya nu Yohanani umwana uwa Kaleya sona na banavuli bosi abamadinko bakamubuzya u Yelemiya bakati, “We mumyasi! U Mwene u Chala witu atakutumite pakutubuzya ukuti, ‘Mutakabukayeko ku Ijiputi pakwikala kulakula.’

Yelemiya 43:2 Iomraidhean Croise

Ubwandilo 19:14

Po u Loti akababuzya abakwalima babo bakazingila abana bache abalindu akati, “Lubilo, twepemo mukaya aka, pakuti u Mwene ali papipi pakukanangannya.” Loli abene bakennya ngati po sunga bulo.

2 Imbili 36:13

Akamusambukila sona u mwene u Nebukadineza napapo akamulapizya ichilapo mwitabwa ilya Chala. Akaba numoyo umukafu nkani umwakuti atakanyokela kwa Mwene u Chala uwa Izilayeli.

Masalimo 119:21

Abantu abakwitutumula ukubachemela, kokuti babo baghuniwe, sona babo bakwepako ku malamulo ghako.

Masalimo 12:3

U Mwene ayighalilaye imilomo yosi imichevu sona nu lulimi losi ulwakwitutumula.

Masalimo 123:4

Abantu abakwituvya bakutuseka akabalilo akatali nkani, sona bope abantu abakwitutumula bakutobezya nkani.

Ukufuma 5:2

Po u Falabo akamula akati, “Nkimba u Mwene yunuyu wewenu? Nkimba choni chicho imwivwilaye pakubitikizya aba Izilayeli ukuti babukaye? Ntamumenye u Mwene yunuyu, po ntakwiza pakubitikizya aba Izilayeli ukuti babukaye.”

Ukufuma 9:17

Loli pope bulo uchili ukwituvya nukukana pakubitikizya abantu bane ukuti babukaye.

Ivyili 16:5

U Mwene ababengite abantu abamituvyo, po naloli bakwiza pakufundiwa.

Ivyili 30:9

Pakuti nanti naba mukabi nkani, nkwiza pakwikuta nukwanda pakukukana, pamo nanti naba mupina nkwiza pakwiba ivya bantu po nkwiza pakulinyazya itabwa ilya Chala wane.

Ivyili 6:17

Ivintu vinivi vyo ivi: Amaso agha mituvyo nu lulimi ulwakutamanta, inyobe zizyo zikumughogha umuntu yuyo ate ninongwa nayimoyimo,

Ivyili 8:13

Ukumunyila u Mwene ko kuzibenga imbibi, loli ukwikwezya na mituvyo ni zila izya bubibi, sona nukunena ubumyasi ivibengite.

Yesaya 7:9

Akaya akakulu nkani aka Samaliya we mutu uwa Efulayimu, u mwana uwa Lemaliya weyuyo akulaghila mu Samaliya. Nanti mutakwima nkani mu lwitiko lwinyu, mutakwiza pakwikalana.’ ”

Yesaya 9:8

U Mwene atuma amazyu agha kumususya u Yakobo, ghakwiza pakuwa paba Izilayeli.

Yelemiya 13:15

U Mwene akuti, “Mwee ba Izilayeli, ivwa nukuteghelezya, mutakituvyanje.

Yelemiya 18:18

Po abantu bakati, “Zagha tubatike pakumubombela ububibi u Yelemiya! Pakuti abaputi bakwiza pakuba naswe akabalilo kosi pakutulongozya, abamahala bakwiza pakutulongozya, sona abalaghuzi bakwiza pakulumbilila amazyu agha Chala. Zagha tumupe inongwa, sona tuleke pakuteghelezya zizyo akunena.”

Yelemiya 40:8

Babo bakabuka kwa Gedaliya ku Mizipa bo aba: U Ishimayeli umwana uwa Netaniya nu Yohanani nu Yonatani abana aba Kaleya nu Selaya umwana uwa Tanihumeti na bana aba Efayi umwana uwa Netofa nu Yezaniya umwana uwa Maaka sona na bantu babo.

Yelemiya 41:16

Po u Yohanani umwana uwa Kaleya poka na balongozi bosi aba basilikali babo bakaba poka nawe bakabasenda abantu bosi babo bakasyalikila ku Mizipa babo u Ishimayeli umwana uwa Netaniya akabasenda pakuba bazya, bo amughogha u Gedaliya umwana uwa Ahikamu. Babo akabasenda bakaba bo aba: Abasilikali na bakolo na bana sona na makambala agha munyumba iya mwene, babo u Yohanani akiza nabo ukufumila ku Gibeyoni.

Yelemiya 41:18

Bakabanyilagha abasilikali aba ku Babiloni, pachifukwa ichakuti u Ishimayeli umwana uwa Netaniya akamughogha u Gedaliya umwana uwa Ahikamu, yuyo akasaliwa nu mwene uwa ku Babiloni pakuba mulaghili uwa chisu.

Yelemiya 42:1

Po bosi abalongozi aba basilikali, poka nu Yohanani umwana uwa Kaleya nu Yezaniya umwana uwa Hoshaya, sona na bantu bosi ukwandila ku banandi mupaka ku basongo bakamufika umulaghuzi u Yelemiya,

Yelemiya 42:20

ukuti mukananga nkani bo mukuntuma kwa Mwene u Chala winyu nukunena ukuti, ‘Utwiputileko kwa Mwene u Chala witu, utubuzye chosi chicho akunena, po tukwiza pakuchibomba.’

Yelemiya 42:5

Po bakamubuzya u Yelemiya bakati, “U Mwene abanje we kaboni uwanaloli sona abanje musubiliwa pakutususya nanti tutakubomba ukuyana na vyosi vivyo u Mwene u Chala wako akukutuma pakutubuzya.

Yelemiya 43:1

Bo u Yelemiya amala pakubabuzya abantu amazyu ghosi agha Mwene u Chala wabo, ghagho akamutuma ukuti ababuzye,

Yelemiya 44:16

“Aswe tutakwiza pakuteghelezya amazyu ghagho watubuzya mwitabwa ilya Mwene!

Yakobo 4:6

Loli ichisa chicho u Chala akutulanjizya chamaka nkani. Ichi cho chifukwa Amasimbo ghakuti, “U Chala akubasusya abantu abakwitutumula, loli akubapelela ichisa abantu abakwiyisya.”

1 Pitala 5:5

Umwakuyana bulo, namwe mwe balumendo, mubivwilaye abantu abasongo. Mwebosi mubanje nu moyo uwakwiyisya bo mukubombelana mwebenebene pakuti Amasimbo ghakuti, “U chala akubasusya abantu abamituvyo, loli akubalanjizya ichisa abantu abakwiyisya.”