Yelemiya 43:10 - IBAYIBOLO 2024

¹⁰ Po ubabuzye ukuti, ‘U Mwene Uwamaka Ghosi, u Chala uwa Izilayeli akwiza pakumusenda umubombi wache u Nebukadineza, u mwene uwa chisu icha Babiloni, nkwiza pakubika ichitengo chache icha bumwene pamabwe ghagho naghafukila pano, sona akwiza pakuchikuzula ichisakasa chache icha bumwene pa mabwe ghala.

Yelemiya 43:10 Iomraidhean Croise

1 Abamwene 20:12

U Beni Hadadi akapokela amazyu ghanagha bo yuyo poka na bamwene abanji bali pakung'wela muvisakasa vyabo. Akabalamula abantu bache akati, “Mwiyannye pakulwa ubwite.” Po bakiyannya pakulwa ubwite nakaya akakulu nkani kala.

1 Abamwene 20:16

Bakanyamuka pakasi pamusanya, bo u Beni Hadadi poka na bamwene 32 babo bakaba kulubazu lwache bali pakung'wela muvisakasa vyabo.

Masalimo 18:11

Ichisi akachipela pakuba cho chakuvwinka chache, sona amabingu amafitu ghakamukupikilagha.

Masalimo 27:5

Pakuti pakabalilo akantamyo, akwiza pakunsungilila akiza mu Nyumba yache. Akwiza pakunfisa mukasi muchisakasa chache nukumbika pamwanya pilyalabwe itali.

Masalimo 31:20

Ukubafisa mukazundila aka bubapo bwako, ukubavighilila ku bantu ababibi. Ukubasungilila akiza munyumba yako, ukubapoka munyobe izya bantu abamyasi.

Yesaya 44:28

nkumubuzya u Sayilasi ukuti, ‘We mudimi wane, ukwiza pakumalizya imbombo yane, yiyo nkulonda ukuti ubombaye,’ nkwiza pakulamula ukuti, ‘U Yelusalemu azengiwe sona,’ nkwiza pakulamula sona ukuti, ‘Ulwalo ulwa Nyumba iya Chala luzengiwe sona.’ ”

Yesaya 45:1

U Mwene akanena kwa Sayilasi umupakiwa wache, yuyo akumulema ninyobe yache indilo, ukuti azipote inko pantazi pache, nukubafyula abamwene ubumwene bwabo, nukwighula imilyango pantazi pache, umwakuti imilyango yitakighaliwe sona:

Yelemiya 1:15

Indi papipi pakuzyitizya inko zyosi izya bumwene ubwa kumitu. Ane ne Mwene nanena. Abamwene babo bakwiza pakuvyikazya ivitengo vyabo ivya bumwene pamilyango iya kaya akakulu nkani aka Yelusalemu, sona bakwiza pakughazyungulila amalinga ghache nutwaya tosi utukulu nkani utwa Yuda.

Yelemiya 43:9

“Senda amabwe amakulu nkani nukughafukila mwitope palubinjilo lulo babikitepo amabwe ghala pa lubinjilo ulwa njelwa pamulyango uwa nyumba iya bumwene iya Falabo mu Tapanesi, bo aba Yuda bakukwennya ukubomba zinizyo.

Yelemiya 46:13

Agha gho mazyu ghagho u Mwene akamubuzya u Yelemiya umulaghuzi nizya kwiza ukwa Nebukadineza u mwene uwa chisu icha Babiloni, pakulwa ubwite ni chisu icha Ijiputi akati,

Yelemiya 49:38

Nkwiza pakubika ichitengo chane icha bumwene mu Elamu, nukubanangannya abamwene poka na makambala ghache. Ane ne Mwene nanena.

Ezekiyeli 5:12

Ichigaba ichabutatu icha bantu bakwiza pakufwa ni chiwaya pamo nizala, ichigaba ichabutatu bakwiza pakufwila kubwite kuzi ukwa kaya kinyu akakulu nkani, sona ichigaba ichabutatu nkwiza pakubanyampannya kosi na kosi, nukubachimbizya nupanga.

Daniyeli 2:21

Wee yuyo akwandula amasiku nu tubalilo, sona weyuyo akubakwezya abamwene nukubisya. Akubapa amahala abantu abamahala, sona nu bumanyi ku bantu abakwivwisya ivintu.

Matayi 22:7

U mwene yula akakalala nkani, po akatuma abasilikali bache ababwite pakughogha abaghoghi bala nukocha akaya kabo.