Yelemiya 42:5 - IBAYIBOLO 2024

⁵ Po bakamubuzya u Yelemiya bakati, “U Mwene abanje we kaboni uwanaloli sona abanje musubiliwa pakutususya nanti tutakubomba ukuyana na vyosi vivyo u Mwene u Chala wako akukutuma pakutubuzya.

Yelemiya 42:5 Iomraidhean Croise

Ubwandilo 31:50

U Labani akanena sona akati, “Nanti ukubayivya abana bane, pamo nanti ukusenda sona abakolo abanji, napapo ane intangazimanya, ukumbuke ukuti u Chala we kaboni pakasi papako na nane.”

Ukufuma 20:19

Bakamubuzya u Mozesi ukuti, “Twalamba, awe wemwene unenaye naswe, tukwiza pakukuteghelezya. Loli u Chala atakanenaye naswe, lumo tungafwa.”

Ukufuma 20:7

“Utakalitambulaye pabulo itabwa ilya Mwene u Chala wako, pakuti ane ne Mwene nkwiza pakumufunda umuntu wesi yuyo akulitambula pabulo itabwa lyane.

Yelemiya 42:20

ukuti mukananga nkani bo mukuntuma kwa Mwene u Chala winyu nukunena ukuti, ‘Utwiputileko kwa Mwene u Chala witu, utubuzye chosi chicho akunena, po tukwiza pakuchibomba.’

Yelemiya 43:2

u Azaliya umwana uwa Hoshaya nu Yohanani umwana uwa Kaleya sona na banavuli bosi abamadinko bakamubuzya u Yelemiya bakati, “We mumyasi! U Mwene u Chala witu atakutumite pakutubuzya ukuti, ‘Mutakabukayeko ku Ijiputi pakwikala kulakula.’

Yelemiya 43:4

Po u Yohanani umwana uwa Kaleya sona na balongozi bosi aba basilikali na bantu bosi bakakana pakukonka ilamulo ilya Mwene ilyakuti bikalaye muchisu icha Yuda.

Yelemiya 5:2

Napapo bakulapila mwitabwa ilya Mwene umumi, pope bulo bakulapa ivyabumyasi.”

Mika 1:2

Mwee bantu aba inko zyosi, ivwa kuno, wee chisu ichapasi, na mwebosi mwe mukwikalamo, tegha amakutu ghinyu, ukuti u Mwene Uwamaka Ghosi akubasusya. U Mwene akunena mu Nyumba yache izelu.

Malaki 2:14

Mukulalusya mukuti, “Nkimba chifukwa choni?” Chifukwa chakuti u Mwene akaba we kaboni uwa pakasi papako nu muchi wako uwakwanda yuyo ukasenda bo wemulumendo, pakuti utakusubiliwa kukwache, napapo umuchi wako uwa kubulumendo yuyo mumanyani wako, yuyo ukafingana nawe ulufingo ulwa sendwa.

Malaki 3:5

U Mwene Uwamaka Ghosi akuti, “Nkwiza pakupalamila kukwinyu umwakuti imbalongaye. Ntakwiza pakuzyelazyela pakuba ne kaboni kubamayele na bamalaya na babo bakulapa ichilapo icha bumyasi na babo bakubazimbula abambombo amalipilo ghabo, na babo bakubayivya abakolo abafwilwe na bana abalanda pamo batakubabombela ubwanaloli abayeni, pakuti abantu banaba batakunchindika.

Aba Loma 1:9

U Chala, yuyo nkumubombela nu moyo wane ghosi pakulumbilila Amazyu Amiza aghakunena nizya Mwana wache, we kaboni wane ukuti akabalilo kosi nkubakumbuka munyiputo zyane.

Ubuvumbuli 1:5

Ichisa chinichi chikufuma kwa Yesu Kilisitu, ukaboni umusubiliwa uwakwanda pakuzyuka kubufwe, sona yuyo we umulaghili uwa bamwene bosi aba muchisu ichapasi. U Mwene atughanite aswe, sona atwabuye kumbibi zyitu ni banda lyache.

Ubuvumbuli 3:14

“Uwantumi uwa muchipanga icha mu Labodikiya umusimbile uti, “Amazyu ghagho ghaneniwa na yuyo akwitiziwa ukuti we Ameni, umusubiliwa, sona nu kaboni uwanaloli, yuyo we chifumo icha vipeliwa vyosi ivya Chala, gho agha:

Abalongi 11:10

Abasongo bala bakamwamula bakati, “U Mwene we kaboni witu, sona tukwiza pakubomba vivyo wanena.”

1 Samuweli 12:5

U Samuweli akababuzya abantu akati, “U Mwene we kaboni pakasi papane namwe, sona wepe umupakiwa wache we kaboni ilelo umwakuti mutanyaghitepo ninongwa nayimoyimo.” Abantu bakamula bakati, “Naloli u Mwene we kaboni.”

1 Samuweli 20:42

U Yonatani akamubuzya u Devedi akati, “Wende akiza pakuti twalapa ichilapo mwitabwa ilya Mwene pakunena ukuti, ‘U Mwene we kaboni pakasi papako nane, sona napa baluko lwako na baluko lwane bwila na bwila’ ” U Devedi akanyamuka nukubuka, po wepe u Yonatani akabwela kukaya akakulu nkani.