Yelemiya 42:3 - IBAYIBOLO 2024

³ Utulabileko kwa Mwene u Chala witu ukuti atubuzye kuko tubukaye sona nachicho tungabomba.”

Yelemiya 42:3 Iomraidhean Croise

1 Abamwene 8:36

po ivwa uko kumwanya kuko ukwikala nukubahobokela imbibi zyabo ababombi bako aba Izilayeli. Ubamanyisyanje inkalo inyiza, sona ubawisizye ivula muchisu chicho ukabapa abantu bako pakuba mpyana yabo.

Ezila 8:21

Palapala pampindulila iya Ahava nkafumusya ukuti abantu batuzye pakulya, umwakuti twiyisye pamaso pa Chala witu nukumulaba ukuti aswe na bana bitu poka nu katundu wesi ukuti tubanje nu bulendo ubwiza.

Masalimo 27:11

Wee Mwene umanyisyanje izila zyako. Undongozezye muzila intenganu, pachifukwa ichakuti abalwani binji.

Masalimo 86:11

Wee Mwene umanyisye izila zizyo ukuzilonda ukuti inzikonkaye, po nkwiza pakwenda mubwanaloli bwako. Umpele ukuti imbanje nu moyo uwakwiyipa nkani, umwakuti indinyilaye itabwa lyako.

Ivyili 3:6

Pavyosi vivyo ukubomba witikaye ukuti u Mwene aliko, sona akwiza pakuzipela izila zyako pakuba ngolosu.

Yesaya 2:3

Inko inyinji zikwiza pakunena ukuti, “Zagha, twende tukwele pighamba ilya Mwene, ku Nyumba iya Chala uwa Yakobo. Akwiza pakutumanyisya izila zyache, umwakuti twendaye mumo.” Pakuti ululaghilo lukwiza pakufumila ku Ziyoni, sona ivimanyisyo ivya Mwene vikwiza pakufumila mu Yelusalemu.

Yelemiya 6:16

U Mwene akuti, “Imilila mulubazu mumusebo nukutalankannya, lalusya izila izya kale. Lalusya kuko kuli izila inyiza sona nukwendamo mulamula, po imizimu yinyu yikwiza pakubwagha ubutuzyo. Loli amwe mukati, ‘Tutakwiza pakwendamo.’

Mika 4:2

Inko inyinji zikwiza pakunena ukuti, “Zagha, twende tukwele pighamba ilya Mwene, ku Nyumba iya Chala uwa Yakobo. Akwiza pakutumanyisya izila zyache, umwakuti twendaye mumo.” Pakuti ululaghilo lukwiza pakufumila ku Ziyoni, sona ivimanyisyo ivya Mwene vikwiza pakufumila mu Yelusalemu.

Ukukumbusya Amalamulo 5:26

Nkimba alipo umuntu yuyo akendelela pakuba nubumi, bo amwivwa u Chala umumi akunena mumoto?

Ukukumbusya Amalamulo 5:29

Ane nalondagha nkani ukuti inyinong'ono zyabo ngali zili bunubu amasiku ghosi, sona nukuti ngali bakunchindika nukuzikonka indaghilo zyane zyosi, umwakuti ivintu vyosi vibendelaye akiza, poka na baluko lwabo bwila na bwila.