Yelemiya 42:2 - IBAYIBOLO 2024

² bakamubuzya umulaghuzi bakati, “Twalamba, utulabileko kwa Mwene u Chala witu aswe twe bakusyalako. Ngati mumo ukutwenezya, napapo tukaba binji nkani, loli ilelo twasyala banandi bulo.

Yelemiya 42:2 Iomraidhean Croise

1 Abamwene 13:6

U mwene akamubuzya umulaghuzi yula akati, “Wee undambilizizyeko kwa Mwene u Chala wako, sona unyiputile ukuti inyobe yane yipole.” Umulaghuzi yula akamulambilizizya kwa Mwene, po inyobe yache yikapola.

Masalimo 119:170

Ukulaba kwane kufike pamaso papako. Mpoka ukuyana nilayizyo lyako

Ukufuma 8:28

U Falabo akati, “Nkwiza pakubitikizya ukuti mubukaye pakubika ivyakwiyipa kwa Mwene u Chala winyu munkolongo, loli mutakabukaye kubutali nkani. Po munyiputile.”

Ukufuma 9:28

Iputa kwa Mwene ukuti ukupaya ni vula iya mabwe vileke, po nkwiza pakubitikizya ukuti mubukaye. Amwe mutabaghiye pakwikala sona kuno.”

Yesaya 1:15

Bo mukukwezya inyobe zyinyu mumwanya pakwiputa, nkwiza pakwighalila amaso ghane. Napapo inyiputo zyinyu zingaba ntali, loli ane ntakwiza pakuziteghelezya, pachifukwa ichakuti inyobe zyinyu zyizuye ni banda.

Yesaya 1:9

Nanti u Mwene Uwamaka Ghosi, atakabalekapo abantu bamo abakupona, ngali twaba ngati we Sodomu nu Gomola.

Yesaya 37:4

Lumo zingaba ukuti u Mwene u Chala winyu akwiza pakwivwa amazyu agha songo uwa basilikali yuyo mulongozi wache, u mwene wamu Asiliya, abatuma pakumusamula u Chala umumi, sona akwiza pakumuchemela pachifukwa icha mazyu ghagho u Mwene u Chala winyu ivuye. Polelo mubiputilaye abakusyalako babo bachili bumi.”

Yesaya 42:20

Wennya ivintu ivyinji nkani, loli utakuvibikilako umoyo, amakutu ghako ghighukite loli utakwivwa nachimochimo.”

Yelemiya 15:11

U Mwene akamula akati, “Naloliloli nkwiza pakukupoka umwakuti ube akiza, momumo abalwani bako bakwiza pakukulaba pakabalilo akantamyo naka vitima.

Yelemiya 2:27

Bakunena kwikwi bakuti, ‘Awe we tata wane,’ sona na kumabwe bakuti, ‘Wewe ukampapa.’ Bampiye inkonto, sona batakunyennya, loli mukabalilo kabo akantamyo, bakuti, ‘Zagha utupoke!’

Yelemiya 21:2

“Mutubuzikizyeko kwa Mwene pachifukwa ichakuti u Nebukadineza u mwene uwa chisu icha Babiloni akwiza nu bwite. Lumo u Mwene angatubombela ivyika ngati mumo akabombela kale, umwakuti u Nebukadineza angefiwako kukwitu.”

Yelemiya 36:7

Lumo inyiputo zyabo zingafika pamaso agha Mwene nukuti wesi akwiza pakunyokako kumbombo zyache imbibi, pakuti ubukalale nu bukali ubwa Mwene bwaba bukulu nkani.”

Yelemiya 37:20

We mwene wane, loli ilelo, teghelezya bo nkukulaba. Utakanyosezyanje kunyumba iya musimbi u Yonatani umwakuti intakafwile mulamula.”

Yelemiya 37:3

U mwene u Zedekiya, akamutuma u Yehukala u mwana uwa Shelemiya poka nu muputi u Zefaniya umwana uwa Maseya kwa Yelemiya umulaghuzi na mazyu aghakuti, “Twapela, mutwiputile kwa Mwene u Chala witu.”

Yelemiya 38:14

Po u mwene u Zedekiya akamwitizya umulaghuzi u Yelemiya nukumupokela pamulyango uwabutatu uwa ku Nyumba iya Mwene. Akanena kwa Yelemiya akati, “Nkwiza pakukulalusya zimo. Utakanfisepo nachimochimo.”

Yelemiya 40:15

Po u Yohanani umwana uwa Kaleya akamubuzya u Gedaliya kubusyefu mu Mizipa akati, “Unyitikizye ukuti imbuke pakumughogha u Ishimayeli umwana uwa Netaniya, sona nayumoyumo atakwiza pakuzimanya. Nkimba pali chifukwa choni ichakukughoghela nukwitikizya ukuti aba Yuda bosi babo bakuzyunguliye banyampane sona nukuti bosi abakusyalako bananganike?”

Yelemiya 42:20

ukuti mukananga nkani bo mukuntuma kwa Mwene u Chala winyu nukunena ukuti, ‘Utwiputileko kwa Mwene u Chala witu, utubuzye chosi chicho akunena, po tukwiza pakuchibomba.’

Nkuto 1:1

Mwee, akaya akakulu nkani aka Yelusalemu, kako kale kakizula na bantu ilelo kaba chisami. Ali ngati mukolo umufwilwe, yuyo kale akachindikiwanga muchisu ichapasi. Akaba we mwene umukolo uwa inko izinji zyosi, loli ilelo aba muzya.

Ezekiyeli 12:16

Loli nkwiza pakubaleka bamo bumi kubwite, kuzala nakuchiwaya, umwakuti ku inko zizyo bakubukako bitikizyanje inyiho zyabo imbibi. Po bakwiza pakumanya ukuti ane ne Mwene.”

Hoseya 8:10

Napapo bakalipila indalama pakasi pa inko izinji, nkwiza pakubabungannya poka. Po bakwiza pakuba badedebazu nkani pachifukwa icha kuyiviwa nu mwene wamaka uwamu Asiliya.

Aba Levi 26:22

Nkwiza pakubatumila ivinyamana ivyakoghofya, vivyo vikwiza pakubalya abana binyu nukughogha ivitekwa vyinyu, umwakuti ubwinji bwinyu bukwiza pakuba bunandi bulo, sona izila zyinyu zikwiza pakufwa.”

Amosi 7:2

Bo umakanta yula amala ivibyalwa vyosi vila, nkalila nkati, “Wee Mwene Uwamaka Ghosi, bahobokele abantu bako! Nkimba u Izilayeli angapona bulibuli? Pakuti munandi nkani!”

Matayi 24:22

Loli u Chala akisyako kale ubwinji ubwa masiku ghala; nanti atakisyanga nayumo umuntu yuyo angapona. U Chala isizyeko amasiku ghala pachifukwa icha bantu bache abasaliwa.

Imbombo 8:24

U Simoni akanena kwa Pitala nu Yohani akati, “Napela, munyiputilaye kwa Mwene ukuti nachimochimo icha vintu vivyo mwanena chitakambonekele.”

Ukukumbusya Amalamulo 28:62

Napapo mwe binji nkani ngati zyo ntondwa, amwe mukwiza pakusyala banandi bulo, pachifukwa ichakuti mutakamwivwila u Mwene u Chala winyu.

Ukukumbusya Amalamulo 28:63

Ukuyana namumo chikamuhobosezya u Mwene pakubapela ukuti ivintu vibendelaye akiza, sona nukuti mubanje mwe binji nkani, po chikwiza pakumuhobosya u Mwene pakubanangannya nukubazimizya. Akwiza pakubanyunkulamo muchisu chicho mukubuka pakwikalamo.

Ukukumbusya Amalamulo 4:27

U Mwene akwiza pakubanyampanikizya pakasi pabantu aba inko izinji, sona abantu banandi bulo pakasi papinyu, bo babo bakwiza pakupona.

Yakobo 5:16

Polelo mwilatilanaye imbibi zyinyu sona nukwiputilana, umwakuti mupole. Ulwiputo ulwa mugholosu lwamaka, sona lukubomba ivintu ivikulu nkani.

1 Samuweli 12:19

Abantu bosi bakamubuzya u Samuweli bakati, “Twalamba, twiputileko kwa Mwene u Chala wako, aswe twe babombi bako ukuti tutakafwe, pakuti ilelo twazyaghannya ukuti pamwanya pambibi zyitu zyosi, tonjelezizyepo imbibi iyinji iyakuti tubanje nu mwene.”

1 Samuweli 12:23

Ane ntakulonda ukuti imunangile u Mwene pakukana pakubiputila. Loli nkwiza pakubamanyisya chicho chiza sona chigholosu.

1 Samuweli 7:8

Bakamubuzya u Samuweli bakati, “Utakalitaye pakutulilila kwa Mwene u Chala witu, umwakuti atupoke munyobe izya ba Filisiti bala.”