Yelemiya 42:18 - IBAYIBOLO 2024

¹⁸ U Mwene Uwamaka Ghosi, u Chala uwa Izilayeli akuti, ‘Ngati mumo ubukali bwane sona nukoghofya kwapunguliliwa ku bantu babo bakwikala mu Yelusalemu, momumo ubukali bwane bukwiza pakupunguliliwa papinyu bo mukubuka ku Ijiputi. Mukwiza pakuba chintu chicho abantu bakuchighuna sona nichakoghofya, ni chamusamu pamo ichakusekiwa, mutakwiza pakubwennya sona ubuzilo bula.’ ”

Yelemiya 42:18 Iomraidhean Croise

2 Imbili 34:25

Pachifukwa ichakuti abantu bankana nukufukizya utwakununkila ku bachala abanji nukunkalalizya pavyosi vivyo bapangite ni nyobe zyabo, po ane nkwiza pakukakalalila akaya akakulu nkani kanaka, umwakuti ubukali bwane butakwiza pakutozoka nalumolumo.

Yesaya 30:3

Loli ubuvighilili ubwa Falabo bukwiza pakuba soni kukwinyu, buzilo ubwakuponelako ku Ijiputi bukwiza pakuba musamu.

Yesaya 65:15

Mukwiza pakubalekela abasaliwa bane, itabwa lyako ilya chighune, po u Mwene Uwamaka Ghosi akwiza pakukughogha. Loli ababombi bache akwiza pakubita itabwa ilinji.

Yelemiya 18:16

Bakachipela ichisu chabo pakuba chakoghofya, bosi babo bakudumusannyapo bakwiza pakuswigha, sona bakwiza pakupukuzya imutu yabo.

Yelemiya 22:27

Mutakwiza pakunyokelako sona kuchisu chicho mukulonda pakunyokelako.”

Yelemiya 23:40

Nkwiza pakubasamula bwila na bwila nukubakozya isoni zizyo zitakwiza pakuluviwapo.”

Yelemiya 24:9

Nkwiza pakubapela pakuba chintu ichakoghofya muvyisu vyosi ivya pasi, ichintu ichakusamuliwa, ichintu chicho chite nimbombo nayimoyimo, ichintu ichakusekiwa nicha kughuniwa kosi kuko nkubachimbizizyako.

Yelemiya 25:9

nkwiza pakubitizya abantu aba kumitu poka nu mubombi wane u Nebukadineza u mwene uwa ku Babiloni sona nkwiza pakuchitumila ubwite ichisu ichi poka na bantu babo bakwikala mulamula sona ninko izya bantu babo babazyunguliye. Nkwiza pakubanangannya nukubapela pakuba chintu ichakoghofya nichakusekiwa sona ichisu chila chikwiza pakwipela chisami icha bwila na bwila.

Yelemiya 26:6

po nkwiza pakuyipela inyumba iyi iyakwiputilamo pakuba ngati buzilo ubwa Shilo, sona nkwiza pakukapela akaya akakulu nkani aka pakuba chighune pakasi panko izya pachisu ichapasi.’ ”

Yelemiya 29:18

Nkwiza pakubakonka nu bwite nizala sona ni chiwaya, nkwiza pakubapela pakuba chintu ichinyazu ku bantu bosi aba bumwene ubwa pachisu ichapasi. Bakwiza pakuba bantu baghuniwa na bantu abakoghofya, abakusekiwa naba kusamuliwa pakasi pabantu aba inko izya bantu kuko nkwiza pakubachimbizizyako.

Yelemiya 29:22

Pachifukwa icha bantu babili banaba, abazya bosi aba ku Yuda babo bakwikala mu Babiloni, bo bakumughuna umuntu, bakwiza pakunena ukuti, ‘U Mwene akubombele ngati mumo akamubombela u Zedekiya nu Ahabu, babo u mwene uwa ku Babiloni akabocha mumoto.’

Yelemiya 33:5

Abaluko ulwa Babiloni bakwiza nu bwite sona inyumba izya Yelusalemu zikwiza pakwizula nimivimba iya bantu babo nkwiza pakubaghogha bo nkalaye. Nkwiza pakuchifisa icheni chane ku kaya akakulu nkani aka pachifukwa icha mbibi zyache zyosi.

Yelemiya 44:12

Nkwiza pakubasenda abantu bosi abakusyalako aba mu Yuda, babo bakabikapo u moyo pakwikala mu Ijiputi. Bosi bakwiza pakumalila mu Ijiputi, bakwiza pakughoghiwa kubwite, pamo nizala. Ukwandila ku banandi mupaka ku basongo, bakwiza pakughoghiwa kubwite pamo nizala. Bakwiza pakuba bantu abakughuniwa naba koghofya.

Yelemiya 44:22

Bo u Mwene akupotwa pakwilema pachifukwa icha mbombo zyinyu imbibi sona ni vintu ivinyazu vivyo mukabombagha, ichisu chinyu chikaghuniwa nukuba chisami, chicho abantu batakwikalamo nabamobamo, ngati mumo chibeleye ilelo.

Yelemiya 44:6

Polelo, ubukali bwane ubwakoghofya bukaka ngati moto uwa muvuno pa twaya utukulu utwa Yuda sona napa misebo iya mu Yelusalemu. Utwaya tula tukaba visami ngati mumo tubeleye ilelo.”

Yelemiya 44:8

Nkimba choni chicho mukunkalalizya ni mbombo zyinyu izya kubiputa abachala abanji sona mukubika ivyakwiyipa vyinyu ku bachala aba mukaya aka Ijiputi mumo mukwikala? Nkimba mukubomba zinizi ukuti mwinangannye mwebene, umwakuti inko izya muchisu ichapasi zibapele pakuba bantu abakusekiwa sona naba kughuniwa?

Yelemiya 6:11

Loli nizuye nu bukali ubwa Mwene, nalita pakwilema. U Mwene akuti, “Pungulila ubukali bunubu pa bana aba mumisebo napa balumendo babo babunganite poka, bosi umulume nu muchi wache bakwiza pakulemiwa mumo, abasongo na baghosi bulo.

Yelemiya 7:20

U Mwene Uwamaka Ghosi akunena akuti, “Ukukalala kwane nu bukali bwane vikwiza pakupunguliwa pabuzilo bunubu, pa muntu napa chinyamana, pa makwi agha munkolongo napa seke izya mumughunda, sona bukwiza pakwaka ngati moto ghugho ghutakuzima.”

Nkuto 2:4

Awesa ubwele bwache ngati po mulwani, sona inyobe yache indilo yiyanizye kale. Ngati mulwani abaghogha bosi babo bakamuhobosya mumaso ghache. Abapungulila ubukali bwache ngati gho moto abakolo bosi aba mu Yelusalemu.

Nkuto 2:6

Ayimongolannya Inyumba yache pakuba ngati cho chisakasa icha mumughunda, sona abunangannya ubuzilo bwache ubwakukomanilako. U Mwene amupela u Yelusalemu pakughaluvya amasiku ghache agha lusekelo sona nu lusekelo ulwa Isiku Ilyakutuzya, mubukalale bwache akabasamula abamwene poka na baputi.

Nkuto 4:11

U Mwene akakalala nkani, po akapungula ubukali bwache ubwakwaka. Akakozya umoto mu Yelusalemu ghugho ghukalungulizya ulwalo lwache.

Ezekiyeli 20:34

Nkwiza pakubefyamo mu inko nukubabungannya ukufuma muvyisu vivyo mukanyampanilako pakulanjizya amaka ghane nubukali bwane.

Ezekiyeli 22:22

Ngati mumo u siliva akusungunukila mu muvuno, po namwe bulo mukwiza pakusungunukila mulamula, sona mukwiza pakumanya ukuti ane ne Mwene napungulila ubukali bwane papinyu.’ ”

Daniyeli 9:11

Aba Izilayeli bananga Indaghilo zyako, bazipa inkonto sona bakana pakukwivwila. “Polelo inguno ni chilapo ni Ndaghilo visimbiwe mu Lulaghilo ulwa Mozesi umubombi uwa Chala vyapunguliliwa papitu, pachifukwa ichakuti twakunangila.

Daniyeli 9:27

Umulaghili yula akwiza pakufingana na bantu abinji nkani ukwa maka seveni, loli uhafu uwamasiku ghanagha akwiza pakukanizya ivyakwiyipa ni vyabupi. Akwiza pakubika ichintu icha mwiko mu Nyumba iya Chala, chikwiza pakubanga mulamula. Chinichi chikwiza pakubangako mupaka umuntu yuyo akabomba zinizi afundiwe nukunanganika, kuko u Chala amuyanizizizye.”

Hoseya 7:16

Batakunyokela ku Uwakumwanya Nkani, bali ngati bwele bubo bupyokite. Abalongozi babo bakwiza pakughoghiwa nupanga, pachifukwa ichakuti bakutamanta. Po bunubu bakwiza pakusamuliwa muchisu icha Ijiputi.

Nahumu 1:6

Nkimba wewenu yuyo angimilila bo akalaye? Nkimba wewenu yuyo angajimba ubukali bwache ubwakoghofya? Ubukali bwache bukwaka ngati moto, sona ilyalabwe likulepunkana pamaso papache.

Zekaliya 8:13

Mwee ba Yuda naba Izilayeli, ukuyana namumo mukabela mwe nguno pakasi pa inko, po nkwiza pakubapoka sona mukwiza pakuba mwe lusayo. Mutakanyilaye, loli mubanje na maka.”

Ukubelengiwa 5:27

Nanti umukolo yula inyazizyepo mwene pakumwenda pasi umulume wache, sona bo ang'wela amizi agha nguno ghala, ghakwiza pakwinjila mulwanda lwache nukumupelela ububavu nkani. Ulwanda lwache lukwiza pakwizula, sona impapo yache yikwiza pakwighalila, po umukolo yula akwiza pakuba mughuniwa pakasi pabantu bache.

Ubuvumbuli 14:10

wepe akwiza pakung'wela uvinyo uwabukali ubwa Chala. Uvinyo yuyo ate mongannye nachimochimo. Akwiza pakuyiviwa numoto, sona nu sulufule pamaso pa bantumi abazelu aba Chala, na pamaso pa Mwana uwa ng'ozi.