Yelemiya 42:11 - IBAYIBOLO 2024

¹¹ Mutakamunyilaye u mwene uwa ku Babiloni, yuyo mukumunyila. Mutakamunyilaye pakuti indinamwe sona nkwiza pakubapoka munyobe zyache.

Yelemiya 42:11 Iomraidhean Croise

2 Abamwene 25:26

Pakabalilo kalakala aba Izilayeli bosi, abakabi, na bapina, poka na abasilikali abasongo, bakanyamuka nukubuka ku Ijiputi, pachifukwa ichakuti bakabanyilagha aba Babiloni.

Masalimo 118:6

U Mwene ali nane, po ntakwiza pakunyila. Nkimba umuntu angabomba choni nane?

Masalimo 46:11

U Mwene Uwamaka Ghosi ali naswe, sona u Chala uwa Yakobo we lilinga lyitu.

Masalimo 46:7

U Mwene Uwamaka Ghosi ali naswe, sona u Chala uwa Yakobo we lilinga lyitu.

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Yesaya 43:2

Bo ukuloboka pamizi, nkwiza pakuba nawe, sona bo ukuloboka isoko, zitakwiza pakukudwibizya. Bo ukwenda pamoto, utakwiza pakupya, ghutakwiza pakukulungulizya, indimi izya moto zitakwiza pakubazimizya.

Yesaya 43:5

Utakanyilaye, pakuti indi nawe poka, nkwiza pakukwizila nabana bako, ukufumila kubufumilo bwizuba, nukubabungannya amwe kubwinjililo bwizuba.

Yelemiya 1:19

Bakwiza pakulwa nawe, loli batakwiza pa kukupota, pakuti ane indi nawe, sona nkwiza pakukupoka. Ane ne Mwene nanena.”

Yelemiya 1:8

Utakabanyilaye, pakuti indi nawe sona nkwiza pakukupoka. Ane ne Mwene nanena!”

Yelemiya 15:20

Nkwiza pakukupela awe pakuba we lubumba ulwa bantu aba, ilinga ilya mukuba. Bakwiza pakulwa nawe, loli batakwiza pakukupota, pakuti ane indi nawe pakukwavwa nukukupoka. Ane ne Mwene nanena.

Yelemiya 27:11

“ ‘Loli uluko losi lulo lukwiza pakumulambila u mwene uwa muchisu icha Babiloni nukumubombela, nkwiza pakululeka ukuti lusyale muchisu chache umwakuti lulimaye mulamula. Ane ne Mwene nanena.’ ”

Yelemiya 27:12

Nkamubuzya sona amazyu ghanagha u Zedekiya u mwene uwa chisu icha Yuda. Nkati, “Umulambilaye u mwene uwamu Babiloni, umubombelaye yuyo na bantu bache, po ukwiza pakupona.

Yelemiya 27:17

Mutakabivwilaye. Mumubombelaye u mwene uwamu Babiloni po mukwiza pakuba nubumi. Nkimba choni chicho akaya akakulu nkani aka kabanje chisami?

Yelemiya 41:18

Bakabanyilagha abasilikali aba ku Babiloni, pachifukwa ichakuti u Ishimayeli umwana uwa Netaniya akamughogha u Gedaliya umwana uwa Ahikamu, yuyo akasaliwa nu mwene uwa ku Babiloni pakuba mulaghili uwa chisu.

Ukubelengiwa 14:9

Mutakamusambukilaye u Mwene, sona mutakabanyilaye abantu aba muchisu chilachila, pakuti tukwiza pakubanangannya. Abene bate na maka sona, loli aswe u Mwene ali naswe, po mutakabanyilaye.”

Matayi 10:28

Mutakabanyilaye abantu babo bakughogha umubili, loli batangaghogha umuzimu. Nkaninkani mumunyile u Chala yuyo anganangannya vyosi umubili nu muzimu mu Gehena.

Matayi 28:20

Mubamanyisyanje ukwivwila vyosi vivyo nabalamula, sona nkwiza pakuba namwe akabalilo kosi mupaka kubumalilo ubwa chisu ichapasi.”

Imbombo 18:10

pakuti ane indi nawe. Nayumo umuntu yuyo akwiza pakukupalamasya pakuti abinji babo bali mukaya akakulu nkani aka bantu bane.”

Aba Loma 8:31

Muvyosi vinivi, po nkimba tungati choni? Nanti u Chala ali kulubazu lwitu, wewenu angatususya?

Ukukumbusya Amalamulo 20:4

Pakuti u Mwene u Chala winyu yuyo akubuka namwe, akwiza pakubalwila ubwite nukubapa ubupoti.”

2 Timoti 4:17

Loli u Mwene akaba kulubazu lwane nukumpa amaka, umwakuti nkalumbilila Amazyu umwakufikapo ukuti abantu babo bate ba Yuda bivwe. Pakubomba bunubu nkapona ku mulomo uwa nkalamu.

Yoshwa 1:5

Atalipo nayumoyumo yuyo akwiza pakukupota mubumi bwako bosi. Ane nkwiza pakuba nawe akabalilo kosi ukuyana namumo nkabela nu Mozesi. Ntakwiza pakukukana nalumo pamo pakukuleka wemwene.

Yoshwa 1:9

Ukumbuke ukuti nkakulamula ukuti ubanje nulweke, sona ujimbaye nkani. Utakanyilaye pamo ukuwa amaka, pakuti ane ne Mwene u Chala wako, nkwiza pakuba nawe kosi kuko ukubuka.”