Yelemiya 42:10 - IBAYIBOLO 2024

¹⁰ Nanti mukwikala muchisu chinichi, ntakwiza pakubanyampannya awe, loli nkwiza pakubazenga, ntakwiza pakubanyunkulannya awe, loli nkwiza pakubabyala, pakuti nanyokako kuchintu ichibibi chicho nkababombela.

Yelemiya 42:10 Iomraidhean Croise

2 Samuweli 24:16

Bo uwantumi agholosezya inyobe yache ukuti akanangannye akaya akakulu nkani aka Yelusalemu, u Mwene akaba ni chitima pachifukwa icha chiwaya chila, po akamubuzya uwantumi yuyo akabafundagha abantu akati, “Leka! Nyosya inyobe yako.” Pakabalilo kanako uwantumi uwa Mwene yula akaba pabuzilo ubwakukomelapo inyinulo ubwa Alawuna umu Yebusi.

Masalimo 102:16

Pakuti u Mwene akwiza pakukazenga sona akaya akakulu nkani aka Ziyoni, sona akwiza pakuboneka mubuchindamu bwache.

Masalimo 106:45

Pachifukwa icha bantu bache, akalukumbuka ulufingo lwache, umwakuti akisya ubukali bwache pachifukwa icha lughano lwache ulukulu nkani.

Masalimo 37:3

Umusubilaye u Mwene, nukubomba inyiza, ikala muchisu nukwilagha ubumi ubwiza.

Masalimo 69:35

Pakuti u Chala akwiza pakumupoka u Ziyoni, akwiza pakutuzenga sona utwaya utukulu nkani utwa mu Yuda. Po abantu bakwiza pakusamilamo nukwikala mulamula.

Ukufuma 32:14

Po u Mwene akatonta umoyo, sona atakabanangannya abantu bache ukuyana namumo akabatikila.

Yelemiya 24:6

Nkwiza pakubasungilila nukubabombela inyiza, sona nkwiza pakubanyosezya kuchisu chabo. Nkwiza pakubazenga sona ntakwiza pakubamongolannya. Nkwiza pakubabyala sona ntakwiza pakubanyunkulannya.

Yelemiya 26:19

“Nkimba u Hezekiya u mwene uwa chisu icha Yuda na bantu bosi bakamughogha u Mika? Nkimba u Hezekiya atakamunyila u Mwene nukulaba uluhobokelo? Nkimba u Mwene atakabahobokela, umwakuti atakabapa ulufundo lulo akati akwiza pakubafunda nalo? Loli aswe twebene tuli papipi pakwisendela intamyo impalapala nkani!”

Yelemiya 27:11

“ ‘Loli uluko losi lulo lukwiza pakumulambila u mwene uwa muchisu icha Babiloni nukumubombela, nkwiza pakululeka ukuti lusyale muchisu chache umwakuti lulimaye mulamula. Ane ne Mwene nanena.’ ”

Yelemiya 31:28

Ngati mumo nkabenelezyanga pakubanyunkulannya nukubazepulannya nukubapota nukubanangannya nukubawisizya intamyo, momumo nkwiza pakubenelezya pakuzenga nukubyala.

Yelemiya 33:7

Nkwiza pakubanyosezya sona ubwiza bwabo abantu aba ku Yuda naba ku Izilayeli sona nkwiza pakutuzenga utwaya tunutu ukuti tubanje ngati mumo tukabela kale.

Yelemiya 43:4

Po u Yohanani umwana uwa Kaleya sona na balongozi bosi aba basilikali na bantu bosi bakakana pakukonka ilamulo ilya Mwene ilyakuti bikalaye muchisu icha Yuda.

Ezekiyeli 36:36

Po inko zizyo zisyeteko umwakubazyungulila zikwiza pakumanya ukuti ane ne Mwene nazenga vivyo vikananganika nukubyalamo sona muchisu chicho chikaba chisami. U Mwene anena sona nkwiza pakuzibomba.’

Hoseya 11:8

Wee, Izilayeli ningakuluvya bulibuli? Nkimba ningakupa bulibuli u Efulayimu? Nukukuleka we Izilayeli nkimba ningakupa bulibuli ngati we Adima? Nukukubombela ngati we Zeboyimu? U moyo wane wanduka, sona chope ichililizi chandema nkani.

Yoweli 2:13

Zepula amoyo ghinyu, mutakazepulaye inkazo zyinyu. Nyokela kwa Mwene u Chala winyu, pakuti wachisa sona wachililizi. Akuzyela pakukalala, akuzibomba zizyo alayizya, akubahobokela imbibi abantu, sona atakulonda pakubafunda.

Amosi 7:3

Po u Mwene akabwisya ubukali bwache nukuti, “Zinizi zitakwiza pakubombiwa.”

Amosi 7:6

Po u Mwene akabwisya ubukali bwache nukuti, “Zinizi zitakwiza pakubombiwa sona.” U Mwene Uwamaka Ghosi anena.

Yona 3:10

Bo u Chala ennya ukuti abantu bala bayileka inkalo yabo imbibi, akabapelela ichisa. Po atakabafunda nu lufundo ukuyana namumo akalondelagha.

Yona 3:4

U Yona akenda ubulendo ubwa isiku lyoka nukufika mukaya kala. Akanda pakulumbilila ukuti, “Bo ghachilapo amasiku 40, u Ninive akwiza pakumongoliwa!”

Yona 4:2

Po akiputa kwa Mwene akati, “Wee Mwene izi zyo zizyo nkanenagha bo inchili indikukwitu. Ichi cho chifukwa nkachimbilila lubilolubilo kuchisu icha Talishishi. Nkazimanya ukuti we Chala uwa lughano sona uwachisa, nukuti akabalilo kosi we mufisalyoyo nu wachililizi sona wiyanizye pakuhobokela imbibi akabalilo kosi.

Imbombo 15:16

‘U Mwene akati: Pisinda pazinizi nkwiza pakunyokela nukunyosezyamo, ubumwene ubwa Devedi, bubo bukawa. Nkwiza pakuzenga sona ichisami chache nukuchiyannya pakuba sona chamaka nkani.

Ukukumbusya Amalamulo 32:36

U Mwene akwiza pakubalonga abantu bache. Akwiza pakubapelela ichisa ababombi bache bo ennya ukuti amaka ghabo ghamala, sona nukuti atalipo nayumoyumo umuntu uwakusyala, manyi muzya, pamo musatuke.

Abalongi 2:18

Akabalilo kosi nanti u Mwene akubimikila umulongozi, u Mwene akaba nawe nukubapoka munyobe izya balwani babo, bo umulongozi yula mumi. U Mwene akaba nabo ni chililizi, bo bakukoloma pachifukwa icha bantu babo bakabavwimagha nukubayivya.