Yelemiya 42:1 - IBAYIBOLO 2024

¹ Po bosi abalongozi aba basilikali, poka nu Yohanani umwana uwa Kaleya nu Yezaniya umwana uwa Hoshaya, sona na bantu bosi ukwandila ku banandi mupaka ku basongo bakamufika umulaghuzi u Yelemiya,

Yelemiya 42:1 Iomraidhean Croise

2 Abamwene 25:23

Bo abasilikali abasongo bosi, na bantu babo bivwa ukuti u mwene uwamu Babiloni akamusala u Gedaliya pakuba mulaghili, bakiza kwa Gedaliya yuyo akaba mu Mizipa nu Ishimayeli umwana uwa Netaniya nu Yohanani umwana uwa Kaleya nu Selaya umwana uwa Tanihumeti umu Netofa nu Yazaniya umwana uwa Maaka, sona na bantu babo.

Yesaya 29:13

U Mwene akuti, “Abantu banaba bakupalamila kukwane namalomo ghabo, nukunchindika ane nimilomo yabo, loli amoyo ghabo ghali kubutali nkani nane. Ukunchindika kwabo kwa ndaghilo, zizyo bamanyisiwe na bantu.

Yesaya 48:1

“Wee nyumba iya Yakobo, teghelezya ichi, wewe ukwitiziwa ni tabwa ilya Izilayeli, wafuma muluko ulwa Yuda, amwe mukulapa ichilapo mwitabwa ilya Mwene, sona mutakumwiputa u Chala uwa Izilayeli, mubwanaloli na mubugholosu,

Yelemiya 37:3

U mwene u Zedekiya, akamutuma u Yehukala u mwana uwa Shelemiya poka nu muputi u Zefaniya umwana uwa Maseya kwa Yelemiya umulaghuzi na mazyu aghakuti, “Twapela, mutwiputile kwa Mwene u Chala witu.”

Yelemiya 40:13

U Yohanani umwana uwa Kaleya sona na balongozi bosi aba basilikali babo bakavwamagha mwikombe bakabuka kwa Gedaliya ku Mizipa,

Yelemiya 40:8

Babo bakabuka kwa Gedaliya ku Mizipa bo aba: U Ishimayeli umwana uwa Netaniya nu Yohanani nu Yonatani abana aba Kaleya nu Selaya umwana uwa Tanihumeti na bana aba Efayi umwana uwa Netofa nu Yezaniya umwana uwa Maaka sona na bantu babo.

Yelemiya 41:11

Bo u Yohanani umwana uwa Kaleya sona na balongozi bosi aba basilikali babo bakaba poka nawe bivwa nizya bubibi bubo u Ishimayeli umwana uwa Netaniya akabomba,

Yelemiya 41:16

Po u Yohanani umwana uwa Kaleya poka na balongozi bosi aba basilikali babo bakaba poka nawe bakabasenda abantu bosi babo bakasyalikila ku Mizipa babo u Ishimayeli umwana uwa Netaniya akabasenda pakuba bazya, bo amughogha u Gedaliya umwana uwa Ahikamu. Babo akabasenda bakaba bo aba: Abasilikali na bakolo na bana sona na makambala agha munyumba iya mwene, babo u Yohanani akiza nabo ukufumila ku Gibeyoni.

Yelemiya 41:18

Bakabanyilagha abasilikali aba ku Babiloni, pachifukwa ichakuti u Ishimayeli umwana uwa Netaniya akamughogha u Gedaliya umwana uwa Ahikamu, yuyo akasaliwa nu mwene uwa ku Babiloni pakuba mulaghili uwa chisu.

Yelemiya 42:20

ukuti mukananga nkani bo mukuntuma kwa Mwene u Chala winyu nukunena ukuti, ‘Utwiputileko kwa Mwene u Chala witu, utubuzye chosi chicho akunena, po tukwiza pakuchibomba.’

Yelemiya 42:8

Po akamwitizya u Yohanani umwana uwa Kaleya poka na balongozi aba basilikali babo bakaba poka nawe sona na bantu bosi ukwandila ku banandi mupaka ku basongo.

Yelemiya 43:2

u Azaliya umwana uwa Hoshaya nu Yohanani umwana uwa Kaleya sona na banavuli bosi abamadinko bakamubuzya u Yelemiya bakati, “We mumyasi! U Mwene u Chala witu atakutumite pakutubuzya ukuti, ‘Mutakabukayeko ku Ijiputi pakwikala kulakula.’

Yelemiya 44:12

Nkwiza pakubasenda abantu bosi abakusyalako aba mu Yuda, babo bakabikapo u moyo pakwikala mu Ijiputi. Bosi bakwiza pakumalila mu Ijiputi, bakwiza pakughoghiwa kubwite, pamo nizala. Ukwandila ku banandi mupaka ku basongo, bakwiza pakughoghiwa kubwite pamo nizala. Bakwiza pakuba bantu abakughuniwa naba koghofya.

Yelemiya 6:13

“Pachifukwa ichakuti ukwandila ku bana mupaka ku basongo bosi banaba bakunyonywa ukukabila ichuma muzila izya buzimbuli. Abalaghuzi na baputi bulo bosi bazimbuli.

Yelemiya 8:10

Polelo nkwiza pakubalemeka abachi babo abanavuli abanji sona amaghunda ghabo ku bantu abanji. Pachifukwa ichakuti ukwandila ku bana mupaka ku basongo bosi banaba bakunyonywa ukukabila ichuma muzila izya buzimbuli. Abalaghuzi na baputi bulo bosi bazimbuli.

Ezekiyeli 11:1

Po Umuzimu uwa Chala akanyamulila mumwanya nukumbika pamulyango uwa Nyumba iya Mwene yiyo yenizye kubufumilo bwizuba. Pabwinjililo ubwa mulyango pala, pakaba abantu 25, pakasi papabo nkennya u Yazaniya umwana uwa Azuli nu Pelatiya umwana uwa Benaya, babo bakaba balongozi aba bantu.

Ezekiyeli 33:31

Abantu bane bakwiza kukwako ngati mumo bakubombelagha bwila, nukwikala pantazi papako pakuteghelezya amazyu ghako, loli batakughabombezya imbombo. Namalomo ghabo bakunena amazyu agha lughano, loli abene bakulonda ko kukaba bulo.

Ezekiyeli 8:11

Pantazi papabo pakimilila abasongo 70 aba Izilayeli nu Yazaniya umwana uwa Shafani, yuyo akimilila pakasi papabo. Umuntu wesi akaba nicha kochelapo utwakununkila munyobe yache, ilyosi ilya vyakununkila likakwela mumwanya.

Matayi 15:8

‘Abantu banaba bakunchindika nu mulomo wene, loli amoyo ghabo ghali kubutali nkani nane.

Imbombo 8:10

Abantu bosi mulamula, abanandi na basongo, bakamuteghelezya nkani. Bakanena bakati, “Umuntu uyu we maka agha Chala ghagho bakughitizya ukuti, ‘Maka Amakulu.’ ”