Yelemiya 41:2 - IBAYIBOLO 2024

² u Ishimayeli umwana uwa Netaniya sona na banavuli 10 babo bakaba nawe bakawesa upanga wabo nukumughogha u Gedaliya umwana uwa Ahikamu, umwana uwa Shafani, nukumughogha nupanga umuntu yuyo u mwene uwa ku Babiloni akamusala pakuba we mulaghili uwa chisu.

Yelemiya 41:2 Iomraidhean Croise

2 Samuweli 3:27

Bo u Abinala anyokela ku Hebuloni, u Yowabu akamusendela papipi nu mulyango uwa kaya kala ngati po akulonda pakunenezannya nawe kubusyefu. Po kulakula akamughogha ukutanizya ubufwe ubwa wamwabo u Asaheli. U Yowabu akamulasa palwanda, po akafwa.

2 Abamwene 25:25

Loli mumwezi uwaseveni, u Ishimayeli umwana uwa Netaniya, umwana uwa Elishama yuyo akaba uwa kunyumba iya bumwene, akiza poka na bantu 10 pakulwa ubwite nu Gedaliya nukumughogha. Akabaghogha sona aba Yuda na bantu aba mu Babiloni babo bakaba poka nawe pa Mizipa.

Masalimo 109:5

Bakuntanizya ichintu ichibibi pachintu ichiza, bo nkubaghana, abene bakumbenga.

Masalimo 41:9

Wepe nu mumanyani wane bulo uwa pamoyo, yuyo nkulya poka nawe ichibama, ansambukiye.

Yelemiya 40:14

bakamulalusya bakati, “Nkimba uzimenye ukuti u Baalisi u mwene uwa aba Amoni amutumite u Ishimayeli umwana uwa Netaniya ukuti ize akughoghe?” Loli u Gedaliya umwana uwa Ahikamu atakabasubila.

Yelemiya 40:16

Loli u Gedaliya umwana uwa Ahikamu akamwamula u Yohanani umwana uwa Kaleya akati, “Utakabombe zinizi! Pakuti ukumutamantila bulo u Ishimayeli.”

Yelemiya 40:5

Bo u Yelemiya atakwamula, u Nebuzaladani akamubuzya akati, “Nyokela kwa Gedaliya umwana uwa Ahikamu, umwana uwa Shafani, yuyo u mwene uwamu Babiloni amusala pakuba mulongozi uwa twaya utukulu utwa Yuda, nukwikala nawe pakasi pabantu pamo bukagha kosi kuko ungighana.” Po umulongozi akamupa ichakulya ni chabupi nukumubuzya ukuti abukaye.

Yelemiya 40:7

Bakabapo bamo abalongozi na basilikali aba Chiyuda babo batakiyipa bene. Bakivwa ukuti u mwene uwamu Babiloni akamwimika u Gedaliya umwana uwa Ahikamu pakuba mulongozi uwa chisu nukuti abenelezyanje abanavuli na bakolo sona na bana babo bakaba bapina nkani muchisu chila sona babo batakalemiwa pakuba bazya ku Babiloni.

Yelemiya 40:8

Babo bakabuka kwa Gedaliya ku Mizipa bo aba: U Ishimayeli umwana uwa Netaniya nu Yohanani nu Yonatani abana aba Kaleya nu Selaya umwana uwa Tanihumeti na bana aba Efayi umwana uwa Netofa nu Yezaniya umwana uwa Maaka sona na bantu babo.

Yelemiya 41:3

U Ishimayeli akabaghogha aba Yuda bosi babo bakaba poka nu Gedaliya ku Mizipa na basilikali aba ku Babiloni.

Yohani 13:18

“Intakubanena mwebosi; ane imbamenye babo nabasala. Loli Amasimbo ghakwanilisiwe ghagho ghakuti, ‘Umuntu yuyo nkulya poka nawe ichibama, ansambukiye.’