Yelemiya 41:10 - IBAYIBOLO 2024

¹⁰ U Ishimayeli akabalema abantu bosi babo bakasyalikila ku Mizipa: Abana abalindu abamwene poka na bosi babo bakasyalikila kulakula. U Nebuzaladani umulongozi uwa balindilili akabasalila u Gedaliya umwana uwa Ahikamu. U Ishimayeli umwana uwa Netaniya akabasenda pakuba bazya, akaloboka pakubuka kuchisu icha bantu abaluko ulwa Amoni.

Yelemiya 41:10 Iomraidhean Croise

Nehemiya 2:10

Loli bo u Sanibalati uwamu Holoni nu Tobiya umu Amoni bivwa zinizi, batakahoboka pakwennya ukuti umuntu yumo izite pakubabombela aba Izilayeli ivintu ivyiza.

Nehemiya 2:19

Loli bo u Sanibalati uwamu Holoni nu Tobiya umu Amoni, sona nu Geshemu umu Alabu bivwa zinizi, bakatuseka nukutobezya ukuti, “Nkimba mukubomba ichoni? Nkimba mumusambukiye u mwene?”

Yelemiya 22:30

U Mwene akuti, “Mumusimbe umuntu uwa bunubu ngati mughumba, umuntu yuyo atangendelela mubumi bwache pakuti atalipo nayumoyumo uwa luko lwache, yuyo akwiza pakupyanapo ubumwene ubwa Devedi, pamo pakulaghila sona mu Yuda.”

Yelemiya 38:23

“Abachi binyu bosi sona na bana binyu bosi bakwiza pakubikiwa munyobe izya bantu aba ku Babiloni. Sona nawe bulo utakwiza pakupotwa pakuwa munyobe zyabo loli ukwiza pakulemiwa nu mwene uwa ku Babiloni, sona akaya akakulu nkani aka kakwiza pakochiwa.”

Yelemiya 39:6

U mwene uwa ku Babiloni akabaghogha abana abalumendo aba Zedekiya pa Libila bo u wise akwennya na maso ghache. Akabaghogha sona amakambala ghosi agha mu Yuda.

Yelemiya 40:14

bakamulalusya bakati, “Nkimba uzimenye ukuti u Baalisi u mwene uwa aba Amoni amutumite u Ishimayeli umwana uwa Netaniya ukuti ize akughoghe?” Loli u Gedaliya umwana uwa Ahikamu atakabasubila.

Yelemiya 40:7

Bakabapo bamo abalongozi na basilikali aba Chiyuda babo batakiyipa bene. Bakivwa ukuti u mwene uwamu Babiloni akamwimika u Gedaliya umwana uwa Ahikamu pakuba mulongozi uwa chisu nukuti abenelezyanje abanavuli na bakolo sona na bana babo bakaba bapina nkani muchisu chila sona babo batakalemiwa pakuba bazya ku Babiloni.