Yelemiya 40:7 - IBAYIBOLO 2024

⁷ Bakabapo bamo abalongozi na basilikali aba Chiyuda babo batakiyipa bene. Bakivwa ukuti u mwene uwamu Babiloni akamwimika u Gedaliya umwana uwa Ahikamu pakuba mulongozi uwa chisu nukuti abenelezyanje abanavuli na bakolo sona na bana babo bakaba bapina nkani muchisu chila sona babo batakalemiwa pakuba bazya ku Babiloni.

Yelemiya 40:7 Iomraidhean Croise

2 Abamwene 25:12

Loli usongo uwa balindilili yula akabaleka abantu bamo abapina nkani kwisinda muchisu chila, ukuti balimaye mumaghunda agha mampesya sona na maghunda aghanji.

2 Abamwene 25:4

Ilinga ilya kaya akakulu nkani kala likamongoliwa. Napapo abantu aba mu Babiloni bakakazyungulila akaya akakulu nkani kala, abasilikali bosi bakachimbila pabusiku. Bakafumila ku mulyango uwa pakasi pavibumba vibili, papipi nu mughunda uwa mwene, bakachimbilila kwikombe ilya Alaba,

Yelemiya 39:10

Loli u Nebuzaladani usongo uwa balindilili, akabaleka kwisinda bamo babo bakaba bapina nkani sona na bantu babo batakaba na kantu nakamokamo muchisu icha Yuda, sona akabapa amaghunda agha mampesya ni mighunda iyinji.

Yelemiya 39:14

bakabatuma abantu pakumusenda u Yelemiya munyumba iyakusungilamo abakayidi nukumubika kwa Gedaliya umwana uwa Ahikamu, umwana uwa Shafani ukuti amusatule nukumutuma kukwabo. Po u Yelemiya akikala pakasi pabantu abache na bache.

Yelemiya 39:4

Bo u Zedekiya u mwene uwamu Yuda na basilikali bosi babennya bakachimbila, bakepamo mukaya pabusiku ukwendela pa mulyango uwa pakasi pavibumba vibili, papipi nu mughunda uwa mwene, bakachimbilila kwikombe ilya Alaba.

Yelemiya 39:9

U Nebuzaladani umulongozi uwa balindilili akabasendela kubuzya ku Babiloni abantu babo bakasyalikila mukaya akakulu nkani, poka na bantu babo bakachimbilila kukwache, sona na bantu abanji.

Yelemiya 41:1

Mumwezi uwaseveni uwa mwaka ghulaghula, u Ishimayeli umwana uwa Netaniya, umwana uwa Elishama, uwa luko ulwa bumwene sona yuyo akaba wabamo abasongo abamwene, akiza na bantu 10 kwa Gedaliya umwana uwa Ahikamu pa Mizipa. Bo bakulya poka palapala,

Yelemiya 41:10

U Ishimayeli akabalema abantu bosi babo bakasyalikila ku Mizipa: Abana abalindu abamwene poka na bosi babo bakasyalikila kulakula. U Nebuzaladani umulongozi uwa balindilili akabasalila u Gedaliya umwana uwa Ahikamu. U Ishimayeli umwana uwa Netaniya akabasenda pakuba bazya, akaloboka pakubuka kuchisu icha bantu abaluko ulwa Amoni.

Yelemiya 41:11

Bo u Yohanani umwana uwa Kaleya sona na balongozi bosi aba basilikali babo bakaba poka nawe bivwa nizya bubibi bubo u Ishimayeli umwana uwa Netaniya akabomba,

Yelemiya 43:6

Abantu banaba bakaba bo aba: Abanavuli bosi na bakolo bosi na bana bosi sona na bana abalindu abamwene babo u Nebuzaladani umulongozi usongo uwa balindilili akabaleka nu Gedaliya umwana uwa Ahikamu, umwana uwa Shafani. Bakamusenda sona u mulaghuzi u Yelemiya nu Baluki umwana uwa Neliya.

Yelemiya 52:16

Loli u Nebuzaladani akabaleka abantu bamo abapina nkani kwisinda muchisu chila, ukuti balimaye mumaghunda agha mampesya sona na maghunda aghanji.

Ezekiyeli 45:16

Abantu bosi aba muchisu bakwiza pakubika ivyabupi ivipaghuliwa kwa mwene uwamu Izilayeli.