Yelemiya 40:5 - IBAYIBOLO 2024

⁵ Bo u Yelemiya atakwamula, u Nebuzaladani akamubuzya akati, “Nyokela kwa Gedaliya umwana uwa Ahikamu, umwana uwa Shafani, yuyo u mwene uwamu Babiloni amusala pakuba mulongozi uwa twaya utukulu utwa Yuda, nukwikala nawe pakasi pabantu pamo bukagha kosi kuko ungighana.” Po umulongozi akamupa ichakulya ni chabupi nukumubuzya ukuti abukaye.

Yelemiya 40:5 Iomraidhean Croise

2 Abamwene 22:12

Po akamulamula umuputi u Hilikiya nu Ahikamu umwana uwa Shafani nu Akiboli umwana uwa Mikaya nu Shafani umusimbi, sona nu Asaya uwambombo uwa mwene akati,

2 Abamwene 22:14

Umuputi u Hilikiya yula nu Ahikamu nu Akiboli nu Shafani, sona nu Asaya bakabuka kwa mulaghuzi umukolo u Hulida, umuchi uwa Shalumu umwana uwa Tikiva, umwizukulu uwa Halihasi, yuyo akaba musungi uwa menda. U Hulida yula akikalagha mu Yelusalemu muchigaba ichabubili.

2 Imbili 34:20

Po akamulamula u Hilikiya nu Ahikamu umwana uwa Shafani nu Abidoni umwana uwa Mika nu Shafani umusimbi sona nu Asaya uwambombo uwa mwene akati,

Ezila 7:27

Apaliwanje u Mwene, u Chala uwa banyenya bitu, yuyo abikite inyinong'ono zinizi mumoyo uwa mwene ukuti ayichindikaye Inyumba yache mu Yelusalemu

Ezila 7:6

U Ezila yunuyu akanda ubulendo bwache mu Babiloni sona akaba mumanyisi pakuti akamanya nkani Indaghilo izya Mozesi, zizyo u Mwene u Chala uwa Izilayeli akamupa. U mwene akamupa ivintu vyosi vivyo akavilondagha, pakuti u Mwene u Chala wache akaba nawe.

Nehemiya 1:11

Wee Mwene ivwa ulwiputo lwane ne mubombi wako sona nulwa babombi bako, babo bakulichindika itabwa lyako. Itikizya ukuti ivintu vinyendelaye akiza ne mubombi wako pakumpelela ichisa pamaso pa mwene.” Pakabalilo kalakala nkaba ne wakumupa uvinyo u mwene.

Yobu 22:29

Pakuti u Chala akubisya abakwituvya loli akubapoka abakwiyisya.

Ivyili 16:7

Nanti inkalo iya muntu yikumuhobosya u Mwene, bope abalwani bache bakuba nawe mumutende.

Ivyili 21:1

Umoyo uwa mwene ghuli munyobe izya Mwene, akughulongozezya kosi kuko ghukulonda ngati mizi agha mulusoko.

Yelemiya 15:11

U Mwene akamula akati, “Naloliloli nkwiza pakukupoka umwakuti ube akiza, momumo abalwani bako bakwiza pakukulaba pakabalilo akantamyo naka vitima.

Yelemiya 26:24

Loli u Yelemiya akapokiwa nu Ahikamu u mwana uwa Shafani, yuyo atakachitikizya ichilundilo ukuti chimughoghe u Yelemiya.

Yelemiya 39:14

bakabatuma abantu pakumusenda u Yelemiya munyumba iyakusungilamo abakayidi nukumubika kwa Gedaliya umwana uwa Ahikamu, umwana uwa Shafani ukuti amusatule nukumutuma kukwabo. Po u Yelemiya akikala pakasi pabantu abache na bache.

Yelemiya 40:4

Loli ilelo nkukusatula iminyololo yiyo bakupinyite munyobe zyako. Tubukaye ku Babiloni nanti wighanite, ane nkwiza pakukusungilila, loli nanti utakulonda, po utakizayeko. Ennya, ichisu chosi chili munyobe zyako, buka kosi kuko ungighana.”

Yelemiya 41:1

Mumwezi uwaseveni uwa mwaka ghulaghula, u Ishimayeli umwana uwa Netaniya, umwana uwa Elishama, uwa luko ulwa bumwene sona yuyo akaba wabamo abasongo abamwene, akiza na bantu 10 kwa Gedaliya umwana uwa Ahikamu pa Mizipa. Bo bakulya poka palapala,

Yelemiya 41:18

Bakabanyilagha abasilikali aba ku Babiloni, pachifukwa ichakuti u Ishimayeli umwana uwa Netaniya akamughogha u Gedaliya umwana uwa Ahikamu, yuyo akasaliwa nu mwene uwa ku Babiloni pakuba mulaghili uwa chisu.

Yelemiya 41:2

u Ishimayeli umwana uwa Netaniya sona na banavuli 10 babo bakaba nawe bakawesa upanga wabo nukumughogha u Gedaliya umwana uwa Ahikamu, umwana uwa Shafani, nukumughogha nupanga umuntu yuyo u mwene uwa ku Babiloni akamusala pakuba we mulaghili uwa chisu.

Imbombo 27:3

Indabi yache tukafika mu Sidoni. U Juliyasi akamupelela ichisa u Pabuli, po akamwitikizya ukuti abuke pakubennya abamanyani bache ukuti bamupe ivyakusobelwa vyache.

Imbombo 27:43

Usongo uwa basilikali yula akalondagha pakumupoka u Pabuli, po akabakanizya abasilikali pakubomba zinizi. Loli akabalamula babo bangasaba ukuti banyelele mumizi nukusaba pakubuka pisila.

Imbombo 28:10

Bakatupa ivyabupi ivyinji, sona bo twiyanizye pakunyamuka, bakakwezya ivintu vivyo tukasobelwanga pabulendo bwitu.

Aba Hebeli 13:6

Po zagha tunene nu bujivu ukuti, “U Mwene we mwavwilizi wane, po ntakwiza pakunyila. Nkimba umuntu angabomba choni nane?”