Yelemiya 40:11 - IBAYIBOLO 2024

¹¹ Umwakuyana bulo, bo aba Yuda aba ku Mowabu naba ku Amoni naba ku Edomu sona naba mutwaya tosi utunji bivwa ukuti u mwene uwa ku Babiloni akabaleka abantu bamo abakusyalako mu Yuda nukuti akamusala u Gedaliya umwana uwa Ahikamu umwana uwa Shafani pakuba mulaghili wabo,

Yelemiya 40:11 Iomraidhean Croise

Ubwandilo 36:8

Po u Esabu akikala muchisu icha maghamba icha Edomu.

Yesaya 11:14

Bakwiza pakubanyelela aba Filisiti kubwinjililo bwizuba, po bosi poka bakwiza pakubafyula ivintu abantu abakubufumilo bwizuba. Bakwiza pakubika inyobe zyabo paba Edomu nu Mowabu, aba Amoni bakwiza pakubalambila.

Yesaya 16:4

Mutuleke aswe twe tukuchimbiziwa twikalaye poka namwe, mubanje chakuponelamo chitu kuwa kunangannya witu.” Umuyivyi akwiza pakumala sona ukunanganika kukwiza pakuleka, uwakukanyankila akwiza pakuzyebeluka pachisu.

Yelemiya 24:9

Nkwiza pakubapela pakuba chintu ichakoghofya muvyisu vyosi ivya pasi, ichintu ichakusamuliwa, ichintu chicho chite nimbombo nayimoyimo, ichintu ichakusekiwa nicha kughuniwa kosi kuko nkubachimbizizyako.

Yelemiya 41:10

U Ishimayeli akabalema abantu bosi babo bakasyalikila ku Mizipa: Abana abalindu abamwene poka na bosi babo bakasyalikila kulakula. U Nebuzaladani umulongozi uwa balindilili akabasalila u Gedaliya umwana uwa Ahikamu. U Ishimayeli umwana uwa Netaniya akabasenda pakuba bazya, akaloboka pakubuka kuchisu icha bantu abaluko ulwa Amoni.

Yelemiya 43:5

Mubuzilo bwache, u Yohanani umwana uwa Kaleya sona na balongozi bosi aba basilikali bakabalongozezya bosi abakusyalako mu Yuda babo bakanyokela ukufumila mu inko zyosi zizyo bakazichimbizikizyako.

Yelemiya 43:6

Abantu banaba bakaba bo aba: Abanavuli bosi na bakolo bosi na bana bosi sona na bana abalindu abamwene babo u Nebuzaladani umulongozi usongo uwa balindilili akabaleka nu Gedaliya umwana uwa Ahikamu, umwana uwa Shafani. Bakamusenda sona u mulaghuzi u Yelemiya nu Baluki umwana uwa Neliya.

Yelemiya 9:26

Aba muchisu icha Ijiputi nu Yuda nu Edomu nu Amoni nu Mowabu sona na babo bakwikala munkolongo babo bakumwa isisi zyabo. Pakuti inko zyosi zinizi zitasilimuliwe sona bope aba Izilayeli batasilimuliwe mumoyo.”

Ezekiyeli 25:12

“U Mwene Uwamaka Ghosi akuti, ‘Abantu aba mu Edomu bali ninongwa pachifukwa icha ku batanizya abamunyumba iya Yuda,

Ezekiyeli 25:2

“Wee mwana uwa muntu, ennya icheni chako kuba Amoni ubalaghulile umwakubasusya.

Ezekiyeli 25:6

Pakuti u Mwene Uwamaka Ghosi akuti, “Pachifukwa ichakuti mwakoma inkufi zyinyu nukunyela umwalusekelo na moyo aghakuchisamula ichisu icha Izilayeli,

Ezekiyeli 25:8

“Po u Mwene Uwamaka Ghosi akuti, ‘Pachifukwa ichakuti aba Mowabu bakuti, “Abaluko ulwa Yuda bakuyana bulo ni vyisu ivya inko zyosi izinji,”

Ezekiyeli 34:6

Ing'ozi zyane zikendakendagha mumaghamba ghosi na mutumaghamba tosi ututali. Zikanyampana pachisu chosi ichapasi, sona atakabapo nayumo umuntu uwakuzilonda.

Ezekiyeli 35:15

Pachifukwa ichakuti mukahoboka bo ichilingo icha ba Izilayeli chaba chisami, umu momumo nkwiza pakubombela namwe, mukwiza pakuba chisami, wee lighamba ilya Seyili, sona ni chisu chosi icha Edomu. Po bakwiza pakumanya ukuti ane ne Mwene.’ ”

Ezekiyeli 35:5

“ ‘Pachifukwa ichakuti ukalanjizya ulubengo paba Izilayeli ulusita kumala nukubaghoghela kubwite pakabalilo akantamyo zyabo, sona pakabalilo kako ulufundo lwabo lwafika pabumalilo,

Ezekiyeli 5:12

Ichigaba ichabutatu icha bantu bakwiza pakufwa ni chiwaya pamo nizala, ichigaba ichabutatu bakwiza pakufwila kubwite kuzi ukwa kaya kinyu akakulu nkani, sona ichigaba ichabutatu nkwiza pakubanyampannya kosi na kosi, nukubachimbizya nupanga.

Ezekiyeli 5:3

Loli sendapo isisi linandi bulo nukulipinyilila kubumalilo ubwa nkazo yako.

Ukubelengiwa 22:1

Aba Izilayeli bakanyamuka ubulendo bwabo nukuzenga ivisakasa vyabo mumakombe agha Mowabu, kwisila ilya lusoko ulwa Yolodani, umwakwenannya nakaya akakulu nkani aka Yeliko.

Ukubelengiwa 25:1

Bo aba Izilayeli bali mwikombe ilya Shitimu, abanavuli bakanda pakulowa na bakolo aba mu Mowabu.

Ukubelengiwa 25:2

Abakolo banaba bakabitizya abanavuli kulusekelo lwavyakwiyipa vivyo bakabika ku bachala babo. Abantu bakalya ivyakulya nukubachindika abachala babo.

1 Samuweli 11:1

U mwene u Nahashi uwamu Amoni, poka na basilikali bache akabuka nukukazyungulila akaya akakulu nkani aka Yabeshi muchigaba icha Giliyadi. Po abantu bosi aba mu Yabeshi bakamubuzya u Nahashi bakati, “Zagha ufingane naswe ulufingo, po aswe tukwiza pakuba twe bambombo bako.”

1 Samuweli 12:12

“Loli bo mwennya ukuti u Nahashi u mwene uwa ba Amoni akwiza pakulwa namwe ubwite, amwe mukambuzya mukati, ‘Awe, tukulonda u mwene ukuti atulaghilaye, napapo u Mwene u Chala winyu akaba we mwene winyu.’