Yelemiya 40:10 - IBAYIBOLO 2024

¹⁰ Ane nemwene nkwiza pakwikala mukaya aka Mizipa pakuba mwimilili winyu pantazi paba Babiloni babo bakwiza kukwitu, loli amwe musende u vinyo ni vikomwa sona na mafuta nukuvibika musonta izyakubikilamo nukwikala mutwaya utukulu tuto mwatufyula.”

Yelemiya 40:10 Iomraidhean Croise

2 Samuweli 16:1

Bo u Devedi adumusannya panandi pamwanya pighamba, akakomana nu Ziba, uwambombo uwa Mefibosheti. U Ziba akaba ni mpunda zimo zizyo zikaba ni chakwikalilapo, sona zikanyamula ivibama 200, ni vibama ivya mampesya amumizu 100, ni vitumbuwa ivya makuyu 100, sona ni nyambi inyizule nu vinyo.

1 Abamwene 10:8

Abambombo bako bali nu lusako nkani, sona amakambala ghako ghali nu lusako nkani, ghagho ghakwimilila pamaso papako akabalilo kosi nukuteghelezya amahala ghako.

Ivyili 22:29

Nanti ukubomba imbombo zyako akiza bulo, kokuti ukwiza pakubabombela abamwene, sona utakwiza pakubabombela abantu bulo.

Ivyili 27:25

Nanti isote lyapupiwa, ipya likumela, po isote ilya mumaghamba likumela.

Yesaya 16:9

Po nkulila, ngati mumo aba Yazeli bakulilila, pachifukwa icha mughunda uwa mampesya uwamu Sibima. Wee Heshiboni, wee Eleyale nkukulilila amasozi! Ukulila ukwa bantu aba mu Yazeli, pachifukwa icha mampesya agha mu Sibima, pate inyinulo iya kubapela abantu ukuti basekelaye.

Yelemiya 35:19

Polelo u Mwene Uwamaka Ghosi, u Chala uwa Izilayeli akuti, ‘U Yonadabu umwana uwa Lekabu atakwiza pakupotwapo pakuba nu muntu uwakumubombela.’ ”

Yelemiya 39:10

Loli u Nebuzaladani usongo uwa balindilili, akabaleka kwisinda bamo babo bakaba bapina nkani sona na bantu babo batakaba na kantu nakamokamo muchisu icha Yuda, sona akabapa amaghunda agha mampesya ni mighunda iyinji.

Yelemiya 40:12

po aba Yuda bosi bakanyokako ku twaya tosi tuto bakanyampaniziwako nukunyokela ku Yuda naku Gedaliya pa Mizipa ukufumila mutwaya tosi tuto bakanyampaniziwako. Bakinula u vinyo u mwinji nkani sona ni vikomwa ivyinji nkani.

Yelemiya 40:6

Po u Yelemiya akabuka kwa Gedaliya umwana uwa Ahikamu ku Mizipa nukwikala nawe pakasi pabantu babo bakasyalikila muchisu chilachila.

Yelemiya 43:5

Mubuzilo bwache, u Yohanani umwana uwa Kaleya sona na balongozi bosi aba basilikali bakabalongozezya bosi abakusyalako mu Yuda babo bakanyokela ukufumila mu inko zyosi zizyo bakazichimbizikizyako.

Yelemiya 48:32

Nkubalilila ngati mumo u Yazeli akulilila, wee mughunda uwa mampesya uwa Sibima. Isamba zyako zikakuzuka mupaka kunyanja, zikafika mupaka na kunyanja iya Yasele. Uwakunangannya awila pa vikomwa ivitonu na mampesya.

Mika 7:1

Mwee, chighune kukwane! Naba ngati muntu yuyo akubungannya ivikomwa muchisanya, sona ngati po nkusalala amampesya. Kute na mampesya aghakulya, pamo ukuba nikwilu ni vikomwa ivya makuyu ghamo.

Luka 21:36

Mubanje maso nukwiputa akabalilo kosi ukuti mubanje na maka aghakwipokela mwebene muvintu vyosi vivyo vikwiza pakuboneka, sona nukuti mungimilila pamaso pa Mwana uwa Muntu.”

Ukukumbusya Amalamulo 1:38

Loli umwavwilizi wako u Yoshwa umwana uwa Nuni weyuyo akwiza pakwinjilamo. Umukazyanje pakuti weyuyo akwiza pakubalongolela aba Izilayeli pakwinjilamo muchisu chila.

Ukukumbusya Amalamulo 16:13

Bo mwamala pakwinula ingano yinyu, sona bo mwamala pakukanya amampesya ghinyu mubanje nu Lusekelo ulwa Visakasa amasiku seveni.