Yelemiya 4:8 - IBAYIBOLO 2024

⁸ Po muvwale amasaka pachifukwa icha chitima, mulilaye nukukolomoka, pakuti ubukali ubwa Mwene butepitepo papitu.

Yelemiya 4:8 Iomraidhean Croise

Masalimo 78:49

Akabawisizya umoto uwa bukali bwache, umoyo wache ghukababa nkani, po akabakalalila nukubawisizya intamyo, akatuma abantumi abakunangannya.

Yesaya 10:4

Chitalipo nachimo chicho chikwiza pakusyala, loli mukwiza pakulemiwa nukubuka, namwe mubuzya pamo pakughoghiwa. Pa zyosi zinizi, ubukali bwache butakutozoka, inyobe yache yichili yigholokite bulo.

Yesaya 13:6

Fwifwitilagha, pakuti isiku ilya Mwene lili papipi, likwiza ngati kunangannya ukufuma ku Wamaka Ghosi.

Yesaya 22:12

Pisiku lilalila u Mwene, u Mwene Uwamaka Ghosi akabitizya abantu ukuti balile nukufwifwitila, ukumeta isisi nukuvwala amasaka.

Yesaya 32:11

Tetemagha amwe mwebakolo mwemwifwasiye bulo, amwe mwe balindu mwe mutakupasya nachimo. Vula amenda ghinyu, nukuvwala amasaka mumisana ghinyu pachifukwa icha chitima.

Yesaya 5:25

Polelo ubukali ubwa Mwene bukwaka pabantu bache, inyobe yache yili mumwanya sona akubakoma. Amaghamba ghakayingana, sona imivimba yisatite bulo mumusebo ngati mantu. Pa zyosi zinizi, ubukali bwache butakutozoka, inyobe yache yichili yigholokite bulo.

Yesaya 9:12

U Siliya kubufumilo bwizuba, nu Filisiti kubwinjililo bwizuba bamumila u Izilayeli na malomo ghabo, pa zyosi zinizi ubukali bwache butakutozoka, inyobe yache yigholokite bulo

Yesaya 9:17

Polelo u Mwene atakwiza pakuhoboka na balumendo, pamo pakuba ni chisa na balanda sona na bafwilwe, pakuti bosi batamumenye u Chala sona babomba mbibi amalomo ghabo ghakunena ivyabupunganu. Pa zyosi zinizi ubukali bwache butakutozoka, inyobe yache yichili yigholokite bulo.

Yesaya 9:21

Abantu aba muchisu icha Manase bakwiza pakulwa naba Efulayimu, sona aba Efulayimu bakwiza pakulwa naba Manase, Po bosi poka bakwiza pakumusambukila u Yuda. Pa zyosi zinizi, ubukali bwache butakutozoka, inyobe yache yichili yigholokite bulo.

Yelemiya 25:34

Mwee badimi, mulilaye nukufwifwitila nkani. Mwee balongozi aba bantu bane, mughalaghataye mulufumbi. Pakuti akabalilo kinyu akakughogheliwa kafika, sona mukwiza pakughoghiwa ngati bo badubi.

Yelemiya 30:24

Ubukali ubwa Mwene butakwiza pakutozokapo, mupaka amalizye zyosi zizyo akwinong'ona. Mukwiza pakuchivwisya ichi mumasiku agha muntazi.

Yelemiya 48:20

U Mowabu akoziwa isoni pakuti ananganika. Mufwifwitilaye nukulila! Mufumusye mulusoko ulwa Alinoni, ukuti u Mowabu ananganika.

Yelemiya 6:26

Mwee bantu bane, vwala amasaka sona mughalaghataye mwitoyi, mulilaye umwakukolomoka, ngati mumo umuntu akumulilila u mwana wache weka naweka, pakuti umwakuchenusya bulo uwakutunangannya akwiza pakutwizila.

Nkuto 1:12

Nkimba chinichi chitakubaswighisya mwebosi mwe mukudumusannya bulo? Po talankannya mwennye nanti ghalipo amayimba aghanji, ghagho ghayanite na mayimba ghane, amayimba ghagho u Mwene akangwisizya pisiku lilyo akankalalila.

Ezekiyeli 21:12

Wee mwana uwa muntu, lilagha nukukolomoka, upanga akulwana na bantu bane, sona na bamwene aba mu Izilayeli. Bakwiza pakughoghiwa bosi, poka na bantu bane. Polelo wikome pachifuba, pachifukwa icha chitima.

Ezekiyeli 30:2

“Wee mwana uwa muntu, laghula ukuti, ‘Izi zyo zizyo u Mwene Uwamaka Ghosi anena ati: Lilagha ukuti, “Mwee isiku lila lyafika!”

Yoweli 1:13

Mwe baputi, vwalagha amasaka nukulila, mwe mukubomba pachighemo, lilagha. Mwe mukubomba pamaso pa Chala, zagha vwalagha amasaka busiku bosi, pakuti ivyakwiyipa ivya busu ni vyakung'wela vyimiwa mu Nyumba iya Chala winyu.

Amosi 8:10

Ulusekelo lwinyu ulwanyiputo, lukwiza pakuba chililo, kope ukwimba kwinyu kukwiza pakuba kulila. Umuntu wesi akwiza pakuvwinkiwa amasaka, nukumwa isisi kumitu yinyu, pachifukwa icha chitima. Nkwiza pakukapela akabalilo kalakala pakuba ngati ko kabalilo akakumulila umwana mwene na mwene, sona ubumalilo bwisiku lilalila bukwiza pakuba bwakubaba nkani.”

Mika 1:16

Mumwanje isisi zyinyu pakubalilila abana binyu, babo mubaghanite nkani, Mumwanje ulupala ngati lizwanga, pakuti abana binyu bakwiza pakusendiwa kukwinyu nukubuka nabo kubuzya.

Ukubelengiwa 25:4

U Mwene akamubuzya u Mozesi akati, “Ubasende abalongozi bosi aba bantu banaba, ubaghoghe pabuzelu pamaso papane, umwakuti ubukali ubwa Mwene butozoke paba Izilayeli.”