Yelemiya 4:7 - IBAYIBOLO 2024

⁷ Inkalamu yafumila mumusitu, wepe uwakunangannya ivyisu anyamuka. Abulekite ubuzilo bwache umwakuti achinangannye ichisu chinyu. Utwaya twinyu utukulu tukwiza pakuba visami mumo mutakwikalamo abantu.

Yelemiya 4:7 Iomraidhean Croise

2 Abamwene 24:1

Bo u Yehoyakimu akulaghila, u mwene u Nebukadineza uwamu Babiloni akalwa ubwite ni chisu icha Yuda, umwakuti Yehoyakimu akaba pasi pabulaghili ubwa Nebukadineza amaka matatu. Loli pisinda pache akandula inyinong'ono nukumusambukila u Nebukadineza.

2 Abamwene 25:1

Pakabalilo kalakala u Zedekiya akamusambukila u mwene uwamu Babiloni. Pisiku ilya 10, mumwezi uwa 10, mumwaka uwa nayini, bo u Zedekiya akulaghila, u mwene Nebukadineza uwamu Babiloni, poka na basilikali bache bosi akabuka pakulwa ubwite nakaya akakulu nkani aka Yelusalemu. Akasimika ivisakasa sona akazenga ivitembe umwakukazyungulila akaya kosi kala.

Yesaya 1:7

Ichisu chinyu chaba chisami, sona utwaya twinyu utukulu nkani tochiwe numoto. Abayeni bakubafyula amaghunda ghinyu bo mukubennya. Ichisu chinyu chaba bulo ngati nkolongo, sona abendazila bakuchinangannya.

Yesaya 5:9

U Mwene Uwamaka Ghosi alamula bo nane nkwivwa ukuti, “Naloli inyumba inkulu nkani zikwiza pakuba visami, inyumba inkulu inyiza nkani zitakwiza pakuba na bantu.

Yesaya 6:11

Nkalalusya nkati, “Wee Mwene, nkimba zinizi zikwiza pakubangako mupaka liyi?” Akamula akati, “Mupaka utwaya tosi utukulu twaba visami sona nayumoyumo umuntu akwiza pakwikalamo, inyumba zitakwiza pakuba na bantu sona chope ichisu chikwiza pakuba nkolongo.

Yelemiya 2:15

Abalwani bakubuluma ngati zyo nkalamu. Bachipela ichisu pakuba nkolongo. Batunangannya utwaya twache utukulu tuto twipelite visami sona abantu batakwikalamo.

Yelemiya 22:6

Pakunena nizya nyumba iya bumwene iya mwene uwa Yuda u Mwene akati, “Napapo uli ngati we chisu icha Giliyadi kukwane, sona uli ngati songa iya lighamba ilya Lebanoni, naloli nkwiza pakukupela pakuba we nkolongo, pakuba ngati twaya tuto abantu batakwikalamo.

Yelemiya 22:7

Nkwiza pakukutumila abantu aba kunangannya, bo umuntu wesi ali ni vilwilo vyache sona bakwiza pakubola amatabwa amiza agha mwale, nukughasumbila pamoto.

Yelemiya 25:38

U Mwene ali ngati nkalamu yiyo yiyilekite impako yache, sona ichisu chabo chaba chisami, pachifukwa icha bantu babo bakubayivya nu bwite, sona pachifukwa icha bukali ubwa koghofya ubwa Mwene.

Yelemiya 25:9

nkwiza pakubitizya abantu aba kumitu poka nu mubombi wane u Nebukadineza u mwene uwa ku Babiloni sona nkwiza pakuchitumila ubwite ichisu ichi poka na bantu babo bakwikala mulamula sona ninko izya bantu babo babazyunguliye. Nkwiza pakubanangannya nukubapela pakuba chintu ichakoghofya nichakusekiwa sona ichisu chila chikwiza pakwipela chisami icha bwila na bwila.

Yelemiya 26:9

Nkimba choni chicho ukulaghulila mwitabwa ilya Mwene ukuti inyumba iyi yikwiza pakuba ngati buzilo ubwa Shilo sona akaya akakulu aka kakwiza pakuba chisami, mutakwiza pakuba nu muntu nayumoyumo?” Po abantu bosi bakamuzyungulila u Yelemiya mu Nyumba iya Mwene.

Yelemiya 27:8

“ ‘Loli nanti uluko lumo, pamo ubumwene ubunji bosi butakwiza pakumubombela u Nebukadineza u mwene uwa chisu icha Babiloni, nukuleka pakumulambila u mwene yula, nkwiza pakulufunda uluko lula nupanga, nizala sona ni chiwaya mupaka inganangannye amaka agha luko lula. Ane ne Mwene nanena.

Yelemiya 33:10

“Umu momumo u Mwene akunenela: Mukubunena ubuzilo bunubu mukuti chisami sona abantu batalimo vyope ni vinyamana vitalimo. Loli pope bulo utwaya utukulu utwa mu Yuda ni misebo iya mu Yelusalemu vili vyene bulo, mukwiza pakwivwika

Yelemiya 34:22

“Nkwiza pakulamula nukubanyosezya sona mukaya akakulu nkani aka. Bakwiza pakulwa nako nukukafyula sona bakwiza pakukocha numoto. Nkwiza pakutupela utwaya utukulu utwa Yuda pakuba nkolongo nukuti mutakwiza pakwikalaghamo sona umuntu nayumoyumo. Ane ne Mwene nanena.”

Yelemiya 4:29

Bo abantu bivwa ichongo icha ababwite babo bakakwela pafalasi na babo bakalasa utulasilo bamo bakachimbilila mumusitu, abanji bakakwela mumabwe. Utwaya tosi utukulu tukalekiwa, sona atalipo nayumoyumo uwakwikala mulamula.

Yelemiya 44:2

U Mwene Uwamaka Ghosi, u Chala uwa Izilayeli akati, “Amwe mwebene mukakwennya ukunanganika kuko nkakawisizya akaya aka Yelusalemu sona nutwaya tosi utukulu utwa Yuda. Ilelo utwaya tula twaba visami sona atalimo nayumoyumo umuntu uwakwikalamo

Yelemiya 46:18

“U Mwene Uwamaka Ghosi akuti: Nkulapa ukuti weka akwiza yuyo ali ngati lighamba ilya Taboli, pakasi pamaghamba, ngati lighamba ilya Kalimeli, lilyo lili mulubazu ulwa nyanja.

Yelemiya 49:19

“Ngati nkalamu yiyo yikufuma mumusitu uwa Yolodani, yikuyichimbizya ing'ozi, nkwiza pakumuchimbizya u Edomu, muchisu chache umwalubilolubilo. Pisinda pache nkwiza pakubimikila yuyo imusalite. Nkimba wewenu yuyo ayanite nane, sona nkimba wenu yuyo angambika pabulongi? Nkimba mudimi wenu yuyo angalwana nane?

Yelemiya 5:6

Polelo inkalamu iya mumusitu yikwiza pakubaghogha, sona abakambwe aba munkolongo bakwiza pakubanangannya. Uzyela akwiza pakubavwamilila papipi nutwaya twabo utukulu. Akwiza pakubazepulannya mutupusa umuntu wesi yuyo akufumila kuzi, pakuti ukusambuka kwabo kukulu nkani, sona bate basubiliwa.

Yelemiya 50:17

U Mwene akuti, “Aba Izilayeli bali ngati zyo ng'ozi zizyo zinyampanite bulo, zizyo inkalamu zyazichimbizya. U mwene uwa ku Asiliya weyuyo akaba wakwanda pakubaghogha. Nebukadineza u mwene uwa ku Babiloni weyuyo akaba wabumalilo pakughamemena amafupa ghabo.

Yelemiya 50:44

Ngati nkalamu yiyo yikufuma mumusitu uwa Yolodani, yikuyichimbizya ing'ozi. Nkwiza pakumuchimbizya u Babiloni, muchisu chache umwalubilolubilo. Pisinda pache nkwiza pakubimikila yuyo imusalite. Nkimba wewenu yuyo ayanite nane, sona nkimba wenu yuyo angambika pabulongi? Nkimba mudimi wenu yuyo angalwana nane?”

Yelemiya 8:16

Abalwani bitu binjiye kale mukaya akakulu nkani aka Dani, Bo ifalasi zyabo zikulila, ichisu chosi chikutetema. Abalwani bizite pakunangannya ichisu chitu, poka na vyosi vivyo vili mumo, akaya akakulu nkani sona na bantu babo bakwikala mulamula.”

Yelemiya 9:11

U Mwene akuti, “Nkwiza pakumupela u Yelusalemu pakuba chisami, numwakughonamo abakambwe, sona utwaya utwa Yuda utukulu nkani tukwiza pakumongoliwa, umwakuti nayumoyumo u muntu akwiza pakwikalaghamo.”

Ezekiyeli 12:20

Po utwaya utukulu tuto mukwikalamo abantu tukwiza pakuba visami sona ivyisu vikwiza pakunanganika. Po mukwiza pakumanya ukuti ane ne Mwene.”

Ezekiyeli 21:31

Nkwiza pakupungulila ubukali bwane papako, nukufutila ukukalala kwane papako, nkwiza pakukubika munyobe izya bantu abakali, babo bamenye pakunangannya.

Ezekiyeli 32:2

“Wee mwana uwa muntu, umwimbile u mwene u Falabo uwa muchisu icha Ijiputi ulwimbo ulwa nkuta ulwakuti, ‘Uli ngati nkalamu pakasi pa inko, uli ngati ngwina munyanja yiyo yikwisumba mutusoko twako, nukughavundulannya amizi ni nyayo zyako sona nukuzinyazya isoko.

Daniyeli 5:19

Akaba mukulu nkani umwakuti, naba inko zyosi, nuluko losi sona na baneno zyosi bakamunyilagha nkani nukutetema pamaso papache. Nanti akalondagha pakumughogha umuntu yumo, naloli akamughogha. Nanti akalondagha pakumuleka mumi umuntu yumo, naloli akamulekagha mumi. Nanti akalondagha pakumukwezya umuntu yumo, naloli akamukwezyanga. Nanti akalondagha pakumukozya isoni umuntu yumo, naloli akamukozyanga isoni.

Daniyeli 7:4

“Ichinyamana ichakwanda chikaboneka ngati yo nkalamu, sona chikaba ni vipapande ngati vya lizwanga. Nkachenelezya mupaka ivipapande vyache vikazepuka, sona chikanyamuziwa nukwimilila ni vinama folo ngati muntu. Po chikapeghiwa inyinong'ono izya muntu.

Aba Levi 26:31

Nkwiza pakutunangannya utwaya twinyu utukulu nkani nukutupela visami, sona nkwiza pakubunangannya ubuzilo bwinyu ubwakwiputilamo, ntakwiza pakupokela umunusi uwa vyakwiyipa vyinyu ivyakununkila.

Aba Levi 26:33

Nkwiza pakubanyampanizizya pakasi pabantu aba inko injeni nukubanangannya nupanga wane. Ichisu chinyu chikwiza pakuba nkolongo, sona utwaya twinyu utukulu nkani tukwiza pakuba visami.”