Yelemiya 4:6 - IBAYIBOLO 2024

⁶ Kwezya indembela ku kaya aka Ziyoni! Chimbila lubilolubilo ukuti mupone, pakuti nkutuma intamyo izya kumitu sona nukunanganika ukukulu nkani.”

Yelemiya 4:6 Iomraidhean Croise

Yesaya 62:10

Dumusannya, dumusannya imilyango! Yannya izila iya bantu. Yannya, yannya imisebo imikulu nkani! Efyamo amabwe! Zyimikile inko indembela.

Yelemiya 10:22

Teghelezya! Ipangwi lilyo likwiza. Ichongo ichikulu icha kumitu chikwiza. Chikwiza pakutupela utwaya utukulu utwa Yuda pakuba chisami, mumo mukwikalamo abakambwe.

Yelemiya 18:11

“Po ilelo buka ubabuzye abantu aba muchisu icha Yuda na babo bakwikala mu Yelusalemu uti, ‘U Mwene akuti: Nkwinong'ona pakubabombela ichintu ichibibi, sona nkwiyannya nukubatika zizyo nkwiza pakubabombela. Po umuntu wesi anyokeko ku zila zyache imbibi naku mbombo zyache zizyo akuzibomba. Leka inkalo zyinyu imbibi ni mbombo zyinyu.’

Yelemiya 21:7

Pisinda pache u Mwene akuti, ‘Abantu aba nkwiza pakubabika munyobe izya Nebukadineza u mwene uwa Babiloni nakubalwani babo bakulonda pakubaghogha: U Zedekiya u mwene uwa ba Yuda, poka na makambala ghache na bantu aba mukaya akakulu nkani aka, babo bakapona kuchiwaya nupanga na kuzala. U Nebukadineza akwiza pakubaghogha nupanga, atakwiza pakubapelela ichisa pamo pakubapasikizya pamo pakuba nichililizi.’

Yelemiya 22:7

Nkwiza pakukutumila abantu aba kunangannya, bo umuntu wesi ali ni vilwilo vyache sona bakwiza pakubola amatabwa amiza agha mwale, nukughasumbila pamoto.

Yelemiya 25:9

nkwiza pakubitizya abantu aba kumitu poka nu mubombi wane u Nebukadineza u mwene uwa ku Babiloni sona nkwiza pakuchitumila ubwite ichisu ichi poka na bantu babo bakwikala mulamula sona ninko izya bantu babo babazyunguliye. Nkwiza pakubanangannya nukubapela pakuba chintu ichakoghofya nichakusekiwa sona ichisu chila chikwiza pakwipela chisami icha bwila na bwila.

Yelemiya 4:21

Nkimba imbaghiye pakwennya indembela iya bwite mupaka liyi? Nkimba imbaghiye pakwivwa ukulila ukwa ipati mupaka liyi?

Yelemiya 50:2

“Fumusya nukulumbilila pakasi pa inko, kwezya indembela nukufumusya, utakavindepo nakamokamo, loli unene ukuti, ‘U Babiloni akwiza pakulemiwa. U chala wache u Belo akwiza pakukoziwa isoni, sona ubogha bwamulema u chala wache u Maladuka. Ivifwani vyache vyakoziwa isoni, sona bope abachala bache baba nubogha.’

Yelemiya 50:22

Ichongo icha bwite chikwivwika muchisu, sona pali ukunanganika ukukulu nkani!

Yelemiya 51:12

Kwezya indembela zyinyu, nukughanangannya amalinga agha Babiloni! Mubikepo abalindilili, muyannye abasilikali! U Mwene akwiza pakukwanilisya, chicho akabatika nizya bantu aba mu Babiloni.

Yelemiya 51:27

“Kwezya mumwanya indembela pachisu! Lizya ipati pakasi pa inko. Muziyannye inko pakulwa nu Babiloni. Bwitizye ubumwene ukuti balwe nawe ubwite, naba mu Alalati, naba mu Mini sona naba mu Ashikenazi. Sala usongo uwa basilikali ukuti alwe nawe, tuma ifalasi inyinji ngati we kanta umwinji.

Yelemiya 51:54

U Mwene akuti, “Ivwa izyu ilya kulila mu Babiloni, ichongo ichikulu nkani icha kunanganika.

Yelemiya 6:1

Mwe baluko ulwa Benjamini, chimbila nkani ukuti mupone! Epamo mukaya aka Yelusalemu! Lizya ipati mu Tekowa! Kwezya indembela mu Beti Hakelemu! Pakuti ichintu ichibibi nukunanganika ukukulu nkani vikufuma kuchigaba icha kumitu.

Yelemiya 6:22

U Mwene akuti, “Ennya, abasilikali aba kumitu bakwiza, uluko ulwamaka na bamwene abinji bakwiyannya pakulwa ubwite.

Ezekiyeli 9:1

Po nkamwivwa u Chala akwitizya umwakukolomoka akuti, “Zagha na bantu babo bakubuka pakukafunda akaya akakulu nkani aka, bo umuntu wesi alemite ichilwilo munyobe yache.”

Ezekiyeli 9:2

Po nkabennya abantu sikisi bakufumila kumulyango uwapamwanya ghugho wenizye kumitu, bo umuntu wesi alemite munyobe yache ichilwilo icha kughoghela, pakasi papabo pakaba umuntu yumo yuyo akavwala umwenda umutonte, yuyo akapinya ichakusimbila palubazu. Bakinjila bosi nukwimilila palubazu ulwa chighemo icha mukuba.

Zefaniya 1:10

Pisiku lilalila ukulila kukwiza pakwivwika pa Mulyango Uwaswi. Ukufwifwitila kukwiza pakwivwika ukufuma Muchigaba Ichipya, ukukoma kukwiza pakwivwika mutughamba.” U Mwene anena.

Zekaliya 6:6

Ingolo yiyo yili ni falasi ifitu yikubuka kuchigaba ichakumitu, sona ingolo iya falasi iswepu yikubuka kuchigaba icha kubwinjililo bwizuba, yope ingolo iya falasi iyamabalamabala yikubuka ku chigaba icha kuntende.”