Yelemiya 4:4 - IBAYIBOLO 2024

⁴ Mwisilimule mwebene kwa Mwene sona mughasilimule amoyo ghinyu, mwe bantu aba mu Yuda na mwe bantu aba mu Yelusalemu, nanti mutakubomba bunubu ubukali ubwa Mwene bukwiza pakwaka ngati moto, pachifukwa icha bubibi bwinyu bubo mwabomba, sona atalipo nayumoyumo uwakughuzimya.

Yelemiya 4:4 Iomraidhean Croise

2 Imbili 34:25

Pachifukwa ichakuti abantu bankana nukufukizya utwakununkila ku bachala abanji nukunkalalizya pavyosi vivyo bapangite ni nyobe zyabo, po ane nkwiza pakukakalalila akaya akakulu nkani kanaka, umwakuti ubukali bwane butakwiza pakutozoka nalumolumo.

Yesaya 10:17

Ulukozyo ulwa Izilayeli lukwiza pakuba moto, Umuzelu uwa Izilayeli akwiza pakuba ngati kampesese aka moto, Pisiku lyoka bulo ghukwiza pakocha nukulungulizya amivwa na bantolovu bache.

Yesaya 30:33

Pakuti ubuzilo ubwa kochelapo ivintu buyaniziwe kale, bwayaniziwa zila kwa mwene uwa ku Asiliya. Ichiliba icha moto chinichi chibizu, sona ichikulu chiyaniziwe chizuye numoto sona ninkwi, umuyi uwa Mwene ghuli, ngati kasoko aka sulufule kakupemba umoto.

Yesaya 51:17

Wee Yelusalemu, vundumuka, vundumuka! Nyamuka! Wang'wela ulubako ulwa lufundo, lulo u Mwene mubukali bwache akabapa, lwabapela ukuti mutantalilaye.

Yelemiya 15:14

Nkwiza pakubapela pakuba bazya kubalwani binyu muchisu chicho amwe mutachimenyepo nalumolumo, pakuti ubukali bwane buli ngati moto ghugho ghukwiza pakwaka bwila na bwila.”

Yelemiya 21:12

Wee nyumba iya Devedi! Ulongelaye inongwa mubugholosu indabindabi yosi, yuyo ali muntamyo mumupokaye munyobe iya muyinvyi, yuyo afyuliwa, pamo ubukali bwane bungaka ngati moto, pachifukwa icha bubibi bwinyu, sona nukuti atalipo nayumoyumo uwakughuzimya.

Yelemiya 21:5

Ane nemwene nkwiza pakulwa namwe namaka ghane ghosi, nukukalala kwane kosi sona nu bukali bwane bosi.

Yelemiya 23:19

Ennya impepo iya Mwene yikwiza nubukali yiyo yili ngati ko kankungu kako kakwiza, pamitu iya bantu ababibi.

Yelemiya 36:7

Lumo inyiputo zyabo zingafika pamaso agha Mwene nukuti wesi akwiza pakunyokako kumbombo zyache imbibi, pakuti ubukalale nu bukali ubwa Mwene bwaba bukulu nkani.”

Yelemiya 44:22

Bo u Mwene akupotwa pakwilema pachifukwa icha mbombo zyinyu imbibi sona ni vintu ivinyazu vivyo mukabombagha, ichisu chinyu chikaghuniwa nukuba chisami, chicho abantu batakwikalamo nabamobamo, ngati mumo chibeleye ilelo.

Yelemiya 9:25

“Ghakwiza amasiku ghagho nkwiza pakubafunda babo basilimuliwe ku mubili wene.

Yelemiya 9:26

Aba muchisu icha Ijiputi nu Yuda nu Edomu nu Amoni nu Mowabu sona na babo bakwikala munkolongo babo bakumwa isisi zyabo. Pakuti inko zyosi zinizi zitasilimuliwe sona bope aba Izilayeli batasilimuliwe mumoyo.”

Nkuto 4:11

U Mwene akakalala nkani, po akapungula ubukali bwache ubwakwaka. Akakozya umoto mu Yelusalemu ghugho ghukalungulizya ulwalo lwache.

Ezekiyeli 16:38

Nkwiza pakukufunda pachifukwa icha bwamalaya nicha kukupula ibanda, po nkwiza pakutanizya pakukupula ibanda pachifukwa icha bukali bwane sona na kabini kane.

Ezekiyeli 18:31

Efyamo ukunanga kosi kuko mwabomba, nukusenda umoyo umupya nu muzimu umupya. Mwee ba Izilayeli, nkimba choni chicho mu kufwa?

Ezekiyeli 20:33

“ ‘U Mwene Uwamaka Ghosi akuti: Naloli nkulapa nkuti nkwiza pakubalaghila ninyobe iyamaka nukuyigholosya inyobe yane bo nkalaye.

Ezekiyeli 21:17

Nane bulo nkwiza pakukoma inkufi, sona ubukali bwane bukwiza pakutozoka, ane ne Mwene nanena.”

Ezekiyeli 24:13

“ ‘Po ilelo ivinyonywa vyako ko kwinyazya kwako. Pachifukwa ichakuti nayezya nkani pakukuswefya loli utaswepite kubunyazu bwako, mupaka ubukali bwane bukuwile.

Ezekiyeli 24:8

Ukuti libunyamusye ubukali bwane nukubatanizya, nkabika ibanda lyache pilyabwe, umwakuti litakafukiliwe.

Ezekiyeli 44:7

Bayinyazya Inyumba yane pakubinjizya abayeni abasita ukusilimuliwa mumoyo Mubuzilo Ubuzelu, nukuyinyazya Inyumba yane bo mukumpa ivyakulya, amafuta ni banda, po mwalunangannya ulufingo lwane pakubomba ubunyazu.

Ezekiyeli 6:12

Umuntu yuyo ali kubutali akwiza pakufwa ni chiwaya, sona umuntu wesi yuyo ali papipi akwiza pakufwila kubwite, umuntu wesi yuyo aponite sona mumi akwiza pakufwa nizala. Po ubukali bwane bukwiza pakuwila papabo.

Ezekiyeli 8:18

Polelo, ntakwiza pakubaleka bulo, ntakwiza pakubapelela ichisa pamo ukubaleka bumi. Napapo bakukolomoka mumakutu ghane, ntakwiza pakubateghelezya.”

Aba Levi 26:28

nane nkwiza pakubasula mubukali bwane, sona nkwiza pakubafunda umwakonjelezyapo akaseveni pachifukwa icha mbibi zyinyu.

Aba Levi 26:41

kuko kukampela ukuti imbabenge, nukubatuma kuchisu icha balwani babo, sona nanti amoyo ghabo amakafu ghiyisya nukwitika pakuchemeliwa pachifukwa icha mbibi zyabo,

Amosi 5:6

Mumulondelezye u Mwene, po mukwiza pakuba nubumi, lumo akwiza pakubazimizya, aba inko izya Yosefu ngati moto, ghukwiza pakubalungulizya abantu aba mu Beteli, po atalipo nayumoyumo umuntu uwakughuzimya.

Zefaniya 2:2

bo uchili pakupupuziwa ngati lyelelo, bo ubukali ubwa Mwene ubwakoghofya butakwiziye sona bo ubukali bwache butakuwiliye.

Aba Loma 2:25

Nanti ukukonka Indaghilo, ukusilimuliwa kwako kwiza, loli nanti utakukonka Indaghilo, ukusilimuliwa kwako kwa bulo.

Ukukumbusya Amalamulo 10:16

Polelo mwefyemo imbibi mumoyo ghinyu, sona mutakaghakazyanje amoyo ghinyu.

Ukukumbusya Amalamulo 30:6

U Mwene u Chala winyu akwiza pakubapa amwe na baluko lwinyu amoyo aghakwivwila, umwakuti mukwiza pakumughana na moyo ghinyu ghosi, sona nu muzimu winyu ghosi, ukuti mubanje nubumi.

Ukukumbusya Amalamulo 32:22

Ubukali bwane bukwiza pakwaka ngati moto, ghugho ghukwaka mupaka kuchisu icha bantu abafwe. Bukwiza pakuchilungulizya ichisu ichapasi ni vimelwa vyache vyosi, sona na maghamba ghache ghosi.

Aba Kolosi 2:11

Mumwache namwe bulo mukasilimuliwa, te kusilimuliwa ukwa mubili awe, loli pakuvula ubuntu ubwa mbibi, ukusilimuliwa kuko kukubombiwa nu Kilisitu.