Yelemiya 4:29 - IBAYIBOLO 2024

²⁹ Bo abantu bivwa ichongo icha ababwite babo bakakwela pafalasi na babo bakalasa utulasilo bamo bakachimbilila mumusitu, abanji bakakwela mumabwe. Utwaya tosi utukulu tukalekiwa, sona atalipo nayumoyumo uwakwikala mulamula.

Yelemiya 4:29 Iomraidhean Croise

2 Imbili 33:11

Po u Mwene akabatumila abasongo aba basilikali abamwene aba mu Asiliya, po bakamulema u Manase pakuba mukayidi, nukumubika indobani pampuno, bakamupinya ni minyololo iya mukuba nukubuka nawe ku Babiloni.

Yesaya 30:17

Ukoghofya ukwa muntu weka kukwiza pakuchimbizya abantu 1,000 napapo babe fayivi bulo pope mukwiza pakuchimbila, mupaka babaleke ngati likwi ilyakupayikapo indembela pamwanya pighamba, ngati chimanyilo patughamba.”

Yesaya 6:12

Nkwiza pakubasamizizya abantu banaba kubutali, mupaka ichisu chosi chibanje chisami.

Yelemiya 16:16

U Mwene akuti, “Loli ilelo nkwiza pakubatumila abaloba iswi abinji nkani, babo bakwiza pakubaloba abantu banaba. Pisinda pache nkwiza pakubatumila ababingi abinji nkani, po bakwiza pakubabinga mumaghamba ghosi na mutughamba tosi sona na mumpako izya mabwe.

Yelemiya 4:7

Inkalamu yafumila mumusitu, wepe uwakunangannya ivyisu anyamuka. Abulekite ubuzilo bwache umwakuti achinangannye ichisu chinyu. Utwaya twinyu utukulu tukwiza pakuba visami mumo mutakwikalamo abantu.

Yelemiya 52:7

Ilinga ilya kaya akakulu nkani kala likamongoliwa. Napapo abantu aba mu Babiloni bakakazyungulila akaya akakulu nkani kala, abasilikali bosi bakachimbila pabusiku. Bakafumila ku mulyango uwa pakasi pavibumba vibili, papipi nu mughunda uwa mwene, bakachimbilila kwikombe ilya Alaba.

Yelemiya 6:23

Banyamuye ubwele ni mpalala, bakali sona bate ni chisa nachimochimo. Bakwivwika ngati kupoma ukwa nyanja bo bakwelite pafalasi zyabo. Wee Ziyoni, bakwiza ngati bantu babo biyanizye pakulwa ubwite, ukuti balwe nawe.”

Amosi 9:1

Nkamwennya u Mwene imiliye papipi ni chighemo, po akati, “Koma pamwanya pa mpanda umwakuti akasonje kaneng'ene, kawisizye pamitu iya bantu bosi babo bapona nkwiza pakubaghogha nupanga. Atakwiza pakubapo nayumoyumo uwakuchimbila, pamo uwakupona.

Luka 23:30

Kalakala kakwiza pakuba kabalilo kako abantu bakwiza pakughabuzya amaghamba ukuti, ‘Tuwile,’ nukutubuzya utughamba ukuti, ‘Tufise.’

1 Samuweli 13:6

Bo aba Izilayeli bennya ukuti bali muntamyo nkani, sona nukuti abasilikali babo bakabavwanila, bakavwama mumpako na mumisitu, na mumabwe, na muvibwina, sona na muviziba.