Yelemiya 4:26 - IBAYIBOLO 2024

²⁶ Nkennya, nkagha ukuti ichisu icha muvundo chikaba nkolongo, utwaya utukulu tukananganika pachifukwa icha bukali ubwa Mwene.

Yelemiya 4:26 Iomraidhean Croise

Masalimo 107:34

Ichisu icha muvundo pakuba chisu icha mbeya, pachifukwa icha bantu ababibi, babo bakwikala mulamula.

Masalimo 76:7

Awe wemwene we wakoghofya. Nkimba wewenu angimilila pamaso papako, nanti ukalaye?

Yelemiya 12:13

Bakwiza pakupesa ingano, loli bakwiza pakuvuna amivwa. Bakwiza pakulita nkani pakubomba imbombo, loli batakwiza pakuvunamo nakamokamo. Inyinulo yabo yikwiza pakubakozya isoni pachifukwa icha bukali ubwa Mwene.”

Yelemiya 12:4

Nkimba ichisu chikwiza pakubanga chisanya mupaka liyi? Nkimba isote likwiza pakubanga lyumizu mupaka liyi? Pachifukwa ichakuti abantu babo bakwikala mulamula babibi, ivinyamana ni viyuni vikufwa. Loli pope bulo abantu bakwituvya bakuti, “U Chala atakuzyennya zizyo tukubomba.”

Yelemiya 25:11

Ichisu chosi ichi chikwiza pakuba nkolongo ni chisami, sona inko zinizi zikwiza pakumubombela u mwene uwa Babiloni amaka 70.

Yelemiya 7:34

Nkwiza pakukanizya ivyongo ivya lusekelo nivya buhobosu mutwaya utukulu nkani utwa Yuda sona na mumisebo iya mu Yelusalemu naku mazyu agha yuyo akusendiwa sona nu mwenesendwa pakuti ichisu chila chikwiza pakwipela chisami.’

Yelemiya 9:10

Nkwiza pakukolomoka nukughalilila amaghamba sona nkwiza pakuyifwifwitila inkolongo, pachifukwa ichakuti ukwakudimako kwananganika. Kwaba chisami sona batakwendako ukumota ukwavitekwa kutakwivwikako. Iviyuni ni vinyamana vyachimbilamo.

Nkuto 2:7

U Mwene achisulannya ichighemo chache, sona abukana ubuzilo bwache ubuzelu. Avibika munyobe izya balwani, ivibumba ivya nyumba zyache izya bumwene. Ichongo chikivwika mu Nyumba iya Mwene, nkaninkani pisiku ilya lusekelo.

Aba Levi 26:31

Nkwiza pakutunangannya utwaya twinyu utukulu nkani nukutupela visami, sona nkwiza pakubunangannya ubuzilo bwinyu ubwakwiputilamo, ntakwiza pakupokela umunusi uwa vyakwiyipa vyinyu ivyakununkila.

Mika 3:12

Polelo pachifukwa icha mwemwe, u Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.

Zefaniya 1:18

Usiliva pamo ugolide wabo vitakwiza pakubapoka pisiku ilya kukalala ukwa Mwene. Mumoto wache uwakabini ichisu chosi ichapasi chikwiza pakulungulila, pakuti akwiza pakubamala umwalubilolubilo abantu bosi babo bakwikala mulamula.