Yelemiya 4:24 - IBAYIBOLO 2024

²⁴ Nkennya kumaghamba, nkagha ukuti ghakaneng'enagha, sona utughamba tosi tukatetemagha.

Yelemiya 4:24 Iomraidhean Croise

1 Abamwene 19:11

U Mwene akati, “Epamo muno, po bukagha wimilile pamaso papane pighamba, pakuti nkulonda pakudumusannya.” Po impepo iyakoghofya ni yamaka yikazepulannya amaghamba nukughanyampannya amabwe pamaso pa Mwene. Loli u Mwene atakaba mumpepo yilayila. Bo impepo yila yaleka, kukaba akasenyenta. Pope bulo u Mwene atakaba mukasenyenta kalakala.

Masalimo 18:7

Ichisu ichapasi chikatetemagha nukukayingana, sona ulwalo ulwamaghamba lukayinganagha, pachifukwa ichakuti akakalala.

Masalimo 77:18

Ukupaya kwako kukivwika mukankungu, kope akamesya kakanyampana pachisu ichapasi, po ichisu ichapasi chikatetema nukuyingana.

Masalimo 97:4

Akamesya kache kakuchilamizya ichisu ichapasi, sona ichisu ichapasi chikukennya nukutetema.

Ukufuma 19:18

Ighamba lyosi ilya Sinayi likakupikiliwa ni lyosi, pachifukwa ichakuti u Mwene akikila pighamba pala mumoto. Ilyosi likakwelagha kumwanya ngati lya mumuvuno, sona abantu bosi bakatetemagha pachifukwa icha bogha.

Yesaya 13:13

Polelo nkwiza pakukuneng'ennya kumwanya; sona ichisu ichapasi chikwiza pakwepa pabuzilo bwache, zinizi zikwiza pakubombiwa, pachifukwa icha bukali ubwa Mwene Uwamaka Ghosi, pisiku ilya kwaka ukwa kukalala kwache.

Yesaya 24:20

Ichisu chosi ichapasi chavulungana, ngati muntu yuyo ang'welite ubwalwa, chikutetema ngati kanyumba mumpepo, ichisu chizyunguliliwe ni mbibi chikuya pakuwa techikanyamuke sona.

Yesaya 5:25

Polelo ubukali ubwa Mwene bukwaka pabantu bache, inyobe yache yili mumwanya sona akubakoma. Amaghamba ghakayingana, sona imivimba yisatite bulo mumusebo ngati mantu. Pa zyosi zinizi, ubukali bwache butakutozoka, inyobe yache yichili yigholokite bulo.

Yelemiya 10:10

Loli u Mwene we Chala uwanaloli, we Chala umumi, u Mwene uwa bwila na bwila. Bo akalala, ichisu ichapasi chikutetema, inko zitangajimba nu bukali bwache.

Yelemiya 8:16

Abalwani bitu binjiye kale mukaya akakulu nkani aka Dani, Bo ifalasi zyabo zikulila, ichisu chosi chikutetema. Abalwani bizite pakunangannya ichisu chitu, poka na vyosi vivyo vili mumo, akaya akakulu nkani sona na bantu babo bakwikala mulamula.”

Yelemiya 9:10

Nkwiza pakukolomoka nukughalilila amaghamba sona nkwiza pakuyifwifwitila inkolongo, pachifukwa ichakuti ukwakudimako kwananganika. Kwaba chisami sona batakwendako ukumota ukwavitekwa kutakwivwikako. Iviyuni ni vinyamana vyachimbilamo.

Ezekiyeli 38:20

Iswi izya munyanja, iviyuni ivya mumwanya, ivinyamana ivya munkolongo, ichipeliwa chosi chicho chikwenda pasi, na bantu bosi babo bali pachisu ichapasi bakwiza pakutetema pamaso papane. Amaghamba ghakwiza pakung'anamukila pasi, ivibanga vyope vikwiza pakuwa sona ulubumba losi lukwiza pakuwa pasi.

Mika 1:4

Amaghamba ghakusunguluka muntende mwa Mwene. Ghope amakombe ghakulepunkana, ngati mpula pamoto, sona ngati mizi aghakwika pighamba.

Habakuku 3:10

Amaghamba ghakakwennya nukutetema, nukusata ukufuma kumwanya, ubwibizu ubwanyanja bukazumagha ichongo, nukughakwezya amayigha ghache mumwanya.

Habakuku 3:6

Akimilila, nukuchineng'ennya ichisu ichapasi, akennya po inko izya bantu zikatetema. Amaghamba aghakale ghakalepunkana, sona utumaghamba utwakale tope tukamongonkana. Izila zyache zya bwila na bwila.

Ubuvumbuli 6:14

Kumwanya kukazyebeluka ukuyana namumo ibuku likunnyengiwa, sona amaghamba ghosi nu tusungo tosi vikepapo pabuzilo bwache.