Yelemiya 4:23 - IBAYIBOLO 2024

²³ Nkenelezya pachisu ichapasi, chitakaba na kantu nakamokamo, sona nkennya kumwanya nkagha ukuti ulukozyo lutaliko.

Yelemiya 4:23 Iomraidhean Croise

Ubwandilo 1:2

Ichisu ichapasi chitakaba na kabonekele akenecho, sona chitakaba na kantu nakamokamo. Ichisi chikaba panyanja inkulu, sona u Muzimu uwa Chala akabulukabulukagha pamwanya pamizi ghalaghala.

Yesaya 13:10

Intondwa izya kumwanya ni vibunga vyabo vitakwiza pakulama. Izuba lilyo likulama likwiza pakuba muchisi, ghope umwezi ghutakwiza pakulama.

Yesaya 5:30

Pisiku lilalila bakwiza pakubuluma, pachifukwa icha nyama nukupoma ngati nyanja. Nanti weka akwennya pachisu, akwennya ichisi nintamyo, lope ulukozyo lukwiza pakukupikiliwa namabingu amafitu.

Yelemiya 2:12

Mwee vyisu ivya kumwanya, muswighe nazyo zinizi, mutetemaye sona mubanje nubogha. Ane ne Mwene nanena.

Yelemiya 9:10

Nkwiza pakukolomoka nukughalilila amaghamba sona nkwiza pakuyifwifwitila inkolongo, pachifukwa ichakuti ukwakudimako kwananganika. Kwaba chisami sona batakwendako ukumota ukwavitekwa kutakwivwikako. Iviyuni ni vinyamana vyachimbilamo.

Nkuto 3:2

Anchimbizya nukunyendezya muchisi, mumo mute ulukozyo nalumolumo.

Yoweli 2:10

Ichisu chikuyingana pantazi papabo, kope kumwanya kukutetema. Izuba nu mwezi vyaba bulo fii, sona zyope intondwa zitakulama nalumo.

Amosi 8:9

Po u Mwene Uwamaka Ghosi akuti, “Pisiku linilyo nkwiza pakulyinjizya izuba pakasi pachamabwila, sona ichisu chikwiza pakuba muchisi pamusanya,

Zekaliya 14:6

Pisiku lilalila kutakwiza pakubako ukukatala pamo ukabefu.

Matayi 24:29

“Nanti intamyo izya masiku ghanagho zyachila bulo, izuba likwiza pakuba muchisi, umwezi ghute ghukalame nalumo, intondwa zikwiza pakuwa ukufuma kumwanya, sona ivintu ivya maka kumwanya vikwiza pakuyingana.

Matayi 24:35

Kumwanya ni chisu ichapasi vikwiza pakumala, loli amazyu ghane ghakwiza pakuba na maka bwila na bwila.

Ubuvumbuli 20:11

Po nkennya ichitengo icha bumwene ichikulu ichiswepu, sona na yuyo akikalapo. Ichisu ichapasi na kumwanya vikachimbila pantazi papache, sona vitakaboneka sona.