Yelemiya 4:22 - IBAYIBOLO 2024

²² U Mwene akuti, “Abantu bane bapunganu, batammenye. Abana babo batakwinong'ona, sona batakwivwisya. Bo bafundi pakubomba ububibi, loli batamenye na pakubomba ubwiza.”

Yelemiya 4:22 Iomraidhean Croise

Ubwandilo 39:16

Po akayisunga inkazo yila mupaka papo usongo wache akizila.

2 Samuweli 13:3

Loli u Amunoni akaba nu mumanyani wache u Yonadabu, umwana uwa Shimeya, uwamwabo uwa Devedi. U Yonadabu akaba muchevu nkani.

Masalimo 36:3

Amazyu agha mumulomo wache mabibi sona mazimbuli, alekite pakuba muntu uwamahala, umwakuti atakubomba nabumobumo ubwiza.

Masalimo 36:4

Bo alambalaye pachitala chache akwinong'ona ububibi bwene, akwibika mwene mu mbibi, sona atakubuleghuka ububibi.

Masalimo 53:4

Fwandi ababomba imbibi bate na mahala? Bobabo bakubalya abantu bane ngati po bakulya chibama, sona bobabo batakumwiputa u Chala.

Masalimo 82:5

“Batakumanyapo nachimochimo sona bate na mahala naghamoghamo. Bakwendakwenda bulo muchisi, ulwalo lwachisu ichapasi lukuyingana.

Ivyili 28:5

Umuntu umubibi atakwivwisya ukuti ubugholosu cho choni, loli yuyo akubomba ubwighane ubwa Mwene akubwivwisya nkani.

Yesaya 1:3

Inkambaku zimumenye umwenecho impunda yope yichimenye ichakulyelamo. Loli aba Izilayeli batakuzimanya, abantu bane batakwivwisya.”

Yesaya 27:11

Nanti isamba zyache zyumila zikupyoka, sona abakolo bakuzitenya nukuzipela pakuba nkwi. Pakuti banaba bo bantu babo batakwivwa, po Umupeli wabo ate ni chililizi nabo, Umupeli wabo atakubapelela ichisa.

Yelemiya 10:8

Bosi bate namahala naghamoghamo sona bapunganu, bakumanyisiwa ni vifwani ivya makwi vivyo vite ni mbombo nayimoyimo.

Yelemiya 13:23

Nkimba umu Etiyopiya angawandula umubili wache, pamo nkimba uzyela angaghandula amabala ghache? Nkimba po mwatinji mungabomba bulibuli ubwiza mwe mwizubiye pakubomba ububibi?

Yelemiya 2:8

Abaputi batakalalusyapo ukuti, ‘Nkimba u Mwene ali kwiyi?’ Abamanyandaghilo batakamanya, abalongozi bakansambukila. Abalaghuzi bakalaghulila mwitabwa ilya chala u Baala, nukuvikonka ivifwani vivyo vite ni mbombo.”

Yelemiya 4:21

Nkimba imbaghiye pakwennya indembela iya bwite mupaka liyi? Nkimba imbaghiye pakwivwa ukulila ukwa ipati mupaka liyi?

Yelemiya 5:21

Ivwa ichi, mwe bapunganu na mwe bantu abasita mahala, amwe mwe muli na maso loli mutakwennya, amwe mwe muli na makutu loli mutakwivwa.

Yelemiya 5:4

Po nkati, “Banaba bo bantu abapina, bate na mahala naghamoghamo, pakuti batayimenye izila iya Mwene sona batachimenye chicho u Chala akuchilonda.

Yelemiya 9:2

Mwee, nalondagha nkani ngati po ningaba ni nyumba munkolongo, umwakuti imbaleke abantu bane nukubepukilamo, pakuti bosi bo bamalaya, ichilundilo icha bantu babo bate basubiliwa.

Yelemiya 9:3

U Mwene akuti, “Bakupeteka indimi zyabo ngati bwele pakulasa ubumyasi, ichisu chizuye nu bumyasi mubuzilo ubwakwizula nu bwanaloli. Batakutuzya pakubomba imbibi, sona nako kumumanya batamumenye.

Yelemiya 9:5

Umumanyani akumuzimbula umumanyani, sona atalipo nayumoyumo yuyo akunena ubwanaloli. Bazimanyizizye indimi zyabo pakunena bo bumyasi, umwakuti nako kupinduka batangapinduka.

Ezekiyeli 16:30

“ ‘U Mwene Uwamaka Ghosi akuti: Umoyo wako mudedebazu nkani, wabomba zyosi zinizi ngati mukolo umalaya yuyo ate ni soni nazimozimo.

Hoseya 4:1

Mwe ba Izilayeli, teghelezya amazyu agha Mwene, pakuti u Mwene abapiye inongwa amwe mwe mukwikala muchisu chinichi. Inongwa yache yo iyi, “Muchisu mutalimo nabumobumo ubusubiliwa pamo ulughano, sona abantu batakubikilako amahala nizya Chala.

Hoseya 4:6

Abantu bane bakunanganika pachifukwa ichakuti bate na mahala. “Pachifukwa ichakuti mwabusulannya ubumanyi, nane bulo nkubakana pakuba mwe baputi bane. “Pachifukwa ichakuti mwazikana indaghilo izya Chala winyu, nane bulo nkwiza pakubakana abana binyu.

Hoseya 5:4

Imbombo zyabo zitakubitikizya pakunyokela kwa Chala wabo. Umuzimu uwa bwamalaya ghuli mumoyo wabo, sona batamumenye u Mwene.

Amosi 3:10

U Mwene akuti, “Batamenye na pakubomba ubugholosu, babo bakusunga ivintu ivyakufyula mumalinga ghabo.”

Mika 2:1

Chighune ku bantu babo bakubatika pakubomba ububibi, sona nababo bakubatika ivibibi bo bali pavitala vyabo! Pandabindabi bakubomba zizyo babatika, pachifukwa ichakuti amaka aghakubombela zinizi ghali munyobe zyabo.

Mika 7:3

Inyobe zyabo zyosi zimenye nkani pakubomba ububibi, abalaghili bakulaba ivyabupi, abalongi bakwitika amabeko, abantu abamaka nkani bakunena ivintu ivibibi vivyo vyizuye mumoyo ghabo. Po bosi bakubatikila poka.

Luka 16:8

Polelo u mwene uwa kapitawa yula akamupalizya uwambombo umusitakusubiliwa yula, pachifukwa icha busitakusubiliwa kwache. Pakuti abantu aba muchisu ichapasi bachevu pakwendezya ivintu vyabo ukuchila abantu babo bali mu lukozyo.”

Yohani 16:3

Abantu bakwiza pakubabombela zinizi pakuti batamumenye Utata, sona nane bulo batamenye.

Aba Loma 1:22

Bakwinena bene ukuti bantu bamahala, loli bapunganu.

Aba Loma 1:28

Pachifukwa ichakuti abantu bala bakamusula u Chala, po akabaleka ukuti bakonke inyinong'ono zyabo imbibi ukuti babombaye ivintu vivyo batabaghiye pakuvibomba.

Aba Loma 16:19

Abantu bosi bivuye nizya kwivwila kwinyu, po ane nahoboka nkani pachifukwa icha mwemwe. Loli nkulonda ukuti mubanje bamahala pachintu chicho chiza, sona nukuti mutakinong'onelayeko ni mbibi.

Aba Loma 3:11

Nayumo umuntu yuyo wamahala, pamo yuyo akulonda pakumubombela u Chala.

1 Aba Kolinti 14:20

Mwee bakamu bane, mutakinong'onaye ngati mwe bana abanandi. Bo mwakomana ni vintu ivibibi mubanje ngati mwe bana abanandi, loli munyinong'ono zyinyu mubanje ngati mwe basongo.

Ukukumbusya Amalamulo 32:28

Aba Izilayeli lo luko lulo lute na mahala naghamoghamo, lo luko lulo lutakwivwisya ivintu napo panandi.

Ukukumbusya Amalamulo 32:6

Nkimba momumo mukubombela nu Mwene, mwe bapunganu na basita mahala mwee? Nkimba u Mwene ate we ghuso, yuyo akabapela? Nkimba ate weyuyo akabamata nukubapela pakuba mwe luko?