Yelemiya 4:2 - IBAYIBOLO 2024

² nanti mukulapa nu bwanaloli na mubugholosu, naloli nu Mwene umumi inko zikwiza pakusayiwa na yuyo, sona mumwache mukwiza pakuba ubuchindamu.”

Yelemiya 4:2 Iomraidhean Croise

Ubwandilo 22:18

Inko zyosi pachisu ichapasi nkwiza pakuzisaya ukwendela mubaluko lwako, pachifukwa ichakuti awe wanyivwila.’ ”

1 Abamwene 3:6

U Solomoni akamwamula akati, “Wee Mwene wane, ukamughana nkani u tata wane u Devedi pachifukwa ichakuti akaba muntu musubiliwa nu mugholosu, sona wanaloli. Umughanite nkani, sona wamupa umwana umulumendo ukuti ikalaye pachitengo icha bumwene mupaka nilelo bulo.

Masalimo 72:17

Itabwa lyache libanjeko bwila na bwila, sona libanjeko ngati mumo izuba likubelaghako. Abantu aba inko zyosi bakwiza pakusayiwa ukwendela mumwache, sona bakwiza pakumwitizya ukuti musayiwa.

Masalimo 99:4

U Mwene wamaka, sona abughanite ubwanaloli, ubwikazizye ubwanaloli. Wabomba ingolosu sona izyanaloli mwa Yakobo.

Yesaya 45:23

Ulufingo lwane lwanaloli, sona lutakwiza pakwanduliwamo. Umuntu wesi akwiza pakumfughamilila, nukufingila mwitabwa lyane.

Yesaya 45:25

Loli mwa Mwene abaluko losi ulwa Izilayeli, bakwiza pakuba bagholosu, sona bakwiza pakunchindika.

Yesaya 65:16

Wesi yuyo akulaba ulusayo muchisu, akwiza pakulwaghila mwa Chala uwa bwanaloli, wesi yuyo akulapa ichilapo muchisu, akwiza pakulapila mwa Chala uwa bwanaloli. Pakuti intamyo izyakale zikwiza pakuluviwa, nukufisiwa pamaso papane.

Yelemiya 10:10

Loli u Mwene we Chala uwanaloli, we Chala umumi, u Mwene uwa bwila na bwila. Bo akalala, ichisu ichapasi chikutetema, inko zitangajimba nu bukali bwache.

Yelemiya 12:15

Loli bo nabanyunkulamo, nkwiza pakubapelela sona ichisa abapalamani bala, sona nkwiza pakulunyosezya uluko losi kuchilingo chache na kuchisu ichache ni chache.

Yelemiya 12:16

Loli pisinda pache nanti nu moyo ghosi bangamanyila pakwenda muzila izya bantu bane, nukulapila mwitabwa lyane bo bakunena ukuti, ‘Nkulapila mwitabwa ilya Mwene Umumi,’ ukuyana namumo bakabamanyisikizya abantu bane pakulapila mwitabwa ilya Baala, po bakwiza pakwikala poka na bantu bane, sona bakwiza pakwikala mukasi mubantu bane.

Yelemiya 16:19

Wee Mwene, awe we maka ghane, nilinga lyane sona nkuvwamila mumwako mukabalilo akantamyo, inko izya bantu izya ukufuma pachisu ichapasi, zikwiza pakwiza kukwako nukuti, “Abanyenya bitu batakapyanapo chimo, loli abachala aba bumyasi sona na vivyo vite ni mbombo nayimoyimo.

Yelemiya 3:17

Pakabalilo kalakala u Yelusalemu akwiza pakwitiziwa pakuba Chitengo icha Mwene, sona inko zyosi zikwiza pakubungana mu Yelusalemu nukulichindika itabwa ilya Mwene. Batakwiza pakuba sona na moyo amabibi.

Yelemiya 33:9

Akaya akakulu kanaka kakwiza pakuba kaya akakufumusya imbili yane inyiza, niya lusekelo sona niya kunchindika sona niya muchizi pamaso pabantu bosi aba inko zyosi pachisu ichapasi bo bakwivwa inyiza zyosi zizyo nakabombela akaya kanaka. Bakwiza pakuba nubogha bo bakwennya ukuti nabapa ubukabi nu mutende uwakufikapo.

Yelemiya 5:2

Napapo bakulapila mwitabwa ilya Mwene umumi, pope bulo bakulapa ivyabumyasi.”

Yelemiya 7:5

“ ‘Nanti naloliloli mukuyannya inkalo zyinyu ni mbombo zyinyu sona mukulongelana mubugholosu,

Yelemiya 9:24

Wesi yuyo akulonda ukwituvya, ituvikizyanje muchintu ichakuti, ammenye sona akunyivwisya, ukuti ane ne Mwene uwachisa, uwanaloli, sona umugholosu pachisu ichapasi, pakuti nkuhoboka na zinizi. Ane ne Mwene nanena.

Hoseya 2:19

Nkwiza pakukuzingila bwila na bwila. Nkwiza pakukuzingila mubugholosu, na mubwanaloli, nu lughano lulo lutakumala nalumolumo, sona ni chililizi

Yoweli 2:12

Nilelo bulo u Mwene akuti, “Nyokela kukwane na moyo ghinyu ghosi, mutuzyanje pakulya, mulilaye, sona mufwifwitilaye.”

Zekaliya 8:8

Nkwiza pakubanyosezya sona ukuti bikalaye mu Yelusalemu. Bakwiza pakuba bantu bane, ane nkwiza pakuba musubiliwa sona mugholosu kukwabo pakuba ne Chala wabo.”

Malaki 1:11

Ukwanda kubufumilo bwizuba mupaka kubwinjililo bwizuba itabwa lyane likwiza pakuba likulu nkani pakasi pabantu aba inko izinji. Kosi na kosi abantu bakwiza pakufukizya utwakununkila nukubika ivyakwiyipa ivyenecho pachifukwa icha litabwa lyane pakuti itabwa lyane likwiza pakuba likulu nkani pakasi pa inko. Ane ne Mwene Uwamaka Ghosi nanena.”

1 Aba Kolinti 1:31

Ichi cho chicho Amasimbo ghakunena, “Wesi yuyo akulonda ukwituvya, ituvikizyanje mwa Mwene.”

2 Aba Kolinti 10:17

Loli Amasimbo ghakuti, “Umuntu wesi yuyo akulonda ukwituvya, ituvikizyanje mwa Mwene.”

Aba Galatiya 3:8

Amasimbo ghakenezya zila ukuti u Chala akwiza pakubanena abantu babo bate ba Yuda pakuba bagholosu pantazi papache ukwendela mu lwitiko nukufumusizya zila Amazyu Amiza kwa Abulahamu ukuti, “Inko zyosi pachisu ichapasi nkwiza pakuzisaya ukwendela mumwako.”

Ukukumbusya Amalamulo 10:20

Mumunyilaye u Mwene u Chala winyu nukumwiputa yuyo mwene. Mubanje mwe basubiliwa kukwache. Mulapilaye mwitabwa lyache lyene.

Ukukumbusya Amalamulo 4:30

Nanti mwakomana nintamyo, sona nanti ivintu vyosi vinivi vikababonekela, pisinda pache mukwiza pakunyokela kwa Mwene u Chala winyu nukumwivwila.

Ukukumbusya Amalamulo 6:13

Mumuchindikaye u Mwene u Chala winyu, mumubombelaye yuyo mwene. Bo mukulapa ichilapo mulapilaye mwitabwa lyache lyene.

Aba Filipi 3:3

Pakuti aswe twe basilimuliwa abanaloli, twe tukumuchindika u Chala umwakulongoziwa nu Muzimu Umuzelu, sona tukuhoboka mubumi bwitu ubwakumamatilana poka nu Kilisitu u Yesu. Aswe tutakusubila inyiho izya mubili,

Luti 3:13

Ughone kuno ubusiku bosi ubu. Chingaba chiza bulo nanti akulonda pakukupyana ichilingo. Loli nanti atakulonda, ane nkulapa pamaso pa Mwene umumi ukuti nene nkwiza pakukupyana. Po ughone kuno mupaka pandabindabi.”

1 Samuweli 20:3

Loli u Devedi akalapa akati, “Ughuso azimenye akiza nkani ukuti awe unganite, po akati, ‘U Yonatani atakazimanye zinizi, lumo angaba ni chitima.’ Loli nkulapa pamaso pa Mwene umumi, sona na pamaso papako ukuti ubufwe buli pampuno.”