Yelemiya 4:19 - IBAYIBOLO 2024

¹⁹ Mwee, intamyo! Mwee intamyo! Nkwigholola nu bubavu. Mwee umoyo wane ghukubaba, umoyo wane ghukukoma nkani, nkupotwa pakuba myee. Pakuti nivwa ukulila ukwa lipati, nivwa ichongo icha bwite.

Yelemiya 4:19 Iomraidhean Croise

Ubwandilo 49:6

Wee moyo wane, utakinjililayemo mulukomano lwabo. Wee muzimu wane, utakinjililayemo mutubukatila twabo. Pakuti mubukalale bwabo bakughogha abantu, sona muvinyonywa vyabo bakuzivulazya ing'ombe.

2 Abamwene 4:19

Umwakuchenusya bulo akamubuzya uwise akati, “Umutu ghukumbaba! Umutu wane mwee!” Uwise akamubuzya uwambombo wache akati, “Buka nawe kwa nyina.”

2 Abamwene 8:11

U Elisha akamwenelezya nkani u Hazayeli mupaka isoni zikamulema. Po umuntu uwa Chala yula akanda pakulila.

Masalimo 103:1

Wee moyo wane, umupalaye u Mwene. Sona navyosi vivyo vili mumo vilipalaye itabwa lyache izelu.

Masalimo 116:7

Wee moyo wane, tuzya, pakuti u Mwene akubombeye ivyiza.

Masalimo 119:136

Amaso ghane ghakukupula amasozi, pachifukwa ichakuti ululaghilo lwako lutakusungiwa.

Masalimo 119:53

Nkukalala nanti nkubennya abantu ababibi bakulunangannya ululaghilo lwako.

Masalimo 146:1

U Mwene apaliwanje. Wee muzimu wane, umupalaye u Mwene.

Masalimo 16:2

Nkamubuzya u Mwene nkati, “Awe we Mwene wane sona ivyiza vyosi vivyo indi navyo wewe ukumpa.”

Yesaya 15:5

Umoyo wane ghukuchililila ichisu icha Mowabu; bo abantu bache bakuchimbilila kukaya aka Zowala, mupaka Egilati Shelishiya. Bakukwela ichikwezya icha izila iya ku Luhiti, bo bali pakulila mumusebo uwaku Holonayimu bakulila inkuta iya kunanganika.

Yesaya 16:11

Umoyo wane ghukumulilila u Mowabu ngati chinanda, umuzimu wane ghukumulilila u Kili Helesi.

Yesaya 21:3

Zizyo nkazyennya nukuzyivwa muchisetuka zikampelela ubogha nu bubavu, ububavu ngati ubwa mukolo yuyo ali pakusayiwa. Nkutantalila nazizyo nkwivwa, sona zizyo nkuzyennya zinkuvulungannya.

Yesaya 21:4

Umoyo wane wavulungana, ubogha bwampelela ukutetema, akabalilo akachamabwila, kako nkakanyonywanga kaba chakoghofya chane.

Yesaya 22:4

Polelo nkati, “Mundeke nemwene, ukuti indilepo nkani. Mutakansangalusyanje pachifukwa icha kunanganika ukwa bantu bane.”

Yelemiya 13:17

Loli nanti mutakuteghelezya, nkwiza pakubalilila kubusyefu, pachifukwa icha mituvyo ghinyu, amaso ghane ghakwiza pakulila nkani, ghakwiza pakwizula namasozi pachifukwa ichakuti ing'ozi izya Mwene zili mubuzya.

Yelemiya 20:9

Loli nanti nkunena nkuti, “Ntakwiza pakumutambula u Mwene, pamo pakulinena itabwa lyache,” pakuti izyu lyache lili mumoyo wane ngati moto, lili ngati moto ghugho ghukocha mumafupa ghane. Nalita pakulisunga mukasi, naloliloli ntangachibomba.

Yelemiya 23:9

Pakunena nizya balaghuzi, umoyo wane ghuli nichitima nkani, amafupa ghane ghakutetema. Indi ngati muntu yuyo akolizwe, umuntu yuyo u vinyo amumalite amaka pachifukwa icha Mwene sona na mazyu ghache amazelu.

Yelemiya 4:21

Nkimba imbaghiye pakwennya indembela iya bwite mupaka liyi? Nkimba imbaghiye pakwivwa ukulila ukwa ipati mupaka liyi?

Yelemiya 4:5

“Fumusya muchisu icha Yuda nicha Yelusalemu ukuti, ‘Lizya ipati muchisu chosi!’ Kolomoka nukuti, ‘Bungana poka! Zagha tuchimbilile mutwaya utukulu utwa malinga!’

Yelemiya 42:14

sona nanti mukuti, ‘Twakana, aswe tukwiza pakwikala mu Ijiputi mumo tutakwiza pakubwennyamo ubwite pamo ukwivwa ukulila ukwa ipati pamo ukusobelwa ichakulya,’

Yelemiya 49:2

Loli amasiku ghakwiza, ghagho nkwiza pakubalizizya ipati aba Laba, akaya akakulu nkani aka ba Amoni. Ane ne Mwene nanena. “Akaya akakulu kanaka kakwiza pakuba chisami sona utwaya tuto tukazyunguliye tukwiza pakwaka umoto. Po u Izilayeli akwiza pakubachimbizya, babo bakamuchimbizyamo. Ane ne Mwene nanena.

Yelemiya 50:22

Ichongo icha bwite chikwivwika muchisu, sona pali ukunanganika ukukulu nkani!

Yelemiya 6:24

Twivwa imbili yako, sona amaka ghamumalila. Ubogha bwamulema ngati bubavu ubwa mukolo yuyo akusayiwa.

Yelemiya 8:18

Ukubaba ukwa moyo wane kute numulembo naghumoghumo, umoyo wane wawa amaka.

Yelemiya 8:21

Pakuti abantu bane bavulaye, nane invulaye, nkulila sona indi nubogha.

Yelemiya 9:1

Mwee, nalondagha nkani ukuti u mutu wane ghube ngati mbwibi iya mizi nukuti amaso ghane ghabe ngati chiziba icha masozi! Umwakuti ngali nalila umusanya nubusiku pachifukwa icha bantu bane babo baghoghiwe.

Yelemiya 9:10

Nkwiza pakukolomoka nukughalilila amaghamba sona nkwiza pakuyifwifwitila inkolongo, pachifukwa ichakuti ukwakudimako kwananganika. Kwaba chisami sona batakwendako ukumota ukwavitekwa kutakwivwikako. Iviyuni ni vinyamana vyachimbilamo.

Nkuto 1:16

“Ichi cho chifukwa nkulila sona amasozi ghatakukamuka mumaso ghane. Atalipo nayumoyumo uwakunsangalusya, sona nayumo umuntu uwakunkazya. Abana bane baba balanda, pachifukwa ichakuti abalwani bitu batupota.”

Nkuto 1:20

Wee Mwene nkuyimba nkani mumoyo. Mukasi mumwane muli ubwite, sona navulala nkani mumoyo pakuti ne muntu wakusambuka. Mope mumisebo abantu baghoghiwa na bapanga, sona ubufwe bwene buli mo munyumba yane.

Nkuto 2:11

Amaso ghane ghizuye pachifukwa icha kulila, sona mukasi muli ubwite. Ghope umoyo wane wavulala, pachifukwa ichakunanganika ukwa bantu bane. Pakuti abana na babonda bakuzililika mumisebo iya kaya akakulu nkani.

Daniyeli 4:19

U Daniyeli yuyo akitiziwanga ukuti Belitishazala akaswigha nkani ukwa kabalilo, umwakuti ubogha bukamulema. Po u mwene akati, “Wee Belitishazala ichilota ichi pamo ubusanuzyi bwache vitakakoghofyanje.” U Belitishazala akamula akati, “Wee mwene wane! Nalondagha ngali ichilota ichi sona nu busanuzyi bwache bubawile abalwani bako, loli vitakakuwile!

Daniyeli 7:15

“Ane ne Daniyeli, nkatamiwa nkani mumoyo, sona nkaba nubogha nkani pachifukwa icha zizyo nkazyennya muvisetuka vyane, po zikanvulungannya nkani.

Daniyeli 7:28

“Ubu bo bumalilo ubwa fundo yiniyi. Po ane ne Daniyeli nkatamiwa nkani mumoyo wane, sona chope icheni chane chikasulumannya, loli nkavisunga bulo mumoyo wane.”

Daniyeli 8:27

Ane ne Daniyeli nkalita nkani, sona nkabinapo amasiku aminji. Po nkanyamuka nukubuka pakubomba imbombo kunyumba iya mwene. Nkaswigha nkani ni chisetuka chila sona intakachivwisyanga.

Amosi 3:6

Nanti ipati likulila mukaya akakulu nkani, nkimba abantu batakutetema? Nanti intamyo zyawa mukaya akakulu nkani, nkimba te we Mwene aziwisya?

Habakuku 3:16

Bo nivwa zinizi mukasi mukasunguluka, sona imilomo yane yikaneng'ena bo nivwa amazyu ghanagha. Amafupa ghane ghakanda pakubola sona ivinama vyane vikatetema. Loli nkwiza pakulindilila mubufisalyoyo ukwiza ukwa isiku ilya ntamyo, ukuti lyize pa balwani bitu babo bakutulema.

Ukubelengiwa 10:9

Bo mukulwa ubwite na balwani binyu muchisu chinyu, babo bakubayivya, mulizyanje amapati aghakubasoka abantu, po u Mwene u Chala winyu akwiza pakubapoka munyobe izya balwani binyu.

Aba Loma 10:1

Mwee bakamu bane, chicho nkulonda nkani nu moyo wane ghosi, sona nkwiputa nkani kwa Chala chakuti aba Izilayeli bangapokiwa!

1 Aba Kolinti 14:8

Sona nanti umuntu yuyo akulizya ipati atakulizya akiza, nkimba wewenu angiyannya pakubuka kubwite?

Aba Galatiya 4:19

Bana bane baghaniwa, ngati bubavu ubwa mukolo pakusayiwa, nane bulo indi nu bubavu mupaka papo ubumi ubwa Kilisitu bwaba bwakufikapo mumwinyu.

Abalongi 5:21

Ulusoko ulwa Kishoni lukababukizya, ulusoko ulwakwizula ulwa Kishoni lula. Endagha wee moyo wane, banga namaka!