Yelemiya 4:18 - IBAYIBOLO 2024

¹⁸ “Akendele kinyu ni mbombo zyinyu vyo vivyo vyabizila nintamyo. Ulu lo lufundo lwinyu sona lukubaba, lukughavulazya amoyo ghinyu.”

Yelemiya 4:18 Iomraidhean Croise

Masalimo 107:17

Abantu bamo bakaba bapunganu pachifukwa icha kunanga, po bakayimba nkani nu bubavu, pachifukwa icha mbibi zyabo.

Ivyili 1:31

po bakwiza pakulya ivikomwa ivya mbombo zyabo nukwikuta ni vintu vivyo bakabatika pakuvibomba.

Ivyili 5:22

Imbombo imbibi izya muntu umubibi zikuba chipingo chache, inkusa izya mbibi zyache zikumupinya mwene.

Yesaya 50:1

U Mwene akuti, “Nkimba ukwinong'ona ukuti nkababwezya abantu bane, ngati mumo umuntu akumusosezya umuchi wache? Po nkimba bali ko kwiyi abakalata abasoka? Nkimba ukwinong'ona ukuti nkakughulizya mubukayidi, ngati muntu yuyo akubaghulizya abana bache ngati bazya? Awe, mukabuka mubukayidi pachifukwa icha mbibi zyinyu. Mukachimbiziwa pachifukwa icha kunanga kwinyu.

Yelemiya 14:16

Sona abantu babo bakubalaghulila bakwiza pakusumbiwa mumisebo iya mu Yelusalemu pachifukwa icha zala nu bwite. Atakwiza pakubapo nayumoyumo uwakubasyila pamo abachi babo, abana babo abalumendo pamo abalindu. Nkwiza pakubafunda nintamyo zizyo zibabaghiye.

Yelemiya 2:17

Zinizi zyakubonekela, pachifukwa ichakuti ukamuleka u Mwene, u Chala wako, bo akukulongozya muzila yiyo ukendaghamo.

Yelemiya 2:19

Ukwiza pakufundiwa nu bubibi bwako, pakuti wankana, nkwiza pakukupa inongwa. Winong'one nkani ububibi nu bubavu ubwa kundeka ane ne Mwene u Chala wako, sona winong'one nizya kusita ukunyila.” U Mwene Uwamaka Ghosi anena.

Yelemiya 26:19

“Nkimba u Hezekiya u mwene uwa chisu icha Yuda na bantu bosi bakamughogha u Mika? Nkimba u Hezekiya atakamunyila u Mwene nukulaba uluhobokelo? Nkimba u Mwene atakabahobokela, umwakuti atakabapa ulufundo lulo akati akwiza pakubafunda nalo? Loli aswe twebene tuli papipi pakwisendela intamyo impalapala nkani!”

Yelemiya 5:19

Sona nanti abantu bakukulalusya bakuti, ‘Nkimba choni chicho u Mwene u Chala witu atubombela zyosi zinizi?’ awe Yelemiya, ubamule uti, ‘Ngati mumo mukamulekela u Mwene, nukubabombela abachala abayeni muchisu chinyu, momumo mukwiza pakubabombela abayeni muchisu chicho te chinyu.’ ”

Yelemiya 5:25

Loli ububibi bwinyu bo bubo bwavikanizya vyosi vinivi, imbibi zyinyu zyabukanizya ubwiza ukuti buleke pakubizila.

Yelemiya 6:19

Wee chisu ichapasi, teghelezya, nkwiza nintamyo pabantu aba, nkwiza ni vikomwa ivya mbombo zyabo, pachifukwa ichakusita kwivwila amazyu ghane, sona balukanite ululaghilo lwane.

Nkuto 3:15

U Mwene ampiye intamyo impalapala, pakuba chakulya chane sona ni chakung'wela chane.

Ezekiyeli 39:24

Nkababombela izi ukuyana nubunyazu bwabo ni mbibi zyabo, sona nkabafisa icheni chane.

Hoseya 7:2

Loli batakuzyaghannya, ukuti nkuzikumbuka imbombo zyabo zyosi imbibi. Imbibi zyabo zikubamila, akabalilo kosi bali pamaso papane.