Yelemiya 4:14 - IBAYIBOLO 2024

¹⁴ Wee Yelusalemu, swefya umoyo wako kumbibi ukuti upokiwe. Nkimba ukwiza pakuba ninyinong'ono imbibi zinizyo mupaka liyi?

Yelemiya 4:14 Iomraidhean Croise

Masalimo 119:113

Imbabengite abantu aba moyo mabili, loli indughanite ululaghilo lwako.

Masalimo 51:2

Ubusukaye ububibi bwane bosi, sona unswefyanje kumbibi zyane.

Masalimo 66:18

Nanti intakazilatagha imbibi zyane nukuzifisa mumoyo wane, ngali u Mwene atanteghelezizye.

Ivyili 1:22

“Mwee bapunganu, nkimba mukwiza pakuba mwe bapunganu mupaka liyi?” Mwee balobezyo, nkimba mukwiza pakuhoboka nu lobezyo lwinyu mupaka liyi sona mwee bapunganu, nkimba mukwiza pakughabenga amahala mupaka liyi?

Yesaya 55:7

Mubaleke ababomba mbibi, baleke inkalo zyabo imbibi, sona bope abantu ababibi bazileke inyinong'ono zyabo inyonganu. Baleke banyokele kwa Mwene, ukuti abapelele ichisa, sona nakwa Chala witu, pakuti akwiza pakubahobokela.

Yelemiya 13:27

Nabwennya ubunyazu bwako, ubwamalaya bwako, ni chinyonywa chako! Navyennya ivyakubombiwa vyako ivinyazu, ivyakubombiwa pamaghamba sona namumaghunda. Wee Yelusalemu! Chighune kukwako. Nkimba ukwiza pakuswefiwa liyi?”

Yelemiya 17:1

U Mwene akuti, “Imbibi iya ba Yuda yisimbiwe na kasimbilo aka chela, sona yisimbiwe pamoyo ghabo nibwe ilya dayimondi, na pampembe izya vighemo vyabo.

Yelemiya 18:11

“Po ilelo buka ubabuzye abantu aba muchisu icha Yuda na babo bakwikala mu Yelusalemu uti, ‘U Mwene akuti: Nkwinong'ona pakubabombela ichintu ichibibi, sona nkwiyannya nukubatika zizyo nkwiza pakubabombela. Po umuntu wesi anyokeko ku zila zyache imbibi naku mbombo zyache zizyo akuzibomba. Leka inkalo zyinyu imbibi ni mbombo zyinyu.’

Yelemiya 2:22

Napapo ukoghela itoyi nukubombezya isopo inyinji, pope ubunyazu ubwa mbibi zyako bukuboneka pantazi papane.” U Mwene Uwamaka Ghosi anena.

Yelemiya 6:19

Wee chisu ichapasi, teghelezya, nkwiza nintamyo pabantu aba, nkwiza ni vikomwa ivya mbombo zyabo, pachifukwa ichakusita kwivwila amazyu ghane, sona balukanite ululaghilo lwane.

Ezekiyeli 18:31

Efyamo ukunanga kosi kuko mwabomba, nukusenda umoyo umupya nu muzimu umupya. Mwee ba Izilayeli, nkimba choni chicho mu kufwa?

Zekaliya 8:17

mutakamwinong'onelaye umupalamani winyu ichintu ichibibi, sona mutakalapilaye mubumyasi. Ane invibengite nkani ivintu vinivi.” U Mwene anena.

Matayi 12:33

“Nanti mukuti, ‘Ikwi ili lyiza,’ kokuti ivikomwa vyache vyope vyiza. Nanti mukuti, ‘Ikwi ili libibi,’ kokuti ivikomwa vyache vyope vibibi. Ikwi likumanyikwa ni vikomwa vyache vivyo likwela.

Luka 11:39

Po u Mwene akamubuzya akati, “Amwe mwe ba Falisayi pakuti mukusuka kuzi ukwa lubako ni mbale zyinyu, loli mukasi mwizuye nu bupafu nu buvyondongo.

Yohani 13:9

U Simoni Pitala akamula akati, “Wee Mwene, utakansukuzye inyayo zyene, loli unsukuzye inyobe sona na kumutu bulo.”

Imbombo 8:22

Polelo pinduka nukuchileka ichintu chako ichibibi ichi nukumwiputa u Mwene ukuti akuhobokele pachifukwa icha kwinong'ona ichintu ngati cho ichi.

Aba Loma 1:21

Napapo bakamumanya u Chala, loli batakamuchindika, pamo ukumupalizya. Loli inyinong'ono zyabo zikaba zyamwalwe, sona amoyo ghabo ghakizula ni chisi.

1 Aba Kolinti 3:20

Aghanji ghakunena sona ukuti, “U Mwene azimenye inyinong'ono izya bantu abamahala ukuti zite ni mbombo.”

Yakobo 4:8

Palamila kwa Chala, po wepe akwiza pakupalamila kukwinyu. Ozya inyobe zyinyu mwe bantu bambibi mwee! Suka amoyo ghinyu, amwe mwe amoyo ghinyu ghali mumwanyamwanya bulo!